قصائد الشاعر الفائز في ترشيح الاعضاء الشاعر الرائع محمد بن الذيب

[جطلي بن فهد]

السلام عليكم ورحمة الله وبركاته


هانحن من جديد نعلن عن الشاعر الكنق الفائز بترشيحاتكم
محمد بن راشد بن الذيب


بدايتن انا سائتي بعشر قصائد للشاعر كما هو موجود في الشروط

ولكن حصل تغيير بسيط الاوهو انا ااتي بعشر قصائد ومن اراد منكم ان ياتي بقصيده او قصيدتين فلامانع
يشارك بها هنا ولكم الشكر جميعا


شاعر يستحق الفوز شاعر له شهرته وله محبيه وله جمهوره

يستحق هذا الفوز

ونبدا باول قصيده
للشاعر

[جطلي بن فهد]

الصدر ضايق وصبري يا حسن طوّل
ودي أغادر ولو في وسـط غواصـه

انـا اشهدنـي مااحـب العالـم الأّول
ماغير كـاسِ يابـو ماجـد ورقاصـه

حضـاره زايفـه واعــلام مـهـوّل
حتى البزر يرضع الوسكي بمصاصـه

صحيح فيها الجمـال وجوهـا يهـوّل
وقفِ لاهلهـا وحنـا بـس بصاصـه

شفـي مـع لابتـي شيبـان ومعـوّل
ربع نهـار الوغـى للـروس قناصـه

نصبر على الحرب ونصاليه لاطـوّل
وقت مضى محتمين هجـر وخلاصـه

حنـا هـل الطايلـه ذلحيـن ومنـوّل
من طاح في نحورنا يا صعب مخلاصه

صغيرنـا يحتمـي الميقـاف لاحـوّل
لو الفخر وسط جوف البحر لاغاصـه

للكايـده نتعـب الرجليـن ونهـرول
يوم ان ولد الـردي رجليـه لواصـه

نتعب على الطيب لجل المركـز الاول
ندعس طريق الخطر ماقيـل حواصـه

عن لابتـي نايـب للشعـر ومخـوّل
قصيدي الجزل جلسني علـى ماصـه

[جطلي بن فهد]

ومن اروع واشهر قصائده

..

