للإستماع للقصيدة بصوت الشاعر
اضغط
هنا
آه من نزف الجروح القلب زادت به لهوبه=وآه كلمة آه وش هي غير تخدير القضيـة
يضرب المحتل غزة ثم جـولان الخصوبـة=والعرب باقي تناشـد أمـة الكفـر البغيـة
أعلنوها في ملاكم وابشروا بقوم ٍ صعوبـة=ناس ما تضرب حساب الموت ترجي للمنية
ذروة الدين الجهاد وكلنـا يبغـى يجوبـه=ودنا بتأديب كلب ٍ حـرك أفـراد السريـة
لو عرف تاريخ مجدي ما تمادى في خطوبه=بس صاد الكلب نـاس تسانـده بالمدفعيـة
والعرب تشجب تندد ما تبا تحذف بطوبـة=حتى فالموقف ضعيفه زادت البلـوة بليـة
وإن لفى كلب ٍ يبيهـم قابلـوه ورحبوبـه=يشرحون الوضع عنده راحت الأنفس زكية
البلى إن العُرْبْ دايم في شقاق وفي نشوبه=وإن تلاقوا وش وراهم غير شرب الشاذلية
الأمل فالله كبير وثم فـي صقـر العروبـة=فيك يا صقر العروبة عارفين النـار حيـة
أنت بعد الله للي ضايـع ٍ فكـره وصوبـه=يا بدوي ٍ يعربي ٍ يـا لسعـودي يالحميـة
والسبب كل ٍ يشوفه وين جولان الخصوبه=تشهق الأنفاس تزفر تصفـق يديـه يديـه
ولانبى نخذل جوير ٍ أعلن فـداره نكوبـه=بيت واحد فالقصيدة يشرح الوضع الزريـة
30-12-2006, 03:00 AM
العرض العادي
