عـزالله إنّـك فقيـده ياوليـد الـجـري

[فهيد بن عصيدان]

السلامُ عليكم

صباح الخير .,

بيوت أتمنّى إنها جات في حلّها ,,

ماني بحبّ السّياسه في بيوت القصيد=ولاقد تناولتها وأذاعها منبري
واللّي يحبّ السياسه ماهو إبمستفيد=غير الغثا والتعبْ والضغط والسكّري
لكنّ لاصارت الأريا (حرار وعبيد)=في دفتري راي حرّ ., إيعبّره دفتري
برسل على الفاكس والاّ عن طريق البريد=رايي ل(مهدي) وأبي قصيدتي تنقري
ديموقراطيّه وحرّيه إبدون قيد=في كوكب الأرض ماهو كوكب المشتري
في دار (اخومريم) إبحكّامنا نستزيد=فينا المواطن ثري ., لوكان ماهو ثري
لكن ورا العلم الأوّل جدّ علمٍ جديد=وعصر الحضارات والتجديد يجري جري
كلّ الدّول قرّبتْ من عقب ماهي بعيد=وحنّا على دربنا ماغير نرجع قري .!
والمجلس اللّي لو يأدّي أداءه بليد=خلّى المواطن يجنّ ., وصاب راسه (فري)
النار يامجلس الأمّه طفتْ بالجليد=لونحتري خير .؟ مابه خير ., لونحتري
حتى الزيادات تنقص عقب ماهي تزيد=كلّه من المفتري ., والله على المفتري
ضاعت كبار الهقاوي في كثير الوعيد=من يوم شفنا الكرامه والذّممْ تنشري
فجأه ., تساءلتْ ياوين الوليده وليد؟=أنا أشهدنّه من اهموم المواطن بري
اللّي على هقوة الهاقي وشيك الرّصيد=واللّي لاطرّو مواقف طيّبه .. ينطري
هذاك حرٍ يصيد اللّي ماغيره يصيد=وذيبٍ بيسري لوإنّ اللّيل ماينسري
بقول كلمه وأبختم باختصارٍ مفيد=لحد يفسّر كلامي: (عجمي وعنصري)
إن كان من مجلس الأمّه فقدنا فقيد؟=عزالله إنّك فقيده ياوليد الجري !

فهيد بن محمّد

[عيد بن شدقان]

حجز




ولي عوده

[مــقــدام]

الله الله


اخي الكريم / فهيد بن عصيدان


صح الله اللسان


وابيات جزله يالجزل


ويستاهل الجري


ولك كل الشكر والتقدير

[(هاوي قصيد)]

فهيد بن عصيدان ,,,,
ارحب والله اني صادق؟
صح الله لسانك وبيض الله وجهك , جزله من جزل ويستاهل وليد الجري فقيدة الجميع والله شاهد

عندي اطراء بسيط بالنسبه لك؟ ( كلن يقول انا شاعر ) ؟ لكن ماكل شاعر بشاعر؟
وانا لا قريت قصيد اللي مثلك وشرواك حرام بالله اني اقول ان كانت انا شاعر اجل ذالناس وشهم؟
تقبل مروري

[نـاصـر]

السلام عليكم ورحمة الله وبركاته

صح لسانك يابو محمد



والممدوح يستاهل


ولاهنت

[نسل الطويل]

لكنّ لاصـارت الأريـا (حـرار وعبيـد)
في دفتري راي حـرّ ., إيعبّـره دفتـري


كفوو والله يابو محمد ويستاااهل الجري

حر من حر



صح لساانك على الجزااله

[الاطخم]

صح لسانك يابو محمد على هذه الرائعه
عزالله انه يستاهل الجري

[ناصر بن حمود]

السياسة .. في بيوت القصيد

ــــــــــــــــــــــــــــــ



أعزائي الكرام ، السلام عليكم و رحمة الله و بركاته










شاعرنا المخضرم " فهيد بن عصيدان "

على الصفحه رقم 30 في صحيفة للوطن الكويتيه

الصادره صباح اليوم الجمعه 1 الموافق / 6 / 2007



السياسة.. في بيوت القصيد



ـــــــــــــــــــــــــــــــــــــ

ماني بحب السياسة في بيوت القصيد = ولا قد تناولتها واذاعها منبري
واللي يحب السياسة ما هو أبمستفيد = غير الغثا والتعب والضغط والسكري
لكن لا صارت الأريا (حرار وعبيد) = في دفتري راي حرّ .. ايعبره دفتري
برسل على الفاكس والا عن طريق البريد = رأيي لـ (مهدي) وأبي قصيدتي تنقري
ديموقراطية وحرية ابدون قيد = في كوكب الأرض ما هو كوكب المشتري
في دار أخو مريم ابحكامنا نستزيد = فينا المواطن ثري .. لو كان ما هو ثري
لكن ورا العلم الأول جد علم جديد = وعصر الحضارات والتجديد يجري جري
كل الدول قربت من عقب ماهي بعيد = وحنا على دربنا ما غير نرجع قري
والمجلس اللي لو يؤدي أداءه بليد = خلى المواطن يجن وصاب راسه فري
النار يا مجلس الأمة طفت بالجليد = و نحتري خير؟ ما به خير .. لو نحتري
حتى الزيادات تنقص عقب ما هي تزيد = كله من المفتري .. والله على المفتري
ضاعت كبار الهقاوي في كثير الوعيد = من يوم شفنا الكرامة والذمم تنشري
فجأة.. تساءلت يا وين الوليده وليد ؟ = أنا أشهد أنه من اهموم المواطن بري
اللي على هقوة الهاقي.. وشيك الرصيد = واللي لا طرّوا مواقف طيبه .. ينطري
هذاك حر يصيد اللي ما غيره يصيد = وذيب بيسري لو أن الليل ما ينسري
بقول كلمه وابختم باختصار مفيد = لحد يفسر كلامي : (عجمي وعنصري)
إن كان من مجلس الأمة فقدنا فقيد ؟ = عز الله أنك فقيده يا وليد الجري


ـــــــــــــــــــــــــ

كل الشكر و الثناء لشاعرنا المخضرم " فهيد بن عصيدان "

على هذه القصيده الرائعه التي تضاف الى روائعه الكثيره

و أبو خالد يستاهل ما قيل ، و إن شاء الله نراه في المجلس القادم



خالص تحيتي و تقديري للجميع


ـــــــــــــــــــــــــــــــــ

[فلاح بن ملبز]

صح لسانك يا ابو محمد

على ذا القصيدة الجزلة

ويستاهل ابو خالد ذا المدح وزود

ولاهنت

[الاحرش]

صــــــــــــــــــــح الله لــــــــــــســــــــــــــــانك