الى كل ظالم..؟

[شقران]

قال تعالى ( لا يحب الله الجهر بالسوء الا من ظلم )


القهر بالقلب يا(...........) يحـوم // من سوات اللي برى قلبي برى

يحسب انه واصل(ن) حد النجوم // مـادرى انـه سـقـيـم(ن) مـادرى

معدنه مطلي تغطـيـه الشـحـوم // بأرخص العمله يبــاع وينـشرى

لاتغـرك كشخته فــوق اللــزوم // فــرق مـابـين الثـريـا و الثـرى

اسـود(ن) وجـهه وغدار وظلـوم // كم وكم ناس(ن) عليهم افتـرى

يكـذب الكذبـه على بالـه تـدوم // مادرى في وسط عينه تنقرى

مادرس درس الشهامـه والسلـوم // مادرس الا خـرابـيـطـه تـــــرى

لو هـي فزعه والله انه مايقـوم // لوهي مسرى والله انه ماسرى

خـايـن العشره جعل ربي يلـوم // من يلومني فيه عقب اللي جرى

ليتني حاكم وهـو عبـد محكـوم // لاجـلـده مليـون جـلـده من ورى

لين يدري كم شـهـر حنا نصـوم // ولـيـن يـدري قبـلـتـه ام القـرى

ولين يعرف كيف تقـديـر القـروم // ولين يعرف وش خطاياه ويـرى

ولين يـتـرك كـل عـادات الرخـوم // ولين يفهم حده ان طـال الثـرى

وسلامتكم : شقران

[فيصل بن حجرف]

السلام عليكم

صح لسانك اخوي شقران
ولو كانت القصيده لك ياليت تبلغنا عشان ننقلها الى ديوان صدى المشاعر

تحياتي

[عزوف]

الظلـــــــم ظلمات

الله يكفينا ويكفيك شر الظلم ومرارته

صح لسانك يا شقران


تحياتي

[عـزام]

صح السانك يا شقران ولاهنت


قصيده جزله يا القرم


تحياتى:
اخوك الولهاااان

[شقران]

السلام عليكم

شكرا على مروركم وننتظر الجديد من الردود

ودمتم....

[ابوتركى]

ليتني حاكم وهـو عبـد محكـوم // لاجـلـده مليـون جـلـده من ورى


والله انك تخوف ياشقران


اختيار جميل منك اخى


تحياتى لك

[cool]

السلاااام عليكم ورحمة الله وبركاااته

ولين يعرف كيف تقـديـر القـروم
ولين يعرف وش خطاياه ويـرى

ولين يـتـرك كـل عـادات الرخـوم
ولين يفهم حده ان طـال الثـرى

ومن قاااال سااالم شقراااان وصح لساااانك الغااالي .

الله يعطيك العاافيه ولاهنت

كـووول

[شقران]

السلام عليكم

ابوتركي .... انا اخوف الي يظلم ويفترى ويعمل ما حرمه الله على عباده

كووول ..... نعم مهما قلت عنك فيعجز اللسان عن وصفك ويكفي

انك نجم الديوان فشاهدنا دائما منك مايرضينا ولك مني جزيل الشكر

ولكم مني جزيل الشكر ...... وننتظر باقي الردود

[كويتي]

اخوي العزيز شــقران لاهنت عزيزي وتسلم على

هذى النشـــاط المتميـــز في جميع اقســام المنتدى

تقبــل تحيـاتي
كويتي

[عيد بن شدقان]

شقران
عزالله انها قصيده جزله

لا هنت وصح السانك


وتحياتي