شكيت اللي سلم منهـو شكابـه = عليـم الكـون عالـم ماخفابـه
دعيتـك يامجيـب الداعييـنـا = على قلب ٍ جريح ٍ مـن عذابـه
الا ياخالـق ٍ أنـسـه وجـنّـه = ومخلوق ٍ خلـق يعبـد جنابـه
دعيتك في جفـا خـل ٍ تخلّـى = على وجهه وطوّل فـي غيابـه
بعد ماطالت العشـره وصرنـا = حبايب0 وامتلى الشاعر كتابـه
تركني وابتعد في ظرف ساعـه = ترك حـب ٍ تبنّـا وحتضابـه
ولادري هو سمح من درب حبي = أو ان راعي العذل مني غدابـه
وخوفي لو صغا للـي حكالـي = عن المحبوب ! خوفي لو حكابه
ولا ادري ولا اعلـم وحـايـر = يزيـد الشـك فينـي والغرابـه
وحارت نجمـة الليـل العليلـه = على حيـرة ظنونـي والكآبـه
تحرّيت الحبيب اللـي هجرنـي = على المرقاب وآجـرّ الربابـه
حزين القلـب بهمـوم ٍ حزينـه = الين الراس شيّب مـن شبابـه
اناجي وحدتي وانعي واصفّـق = على الكفين 0 حـرّه وآسفابـه
أبي علـم ٍ يوضّـح ماجهلتـه = هموم الشـك تذبـح بالاصابـه
وانا مليت من رجـوا الامانـي = كأني ظامـي ٍ يطـرد سرابـه
عسا اللي حال من دون الحبايب = ذليل ٍ ملتجي لـه فـي خرابـه
عساه ايشوف موته كل لحظـه = ويلبس بالحـزن عاتـم ثيابـه
عسا عينه حريمه مـن كراهـا = يراعي الصبح 0 ليله لاجلابـه
ويبلى بالـذي بـه قـد بلانـي = عيوف الزاد قوته مـع شرابـه
أكيـل ٍ بالنـدم والهـم قـوتـه = ولوعات الدهر تصبح (زهابـه)
واختّـم ماكتبتـه بالقصـيـده = بذكر اللي سلـم عبـد ٍ لجابـه
وعلى (محمد) نصلي كل فرض ٍ = رسول الدين من رب ٍ وصابـه
وسلامتكم
الشاعر / سعود رتيبان الجويّر
14-11-2005, 05:27 PM
العرض العادي
