للـــــــه درك يـ ابن فطيس

[شحيمآن ال شحيمآن]

السلام عليكم



قد تقولون بـ انني غريب الاطوار بعد ان ترون موضوعي هذا


خصوصاً انني لا اتمنى فوز ابن افطيس

لآن هناك إبن عم لـي في منافسه له


إبن افطيس شاعر ولستوا انا من يقيم محمد بن حمد ابن فطيس


لكن ابيات اعجبتني اهديها لـــــ لمحــيــط الهادي وعن طريق هذا المنتدى الرائع

ماجيت أبارك لك على نيـل اللقـب=يابن فطيس الله عسى خيرك كثيـر
ما أعرفك لاوالله ياكود إمن النسـب=من يام في خنذف هل الفعل العسيـر
وإن كان تبغى الصدق ما آقول الكذب=كنت آتمنى هالنتيجـه تْكـون غيـر
إيه آتمنى بإن إبـن عمّـي كسـب=تركي حزامى ساعة الجمع الخطيـر
قلته وأنا لاقلـت للقـول آحتسـب=من نقدة إكبار العرب قبـل الصغيـر
يابن فطيس الصدق هالساعه وجـب=في الشعر لو قالوا خيال الشعر آخير
أنشهد إن شعرك مثل صرف الذهـب=لكنّ تآخذنـي الحميّـا فـي مطيـر
ولاهوب عيب إليا احتميت ولاعجـب=ألا لوإني ما أحتمـي مافـيّ خيـر
( كبْ) الشعر ماهو مبعّد من قـرب=موضوعي أكبر من قصيده يالاميـر
عن كلمتينٍ ماهي إبشعـر وطـرب=ولاهي على قافٍ حكمها في المسيـر
لكنّها أطلق مـن قصيـدٍ قـد كُتـب=تحمل مـن إنسانيتـك شـئٍ كثيـر
قسمتهـا قسميـن ياشبـل العـرب=جمالةٍ منّـك عسـى رزقـك وفيـر
ياطيب راسك والوفا حظّـك غصـب=أمير من فعلك ولو ما أنتـب أميـر
من شان هذي جيـت ماليّـه طلـب=ماغير أبشرح شئ في قلبي يسير..!
إنك قسم باللي حرم واللـي وهـب=من بعد هذي كنّـك آخـوي الكبيـر

صح لسان شاعر هالقصيده

لآننه استطاع فعلاً ترجمت احساسي عندما اعلنوا عن النتائج

وخاصتاً عندما اعلن المحيط الهادي عن التبرع

وراضي تمام الرضى عن النتيجه خصوصاً

ان الفارق بـ نتائج اللجنه فهذا يعني ان ابن افطيس

نال مايستحق وتركي نال مايستحق ايضاً من جماهيره

بهذه الحاله اظن ان الاثنين فـائزين بنظري وخاصه عندنما ننظر لنتائج بقية الشعراء


تقبلو تحياتي وسوري على الاطاله

[ناصر بن حثلين]

اول شي الفائز باللقلب والبيرق هو واحد اللي اهو محمد المري
الشي الثاني ابياتك جميله ولكنها مكسره انا ما اجيز هذه القصيده
والله لا يهينك

[تركي الصمعان]

السلام عليكم ورحمة الله وبركاته..........
صح السان الشاعر ولكن ابكل صراحه ابن افطيس يستاهلها ولا اشرايك.............
يعطيك العافية...................

[البليهي]

يوم التنافس صار بين القبايل مطير هزت بالتنافس حكومة
دولة قطر كادت تطيح وتمايل واللي طمع فطير ضاعت علومة

احب اعلق على التوقيع ياشحيمان وترى مطير ماهي باللي نافست دولة
ان كان السالفة هياط عندك فترى الفعل صدق عند يام وانا خيك ترى يام نافست وهزمت دول وشف من اللي داعم تركي ويصوت لة بنفسة مدعوم من اكبر حكومة بالخليج وهم كلهم يصوتون لة ومع ذلك هزمتهم يام
تبي الصراحة الثاني يخب على تركي مع احترامي لشخصة بس شعرة يخب علية المفروض الثاني العازمي وشكرااا


