واللــــه إن يبطووون ماشافوا دموعش ..بعـد الغياب

بن سويد · #1 15-03-2004, 05:55 PM

السلام عليـكم ..

شحالكم . آربـكم طيبين ؟

السموحه منكم علـي الغياب ..

ولكم مني هذا .

واللــــه إن يبطووون ماشافوا دموعش = وتبطي ذيك وذيك ماتاخذ محلّــــش
لعنبووو من لامش وبيّن خضووعش = ولعنبو من هانش وحاول يذلّــش
إفرحي يابنت والله لايرووعش = والله يهنّيش والله لايغلّــش
وإلعبي مع شاعرن جا حسب طوعش = وإسمعي وش قال عنّش يوم هلّـش
عاف مادونش وجا يسكن ظلوعش = ودّه الليله بليله تحت ظلّـــش
يشبعه غيرش ولكنّه يجوعش = ويتملّـل من جفاش ومايملّــش
وينشرح خاطره لازانت اوقوعش = ومايفكّر يوم من باله يشلّـــش
تنشدينه ليه ذابحته طبوعش = وكيف مات فـ ربعش ونصفش وكلّـــش
وأنتي من عامين غازيته جموعش = وسلّمش نفسه قبل لايستحلّــــش
نادره في نوعش وياطيب نوعش = وكامله في زينش ويازين دلّــــش
إفرحي تكفين وإضوي لي شموعش = وإذكري لـ اعداش وشني قايل لش
والله إن يبطون ماشافوا دموعش = وتبطي أحلىىى بنت ماتاخذ محلّـش

وسلامتكم ..

والعـذر والسموحه منكم

cool · #2 16-03-2004, 12:26 AM

السلااام عليكم ورحمة الله وبركااااته

إفرحي تكفين وإضوي لي شموعـش
وإذكري لـاعداش وشني قايل لـش

والله إن يبطون ماشافـوا دموعـش
وتبطي أحلىىى بنت ماتاخذ محلّـش

ابن سووويد كذا شكلي يوم شفت ااسمك فيه ثم يوم قريت مشااركتك

الحمد لله على السلاااامه ولا تعبت الغاالي ولا عااد تبطي تكفي مره ثااانيه .

صح لسااانك صح لسااانك صح لسااانك على رااائعتك وابدااعك .

تسلم ولا هنت الغااالي .

كـووول

knzan · #3 16-03-2004, 01:47 AM

يشبعه غيرش ولاكنه يجعوش .... يتملل من جفاش ولا يملش.. صح لسانك

روووووعه · #4 16-03-2004, 02:47 AM

ابن سويد......صح لسانك اخوي ..قصيده في قمه الروعـــــــــه

وكلمات مؤثره ...واسلوب حلووو..

بصراحه...يعطيك العافيه على القصيده الرائعــــــــــه...

تحياتي لك

روووعه