قصيده للشاعر محمد جار الله السهلي

[CARLTON]

جساس والزير

يا كذبها قولت ترى الناس للناس = والسـالفه ماعـاد تحـتاج تفكـير
اما تصير بموقفن يرفع الراس = ولا عساها ما تحقق ولا تصير
قدلي ثلاث ايام حاير ومحتاس = الحال مـابه خير واقول انا بخير
خايف تشمت عاذلن فيه وسواس = مهما تصاغرني احس اني بخير
من زود همي ماجذب عيني نعاس = كن السهر حاتم وعيني مسايير
كل النتايج تعترفلي بالافلاس = واضحك على نفسي واسوق التباشير
ياحض ليتك تحشم معرب الساس = ماكان جاني منك زله وتقصير
مابيك تغريني بضحكه ومجلاس = لو القناعه كنز عندي انا غير
لاما اقتنع بالطيب بحدود وقياس = يكبر فعين الغير وفي عيني صغير
وان قلت شوف فلان يحطب بلا فاس = بقول لوبه خير ما عافه الطير
هذا وسجل يا قلم فوق قرطاس = ابيات ما ودي تمر دون تفسير
اللي يبي صيتن وذكرن بنوماس =يقضي حياته ما يحسب المخاسير
واللي يشوف الصح في فعل جساس = تشوم نفسه عن فعل سالم الزير
واللي ما حـاش المجد بالدرع والطاس = ماهي بعـيده لو يـذم المناعير
واللي ماتطرب نفسه لفزعة دباس = من دون فزعاته يحصل معاذير
يقوله اللي فوق خشم الخطا داس = وطويق ما يشره على قاعة البير

[بــ راكان ــنت]

ياحض ليتك تحشم معـرب السـاس
ماكان جاني منـك زلـه وتقصيـر

صح لسانك ولسان شاعرها

ولاهنت

Dr.Corvette

[عـ100ـج]

واللي ما حاش المجد بالدرع والطاس
ماهـي بعيـده لـو يـذم المناعيـر



صح السانك والسان محمد والله لا يهينك قصيده رائعه جداااااااا

ونتمنى انك ماتبخل علينا بجديد السهلي

[CARLTON]

بنت راكان

مرحبابك ومسهلا

سعيد بمرورك

والله يعطيك العافيه


تحياتي,,,,,

[CARLTON]

عـ100ج

صح بدنك

مرورك اسعدني

الله يعطيك العافيه



تحياتي,,,,,

[@الشيــــــــــــنه@]

ياحض ليتك تحشم معـرب السـاس
ماكان جاني منـك زلـه وتقصيـر

مابيك تغرينـي بضحكـه ومجـلاس
لو القناعه كنـز عنـدي انـا غيـر

لاما اقتنع بالطيـب بحـدود وقيـاس
يكبر فعين الغير وفي عيني صغيـر

وان قلت شوف فلان يحطب بلا فاس
بقول لوبه خيـر مـا عافـه الطيـر



صــح لســــاااااانه ويسـلمووو على النـقل

[CARLTON]

الشينه

صح بدنك

ويسلمووووووو على المرور



تحياتي,,,,,,

[الاسـكـنـدر]

واللي يشوف الصح في فعل جساس
تشوم نفسه عن فعـل سالـم الزيـر
واللي ما حاش المجد بالدرع والطاس
ماهـي بعيـده لـو يـذم المناعيـر

كلام كبير

الله لايهينك اخوي كارلتون

وتسلم على النقل الرائع



الاسكندر

[CARLTON]

الاسكندر

مرورك اسعدني

والله يعطيك العافيه

[أشهب الـلال]

واللي ماتطرب نفسه لفزعـة (دبـاس)=من دون فزعاتـه يحصـل معاذيـر..!!

هو صادق



الأخ الكريم

كارلتون

أختيار موفق .. لشاعر مُبدع.. أثبت جدارته وقوته رغم صغر سنه..

لك جزيل الشكر على مانقلت لنا..

وكلنا شوق لجديدك دائماً

تقبل تحياتي

أخيك