( هِـــــــــيـــــــــــت ) !!

[مناحي الصميل]

اضع بين ايديكم هذه الأبيات وعسى ان تنال اعجابكم

يا طير ياللي حايمٍ فوق الأجبال = سلّم على ربعي وسلّم على ( هيت )
ربعٍ لهم في قمّة العزّ منزال = اهل القنا والسمعه اللي لها صيت
العَود فيهم قرم .. والجذَع مدهال = والشعر ما يوفي لهم لو مِيَة بيت
يا طيبهم من جدّ ومن عمّ ومن خال = ويا طيب ذِكر الطِيب لا من تحاكيت
ديرة بني عمّي مشاكيل وأبطال = وفي مدحهم نذرٍ علي ما توانيت
جيت النشامى غابش وصافي البال = وعند الجسر حاسبت ويسراي لفّيت
وشفت القطار أقبل وكنّي بزلزال = عرّض علي .. من خلفتي قمت وخفّيت
الجو بارد والشجر حوله إضلال = واجبال حولك ماهي بنيان ( وإسميت )
في مجلسٍ بـ وجاره ابريق ودلال = تلقى به جموع المطاليق لألفيت
وترحيبة اللي يقبل ( اررررحب ) وفنجال = ومرحّبٍ بك دايم ان رحت وان جيت
ربعي سفارينٍ شواهيق وإطوال = هم محزمي .. هم عزوتي لا تعزويت
الصبي فيهم للمصاعيب حمّال = تلقى السعد لو فوق حمله تراكيت
الله يجملني على كل الأحوال = وصح الله لساني على ما تغنّيت

وسلامتكم

[مشاعر حالمه]

الله يجملنـي علـى كــل الأحــوال
وصح الله لسانـي علـى مـا تغنّيـت

مناحي الصميل

اي والله صح السانك يالقرم ولاهنت

تحيتي لك / مشاعر حالمه

[جطلي بن فهد]

ربعـي سفاريـنٍ شواهيـق وإطــوال
هم محزمي .. هم عزوتـي لا تعزويـت
الصبـي فيهـم للمصاعـيـب حـمّـال
تلقى السعد لـو فـوق حملـه تراكيـت
الله يجملنـي عـلـى كــل الأحــوال
وصـح الله لسانـي علـى مـا تغنّيـت


الله الله الله


مناحي يابوفهاد


شف وش بقول


اولا
صح لسانك مليون

ثانيا
انا شهادتي فيك مجروحه
ثالثا

كفووووو سفارين اهل الكيف والحيل الي تقلط في الصحون الكبيره

رابعا
هيت يالبى هيت واهلها


مرجله وطيب فال


صح لسانك يالقرم

[مناحي الصميل]

مشاعر حالمه

صح الله بدنش طال عمرش

ولا هنتي على مرورش الكريم

حياش الله

[فرز الوغا]

الــــــــــــــلام عليكم

مناحي الصميل

صح

الله

لـــــــــــــانك

ونعم

بـــ هــــيــــت

واهلهااااا



ربعـي سفاريـنٍ شواهيـق وإطــوال

هم محزمي .. هم عزوتـي لا تعزويـت




ودعتك الله

[عبير]

القدير ..مناحي

والنعم ..هاذي العلوم الطيبه

صح لسانك مدد

ولاتطول على الجمهور

[شموخ سعودية]

~*¤ô§ô¤*~ الشاعر ...مناحي الصميل ~*¤ô§ô¤*~**



لاادري كيف أصف قصيدتك ....

وماذا اكتب .. كي اعطيها حقها الذي تستحق..

اذا قلت مبدع .. فأنني انقص في جمالها ..

لانها فوق الأبداع ... وأن قلت قد صيغة باسلوب رائع .

فإنني انقص في حقها لأنها أكثر من رائعه

وارجوك ان تستمر وتبعث لنا المزيد....

دمت كما انت بروعه هذه الحروف ..

في رعاية الرحمن ..

[مناحي الصميل]

المشاركة الأصلية كتبت بواسطة سماوي بن نجم

ربعـي سفاريـنٍ شواهيـق وإطــوال
هم محزمي .. هم عزوتـي لا تعزويـت
الصبـي فيهـم للمصاعـيـب حـمّـال
تلقى السعد لـو فـوق حملـه تراكيـت
الله يجملنـي عـلـى كــل الأحــوال
وصـح الله لسانـي علـى مـا تغنّيـت


الله الله الله


مناحي يابوفهاد


شف وش بقول


اولا
صح لسانك مليون

ثانيا
انا شهادتي فيك مجروحه
ثالثا

كفووووو سفارين اهل الكيف والحيل الي تقلط في الصحون الكبيره

رابعا
هيت يالبى هيت واهلها


مرجله وطيب فال


صح لسانك يالقرم

ارحب يا سماوي

ارحب ارحب

صح الله بدنك طال عمرك

وبيض الله وجهك

ولا هنت على مرورك الكريم

حياك الله

[محمدالعمار]

يا طيـر ياللـي حايـمٍ فـوق

الأجبـال

سلّم على ربعي وسلّم علـى ( هيـت )

============================

وشفت القطـار أقبـل وكنّـي بزلـزال
عرّض علي .. من خلفتي قمت

وخفّيت

==========================

في مجلـسٍ بـوجـاره ابريـق ودلال
تلقى بـه جمـوع المطاليـق لأ

لفيـت

صــــــــــــــــــــــــــح السانك قصيده وافيه

لكن ارجو انك ماتزعل من النقد البناء
القصيده جميله جدا وافتخارك بالسفران والله والفين نعم يستاهلون المدح لكن ودي ان ذكرت اهل حنيذ لانك على طريقك وانت رايح هيت لو انك ذكرتهم في بيت على الاقل كان احسن لانهم ربعك وعزوتك ولهم حق دامك شاعر تذكرهم فالقصيده . لكن جل من لايسهو.

انا تعليقي على القصيده من دون مجامله قصيده جميله جدا لكن الشاعر مثلك ماتعسره القوافي عشان يجبر الكلمه على شان الوزن ارجو انك تراجع الابيات اللي عليها لون.

ويعلم الله اني ابي افيد واستفيد.

[محمدالعمار]

صـــــــــــــح السانك ويستاهلون السفران المدح. ونعم بهم.
اخوي مناحي عندي نقد بناء مع اني مدري عن مدى سعة صدرك
القصيده وافيه لكن عندي هذي الملاحظات واذا كنت انا غلطان وضح لي.

يا طيـر ياللـي حايـمٍ فـوق الأجبـال
سلّم على ربعي وسلّم علـى ( هيـت )

(جبرت كلمات( الجبال الى الاجبال) عشان القافيه)
============
وشفت القطـار أقبـل وكنّـي بزلـزال
عرّض علي .. من خلفتي قمت وخفّيت
(جبرت كلمة خفيت بتشديد الفاء عشان القافيه) وقافية القصيده مافيها تشديد.
====================
في مجلـسٍ بـوجـاره ابريـق ودلال
تلقى بـه جمـوع المطاليـق لألفيـت

(جبرت كلمة لالفيت عشان القافيه)

وقفلات البيوت الثلاثه اخلت في الوزن.