الطيب عزّ للرجال وشتاله =والا الردى يحتال به راعي البوق

[عيد بن شدقان]

يا مرحبا والله ومسهلا يالله حيــــــــــــــــــــهم

اخترت هذي القصيده لكم واتمنى انها تعجبكم

يامل قلبٍ كل ماقلت داله =أنه يذكرني بشرهات وحقوق

ياقلب ياقلب الخطى والجهاله =لاتحسب أني بايع الطيب بالسوق

والله وحق اللي عزيزٍ جلاله =لأتعب وراه وكل مطرود ملحوق

ما دام راسي عايشٍ يا دلاله =تفٍ على الدنيا وتفٍ على العوق

كم واحدٍ للطيب يشعب جماله =يسوقهن للطيب والمرجله سوق

وكم واحدٍ يقول مالي وماله =بينه وبين الطيب بابٍ ومغلوق

رجلٍ بلا عزٍ محا الله حلاله =لا صار ما ياخذ مع العز طاروق

هو يحسب أنه ينفعه كثر ماله =لابد ما يصبح عن المال مفروق

المال زينه بالحياة ومناله =لا صار يملك به صخيٍ ومرزوق

اليا اجتمع دينٍ وحكم وعداله =ويمنى كريمه تعطي المال مدفوق

هذي حلاةٍ للرجال وكماله =طيبٍ يذكر به ولا عيشة العوق

الطيب عزّ للرجال وشتاله =والا الردى يحتال به راعي البوق

والله ما اترك كل طيب وجماله =الا أن روحي صاعده للولي فوق

والرزق عن اللي قوية حباله =الواحد اللي رازقٍ كل مخلوق

وســـــــــــــــــــــــــــــلامتكم

[ابن وعيل]

والله ما اترك كل طيب وجماله
الا أن روحي صاعده للولي فوق

تسلم يالراكد ع القصيدة الجميلة
اختيار موفق


تقبل تحياتي

[ابن مكتوم]

لاهنت يا الراكد وصح لسانك





بن مكتووووووووووووم

[عزوف]

رجلٍ بلا عزٍ محا الله حلاله
لا صار ما ياخذ مع العز طاروق



قصيده رائعه يا الراكد

اختيار موفق

تحياتي

[ffahad]

ياسلام عليك يراكد تسلم واللة

[abu faisal]

قصيده جميله لمطلق العوده تحياتي يا الراكد,,,,,,,,,,,,,,,,,,,

[السياسي]

لا هنت يا السنافي على القصيده





تحيات السياسي

[عيد بن شدقان]

ابن وعيل
ابن مكتوم
عزوف
ffahad
abu faisal
السياسي



اشكركم على مروركم الذي اسعدني


ولا هنتو