الـنـعـيـريـه : سـالـم بـن جـخـيـر

[طلال بن قطام]

الديره اللـي ياعـل السيـل يسقيهـا=وشلـون ماحبهـا واحـب طاريهـا

احبها حب ساكـن داخـل اعماقـي=ومهما يجور الزمن مانيـب ناسيهـا

فيها ربيت وعرفت ان الغـلا فطـره=واحبها من صميـم القلـب واغليهـا

من عادني فـي صفـوف الابتدائيـه=ومن عادني العـب الكـوره بناديهـا

الين قدنـي كبيـر وفاهـم وعاقـل=واكتـب قصايـد تشرفنـي معانيهـا

تصدق اني لو اجيها وانـا مغمـض=ادل حتـى شوارعـهـا وكبريـهـا

واسوق روحي لها من شان عمدتهـا=واحبهـا مـن محافظهـا لشرطيهـا

ديرة هل العرف والوقفات والفزعـه=فيها القبايل تفاخـر فـي عزاويهـا

الله جمعهم على العز وعلى الطاعـه=صاروا على قلب واحد وسكنوا فيهـا

الديـره اللـي لهـا فقلوبنـا موقـع=نعيش فيهـا وندفـن فـي اراضيهـا

فيها الحضاره وفيهـا العلـم متقـدم=غطـت خدماتهـا علـى ضواحيهـا

اشياء واجـد تبيـن لـك تطورهـا=واكبر دليـل التطـور فـي مبانيهـا

صارت عروس الربيع ومقصد السايح=الناس من كل حدب وصوب تاتيهـا

اذا سألـت اي واحـد وينـك مخيـم=تلقـى خيامـه ورى الديـره مبنيهـا

خدمه وفرقة دفـاع ورقـم مجانـي=من كثر ميزاتهـا ماعـاد نحصيهـا

شعارها(ربعـوا معـنـا) وحيـاكـم=الله يـرحـب بـهـا والله يحييـهـا

تلقى بها العشـب بشكالـه وبنواعـه=امـا نبـت وسطهـا ولا حواليـهـا

وتلقى بها الحمض والحوذان والربلـه=وانواع واجـد ماتحظرنـي اساميهـا

وتلقى بيوت الشعر والكيـف والفلـه=وتلقى بها الذود ترتـع فـي مفاليهـا

وتلقى بها كل شـيٍ يبهـج الخاطـر=ان قلـت ياحليلـهـا ولا يالبيـهـا

الله عليها مـن اولهـا الـى اخرهـا=والله من عيون بعض الناس يحميهـا

ويالله عسى مزنة الرعـاد والبـارق=تملى ملازيمهـا وتملـى محاجيهـا

واللي ماركز معي في مبتدى القصـه=فل يستمـع زبـدة القصـه بتاليهـا

انـا ترانـي مابالـغ فـي محبتهـا=وشلون ماحبها وامـي وابـي فيهـا

هذي قصيده علـى شـان النعيريـه=تقديـر لمحافـظ الديـره واهاليهـا

سالم بن جخير

[راعية الابل]

صارت عروس الربيع ومقصد السايح

الناس من كل حدب وصـوب تاتيهـا

انشهد وصح السانكـ

[محمد المجول]

صح الله لسان الشاعر

سالم بن جخير


والله لايهينك

ياالجارح على النقل لرائع

تقبل تحياتي

[الجااازي]

الجريح

تستاهل النعيريه وجعلها السيل وفديتها وفديت السليمانيه

وبيض الله وجهك ولاهنت وصح الله السان بن جخير

[فلاح بن ملبز]

الجريح

صح لسانك ولسان شاعرها / سالم بن جخير

ويعطيك العافية على هالنقل الجزل

ولاهنت

[النــــداويــه]

ياســـــلام ...

روووعـــــــه .. ابيات .. طغت علي الجمال

الجـــريــح ..

كل الشكر لك علي روعة ذوووقك ورقيه ...

تواجد وحضور مميـــز لك .. تسلم ذائقتك .. ولاتحرمنا من روعة اختياراتك ..

اختك دلوعة العجمان

تحياتي لك ..