المارد الشعـري ليـا غـاب والاحضـر
يـزت روحـه علـى كفـيـه ويزتـهـا


الله يقطـع هـل الدمـام ياهـل الخـبـر
وعدت ابـو ريـوف بزيـاره ولا زرتهـا


ياريوف ليـل الموادع دمع والاسهـر
لــو انـهـا بختـيـاري ماتخيـرتـهـا


وانا فراسي قصيـده تشتغـل مـن ظهـر
واخـاف عينـي تغمـض مابعـد قلتـهـا


لكـن قولـي لبنـات السـد ولا النصـر
وش رايهـم فـي هنـوفٍ يـوم عينتـهـا


جديلـهـا يـدهـرو رموشـهـا تـدهـر
وثيابهـا كـل ماهـب الـهـواء بختـهـا


ماهيب شـي مـن الفتنـه ولاهـي بكـر
لكنهـا مـن غـلاهـا لــي تباكرتـهـا


وردوفها رفرف الجمـس الجديـد الحمـر
مستعملـه بـس لـي ذلحيـن ماسقتـهـا


قالو لي اخذ اختهـا قلـت الليالـي دهـر
مـاهـي ببلـغـا ولكـنـي تبالغـتـهـا


كن نيل مصر الذيذ الـي يصـب بمصـر
نيـل امهـا وكـن دلتـا سوريـا دلتـهـا


ان سولفـت سولفـت لكـن بالمختـصـر
كنها تضامن مـع البكمـان فـي صمتهـا


اليااضحكت قلت ياربـي عليـك الصبـر
واليـا بكـت قلـت ياربـي ماصبرتـهـا


الخيـل والليـل والبيـدا ووجـه الفـقـر
تطيـح مـن عينـي اليسـرى لاناظرتهـا


حتى هو االطائف اللـي كـل ليلـه مطـر
كنـي مصـيـف بـجـوه لاتحضنتـهـا


امحق سنه عاد قلبي فيش وامحـق شهـر
مافيـه مـره بعـد فـرقـاش ماذقتـهـا


وانا على شانـش ازعـل حكومـة قطـر
عجمـي وقلبـي خبـل لابعتهـا بعتـهـا


امتن من الضعف واطول من ضلال العصر
يضيـع فيهـا النضـر لامنـك ناضرتهـا


ياقلهـا يـوم الـد العيـن يـم الخـصـر
ولـيـا تعـديـت قلـتـهـا تكاثـرتـهـا


من المخافـه مايوقظـك لصـلاة الفجـر
ومـن الطـهـارة مايكـفـي لاتيممتـهـا


اليا اقبلـت كنهـا الارهـاق بعـد السفـر
متثيقـلـه مــن سـحـاء ولا تثيقلتـهـا


يدفهـا الشـوق دف العاصفـه لشـجـر
وتمـيـل لـكـن تستـعـدل لاعدلتـهـا


ساعة ماتزعل كنـه زعـلان منـك بـزر
ياجعلـك تمـوت يامحـمـد مازعلتـهـا


ياجعل مالش ياعينـي غيـر فتنـه نظـر
والله يلـعـنـك ياقـلـبـي لاهملـتـهـا


الله خلقهـا بشـر لكـن غـيـر البـشـر
الناس مـن تحتهـا والارض مـن تحتهـا


قالـت وانـا الحمـدلله والثنـاء والشكـر
قلـت انتـي اللقمـه الـي مابعـد كلتهـا


قالت انا الموت قلت انتـي عـذاب القبـر
قالـت لابالله يابـن الـذيـب مصختـهـا


الله عطاها شـرف مريـم وتقـوى عمـر
وانـا ليـا ذعـذع الغـربـي توسدتـهـا


بس اعذرونـي لـي غنيـت ياهـل قطـر
الله يغـفـر ذنـوبـي يــوم حللـتـهـا


ماهوب جنـون الغنـم ولا جنـون البقـر
شاعـر وعنـدي قصيـده زينـه وقلتهـا


قولـو لهـا لاتروينـي نجـوم الظـهـر
امـا تـرد الخبـر والا عشقـت اختـهـا

[جطلي بن فهد]

ترى سياسة حوحو مثل سياسة قيص قيص
لكن ماكافيني خياسة بررت وسايله
مابه يتيم الا الذي ماله ولد عم خليص
ينوب عنه في الدهروان ثقل حمله شايله
لان السنين المقبلة عويات ذيب ونبح نيص
والا الابوه والامومة مرحلات زايله
هيص ياقلبي في بساتينك وان بهيص
والفرحة العادية تغطي عليها الهايله
والاكلومبوس من ردى حظه ماجاء شرقي خريص
والااكتشف صخور الارض الصلبة من المتسايله
من راح اللي مالك قلبي وله جرح غويص
اجتاحني بين الظلوع العوج ولاانا شايله
تعال يااعذب من قصيد ابن الغريب لابن رميص
يامسبب هدرة بعير القلب وارغى حايله
ياامتع من علوم القنص عقب البطا لابن القنيص
وارق من وبل السحاب اللي انتثر في القايله
ياروعة الشارع في غراميات سعد بن الحريص
بسمعك بين مهستربي وانا اللي قايله
خلتيني دمعه على خد الزمن فيها بصيص
من المآسي والكوارث والحروب الطايله
وانا حريص اني مافرط فيك ولااني حريص
انك تبليني بقلب يحايلني بصبر واحايله
يامخترع سياسة التأخي والحب الرخيص
يامعسره هالعشق ومنه ومن عمايله
لكن عذري غير العذر يوم اضعف عظامي وانا مالي نقيص
الهجن تقطع بيدها واوكارها متمايله
ماحك قلبي بالغلا وانت نتاج من المحيص
راعي الجميل يموت ماتنسى العرب جمايله
من كثر ماتملك بقلبي خصوصية يالخصيص
ماباقي الااسجل اسمك بكرت العايله

[جطلي بن فهد]

سووق شرق

..