ياشيخ ليتك لنا بالعين تنشاف يوم اقبلت دولات صبيان يامي

[الاصيل اليامي]

الصورة تتكـــــــــــــــــــــــــــــــــلم

آسف

التوقيع يتكـــــــــــــــــــــــــــــــــــلم


ههههههههههههههههه

[شحيمآن ال شحيمآن]

ناصر بن حثلين

اول شي الفائز باللقلب والبيرق هو واحد اللي اهو محمد المري
الشي الثاني ابياتك جميله ولكنها مكسره انا ما اجيز هذه القصيده
والله لا يهينك

--- يـأسفني أن هناك من هم على شاكلتك
يـاخذ الامور بـ تعصب إلى هذا الحد

لآن القصيده ليست لي ولم يطلب منك تقيمها وهي مهداه لبن فطيس وليست لمن لايستحقها شرواك

---

امطوع

ابن افطيس ،، شاعر لا اقيمه انا

شاعر ويستاهل المليون وغير شاعريته فعله يشهد فيه جماهير هالبرنامج بعد التبرع

ونعم بـ الاجواد

---- البليهي

يوم التنافس صار بين القبايل مطير هزت بالتنافس حكومة
دولة قطر كادت تطيح وتمايل واللي طمع فطير ضاعت علومة

احب اعلق على التوقيع ياشحيمان وترى مطير ماهي باللي نافست دولة
ان كان السالفة هياط عندك فترى الفعل صدق عند يام وانا خيك ترى يام نافست وهزمت دول وشف من اللي داعم تركي ويصوت لة بنفسة مدعوم من اكبر حكومة بالخليج وهم كلهم يصوتون لة ومع ذلك هزمتهم يام
تبي الصراحة الثاني يخب على تركي مع احترامي لشخصة بس شعرة يخب علية المفروض الثاني العازمي وشكرااا

اذا السالفه هياط راح اتركها لك

وتركي لــو اتوقع انك تقيمه ماصوتت له

ونعم بـ يام وانا ماقللت من شأنها

وفوز بن فطيس يستحقه وناله بفضل حكومة قطر اولاً وقبائل يام ثانياً

----------

الاصيل اليامي ،،

تصاميم رائعه


--------


اسعدني جداً جداً مروركم

[@ جنتل العجمي @]

اخوي شحيمان مثل ما قال اخوي البليهي تركي كان مدعوم من اكبر دولة خليجيه ومن آل سعود ايضاً ومن ربعه المطران
ومع هذا خذاها ابن فطيس لأنه كان يستحق القب
والشي الثاني العازمي قصيده احسن واقوى من قصيد تركي الميزاني

تحياتي لكـ اخي الكريم

[شحيمآن ال شحيمآن]

جنتل ،،


اعجبني اسلوبك بالمناقشه


انا لا اقول ان تركي الافضل


ومسألة يستحق الثاني او لا يستحق


هذي يحددها التصويت

لآن لو المسأاله شعريه كان العتيبي مانجح اكثر من مره من خلال التصويت


تقبل تحياتي واعجبني اسلوبك جداجدا

يعجبني الشخص الذي يتكلم بـ احترام الطرف الاخر

[عـزوز]

شحيمان

صح لسانك ع الابيات الجميله .. والله يبارك فيك وبن فطيس يستاهل وكل اللي معه يستاهلون .. وللأمانه تركي الفين من خلال هالبرنامج اثبت انه شاعر نظم وابدع .. وكل الشعراء اللي وصلو للنهائيات اثبتو مقدرتهم الشعريه وابداعهم .. وعسىى الله يوفق الجميع ..

تحياتي لك ..

[شحيمآن ال شحيمآن]

عزوز

انت انسان تملك قدره على صف الكلام والاطراء المميز

ولو ان كل شخص ينظر بنفس النظره التي تنظر انت بها


لــ أرتحنا من التعصب الاعمى وعدم تقبل حتى الاعجاب من الطرف الاخر


اتمنى ان اجد قلمك بكـــل موضوع انا اطرحه

شرفني مرورك