رائعة ابن قشعم

برق الشمال · #1 10-08-2007, 04:51 AM

اتمنى ان تستمتعو بالرائعه

خزنة الارباح

عسى البارق اللي شق عرض السحاب ولاح
............................. سرى فالكويت .. ومنتحي للسعوديه

تزبر سحابه والرعد في عروضه صاح
............................... وتباشر أقدومه قبل تفرح تواليّه

يخيل ويرعد والمطر من سحابه طاح
............................. ويركد على الروضه ويرخي ثناديّه

مداهيل عذبٍ كل ما قلت حبّه راح
.............................. بدى من جديد وعذّب القلب طاريّه

هبلني بزين أحكاه وأسلوبه المزّاح
............................. وأنا نفسي لزين السّوالف شفاويّه

احبه واوده واعشقه .. والغلا ياأبداح
.............................. يربّ الضلوع .. وينحني مع محانيّه

على شف وصله..سقت رجلي وأنا مرتاح
............................ لوّإن بيني وبينه قرى البعد مبنيّه

ماني بأحسب أحساب المراويح والمسراح
......................... قوي عزم والطرقه غرام الشقاويّه

ليا ضاق صدري والعمس توّ عيني ناح
.......................... ما قاصيت نفسي فالأمور الحياتيّه

ركبت الرصاصي وأنجلى كلّ هم وزاح
....................... حديث الموديل وسكبته غير عاديّه

ما وقّف على كمّ سيم ؟ والاّ على الصيّاح
...................... كبير الجنوب الليّ تعارض علابيّه

ايجنح تقول امسرول ٍ يلطم الملواح
ه....................هوى من بعيد .. وعلّق اللوح بشويّه

تنكس أمبيره تحسبه من مكانه ساح
............... وطوى الخط الأيسر مقدمه .. طيّ زوليّه

شعيته وغنى طرب( سواح أنا سواح )
.................. وغنيت له( ياراكب الليّ مافي زيّه )

سرى وأنتله راعيه مستعجلٍ وأجتاح
.................. اطوال الخطوط اللي لها روحه وجيّه

وفهقت الشّماغ وقلت للخاطر المنساح
.................... ترى الصّوت فيني حاجةٍ لا اراديه

صحيح الرياض ومدنها دونها مشواح
................... لكن كنها امن العاصمه للصباحيه

احبّ الرياض وحبّها خزنة الأرباح
................. وسهمها يغذي البورصات الخليجيّه

اجيها وعطر الشّوق في ضامري فوّاح
.................. ولا أرتاح لين أقابل الشعله الحيّه

أتوق لحكيها وأعشق أشعورها الذبّاح
.................... وأسابق سروري قبل يبدي دواعيّه

تباشير نور الصبح في وجهها الوضّاح
................. تقول ان صباح الخير تقرى بأشافيّه

غلاها مقيم وحبّها يتعب السرّاح
..................... ومراتيعها قلبٍ دعاويه مكنيّه

لعبيّ مثل ما يلعب البزر فالمسباح
.................. رثع فالخرز والسلك قطّع عراويه

عليه الضلوع اتحن والقلب سدّه باح
................ ولا زالت اعروق الهواوي هواويه

فالح بن قشعم ...