يا سليم اثنين قهوة تركـي وواحـد بكيـت
موشتـه لا سبيـل ابـن العراقـي لا مـلاه

استريت إن جيتك وإن روح الوقت استريت
قالها واحد من العالـم وانـا واقـف حـذاه

والتفت وقلت يا قلب التعاسـة وش بغيـت
لو غرامك شربـة الدخـان ياحـي الشـلاه

البلا آلما يزعج الخافـق ونينـك فالمبيـت
لين يرفع لـي اذان الفجـر وتقـام الصـلاه

اصلب من الكنكري إن خلطنـاه بالسميـت
صدمة الشيخان لا ذلوا.. لهم عيال الرعـاه

والدفاع الصلب يكسره الهجوم المستميـت
والشجاع اللي يقـارن مستـواي بمستـواه

ياهل الدوحه نصيحة كان رحتـوا للكويـت
جنبوا عن سوق شرق حسبنـا الله وعـلاه

فيه بنت الهاص طاغية على بنت السبيـت
وان لقاها شيبة الديمن تعثـر فـي عصـاه

من هنوف حبها قفى علـيَ ومـا دريـت
حطني فـي وجهـة المدفـع ولقانـي قفـاه

اتصل بـارك الله فيـك لا منـك فضيـت
والجهاز اللي تنادي لي معـه عطنـي نـداه

ذا كلامك يوم اسمِّعك القصايد بيـت بيـت
في الصميم وكل بيت ازين مـن اللـي وراه

الله اكبر يوم وكدت لي الوعد وضويت جيت
مـن تولـن وبديتتـك علـى وادي الميـاه

انصدمت بعنف في مالا توقعـت وغديـت
دمع كاهل ما عرف طعم السعاده فـي صبـاه

كل ماقلـت اللقـا قلتـي اصـول الاتكيـت
ما يجوز موعد العشـاق اسبـق لـه لقـاه
لو حجزتي لي جنـاح ملكـي وألا سويـت
اللقـا لابـارك الله فيـك لوفـرض خــلاه

موقع في الأرض ما لج فيه ذكرى لوفنيـت
الظمـا والجـوع لعيونـك ولا زاده ومــاه

كن في قلبي مثل شجاره اجنـوط الونيـت
لا شحطها اللي ظروف الوقت باحثـت خفـاه

اطعنيني لاجل اقول آه بوصالـك لا حييـت
وان رحلتي ماطعنتينـي بعـد مـا اقـول آه

سرع ما رحتي وأنا توي من الأعماق جيت
قلت اعشقك من جديد وماياست من الحيـاه

والحقيقة مابغيـت ابكـي ولكنـي بكيـت
سـالـت ادمـوعـي عـلـى ذيــه وذاه

ادري ان ماعاد منها شي لكنـي استحيـت
تحسبين اني بدون احساس وان قلبي صفـاه

ان رحلتي والغلا له في ركون القلب بيـت
يحفظك من سخـر الهدهـد لبلقيسـة سبـاه

لو ملكتي غطرسة هتلر وحنكة لـزا بيـت
ما تناسيتي ليالي الوصـل والحـب وجفـاه

اندهـي واقولـك لبيـه ياروحـي فديـت
ضحكة كنها مساء الخير مـن حلـو الشفـاه

انتي انتي سبة الغـزو العراقـي للكويـت
ولو غزى صدام مـرة ثانيـة بغـزي معـاه

[جطلي بن فهد]

العجمان
..

ياضيوفنا بيض الوجيه النبله السمحـه الكـرام
الليلـه العيـن الحزيـنـه مـاحـن مبكينـهـا

يامرحبا ترحيـب ن فيهـا غـلا ولا انسجـام
تكاثروهـا الـقـوم والعجـمـان متشاوينـهـا


الله خلقنـا درجـات وكـل انسـان ن مقـام
لكـن قربـه مـن عبـاده فـي تفـاوت دينهـا


والعين مدهال السهر والقلـب مدهـال الهيـام
والانفعـال اللـي يسبـبـه التـفـاؤل بينـهـا


واشرف علامات السماحه في الوجيه الابتسـام
واعزها ضحك الحجاج في ساعة ن يـا شينهـا


يا معز ن صبيان يـام بقدرتـك برجـال يـام
لازمت من فوق الرجال استر علي مـن عينهـا


قد تعظم في عين الصغير اصغارها بس العظـام
في عيونها تصغـر متاهـات الزمـن وسنينهـا


وان طاحت الدنيا على راسي ما خلتني حطـام
واصيح باقصى يـام وعيونـي علـى شبرينهـا


يا وجد حالي يابني عم السعد فـي كـل عـام
يوم المواتـر خيـل والمـوت الحمـر تأمينهـا


واليا وقفنا مع طويلين الشبـور نشـق خـام
يمـال عيـن ابـن مرضـف او لبـن حثلينهـا



والطنخه اللي صدق والفعل المحكحـك والكـلام
افعول ربعي يوم ردينـا القضـى فـي عيينهـا



يوم اعتزينا والحراب مركـزه والـدرب شـام
واصدورنـا مدهـال للطعـنـات ومضرينـهـا



في جسم الانسان الطبيعي حسب ما جا من علام
نظام ن اسمـه كريـات الـدم واللـي فجينهـا



هذي اذا ضقنا يجي فيهـا سـوات الانقسـام
تذوب لين من الغضب يغضـب علـى تكوينهـا



يضخها عرق الطنا مثل العرق عبـر المسـام
اكبـر اشعـه نافـذه مـا عـاد تـدري وينهـا



قد صيح التاريخ يا العجمان مـا منهـا سـلام
النصـر ولا المـوت قلنـا هاتـهـا ثنتينـهـا



لو الصحابه عاصروا راكان وحـروب الامـام
تجـاوزت عمـا حصـل فـي بدرهـا وحنينهـا



نملى عقول الناس فكر ونكسب اكثر الاحتـرام
ونجي ديـار جهينـه ونحشـم كثيـر اجهينهـا



وارجيلنا فوق الثرى وارقابنـا فـوق الغمـام
وان نحت ابـراج السمـا حـن اللـي منحينهـا



ولا التهامي يلـوي شدوقـه ويصفقلـه تهـام
واسيوفهـا ماهـي تهـوم الا علـى سكينـهـا



ياقاني الجربا تـرى ماهـي تبـاع ولا تسـام
لو تنطلي من خشمهـا لا فـرس ن كراعينهـا



واللي في راسه حب ما يطحن وفي خشمه عرام
ياتي مع وجـه العـرب لا يمـر مـع جمبينهـا



في شارب ن في راشد اللي قومته لامنـه قـام
تهز راسي من طنخ وتشوش بـي فـي حينهـا



ولا كبرت الحمله على كتف الجمل جبر العظـام
ولا كتفـه قـد صلـفـات الـزمـن ولينـهـا



والا نكحناهـا مـع رجلينهـا وثمهـا حـرام
وشلـون ننكحهـا مــع ثمـهـا ورجلينـهـا

[جطلي بن فهد]

انا ينتابني احساس وشعور بقلـق واحبـاط
وانا يالله دخيلك من قلـق يدعـو للاحباطـي

وليفي سلم راسك والبقاطه شغلـة البقـاط
وانا ماني بقوط ولاعلـي مـن كـل بقاطـي

ليامني بغيت اضحك معاك شـوي لاتشتـاط
سوالفك الجميله تشبه الجلسه على الشاطـي

عليك الله واكبر من تموز الاولـي لشبـاط
تمغط والغلا في خاطر ابـن الذيـب مغاطـي

يابورمشن خبطني من قريب خبطة المخباط
ونبط ضربته في اقصاء الضمير الحي نباطي

على شان الهواوي والفراق القاز والمشخاط
لو ان قلب الهواوي يشتعل من دون مشخاطي

ليامن قلت احبك من حدود الحرص للافراط
تلفت لـي تلفـات الكبـر وتقـول خراطـي

وانا ياجعل ربي مايوفقنـي مانـي بخـراط
غرامك في ضميري كنه الاجمـرة ارهاطـي

يااروع من كتابة شكسبير وفلسفة سقـراط
غلطت او ماغلطت اللي سواتك يدمح اغلاطي

ولو تقبض علي شرطة دبي بنادي الظبـاط
ترى القلب ادمنك وانت السبب لاصار متعاطي

[جطلي بن فهد]

قصيدة رد على ابن فطيس المري





يا كبدي الصبر الغنيمة..وأنـا اخيـش
اقـولـه لكـبـدي وكـبـدي مـعَـيّـه
لا هَب ذعذاع الهوا..طيـر يـا ريـش
طعنـة رفيـق الجنب..ماهيـب لـيّـه
يكبر مقامـي فـي عيـون المداغيـش
ويطيـح فـي عيـن الـردي والبنـيَـه
والزمزيّـه مـا تقهـوى المشـاويـش
يقطعـك يــا رزقٍ ورى الزمزمـيّـه
ببيتٍ لأابى محسن بن فطيس كنه ايش!!
كـنّـه ترفـاعـي ولــي مقـدريـه
بيـت لعـودٍ مـا اتعبتـه المطاريـش
لـو إنهـا بـيـن الحـفَـر والحـويّـه
عودٍ على ربعه صدى صوته شويـش
وعلـى قبيلـة ( يـام ) عنـده حميّـه
ليتك يا أبى محسن على الواقع تعيـش
وتشوف صُنـع أهـل العقـول الرديّـه
لـو إنهـا بالطيش..يمدينـي أطيـش
لكـن حـيّ وشيمـة الـنـاس حـيّـه
وانـا حفيـد الطيـب وام العكاريـش
مـا هيـب ولــدَة لاش ولا صلبـيـه
أردها بوجهـي؟؟ ولا اردهـا بأيـش
يـكـرم نباي..وتـكـرم الجـابـريـه
وأنا بني عمي اهـل الهـوش وتهيـش
وخـوالـي أهــل الوقـفـة الأولـيـه
ما هـم ببيّـزٍ فـي يديـن الدراويـش
وقصيرهـم مـا هـو يعـرف الأذيّــه
وأصواتنا يا اهل القلـوب المعاطيـش
تعـرف بـدون أسمـاء والنـار حيّـه
ماهوب من كثر الحكـي والأشاويـش
مـن كـثـرة الترحـيـب والقابلـيـه
ودام الجمل عقـب السنيـن المرابيـش
يبْـرك لهـا ويحـنّ مـثـل المطـيّـه
تكفـون خلوهـا يـا ركابـة الجيـش
تـرى المعقـب شيـخ وأنــا سمـيّـه
ورى الحكومة ما ندور ( بخاشيـش )
ارزاقـنـا بكفـوفـنـا الصيـرمـيّـه
على الملوك نزووم ونـزووم ونعيـش
تسمعـوا يـا اهـل العقـول الـرديّـه

[@الشيــــــــــــنه@]

يستاهل بن الذييييييب وتســلم ع نقل القصايد الرووعه ..

وبحط لكم هالقصيده

((ياهل البشوت اللي ثلاثه ومترين ))


البارحه يابو فهد حـي ذا العيـن
ادوج في لنـدن ونفسـي وحيـده

في ديرة مالله عطاها مـن الديـن
وشعوبها رغـم العقـول الفريـده

تبكي على ديانـا وحنـا مسلميـن
نبكي على الفاروق وابـو عبيـده

مابين قصر الملكه لابيض وبيـن
الشارع اللي شفت فيه ابن عيـده

هواء الجليد اللي فموسكو وبرلين
ذعذع لكن ذلحين ماجـاء جليـده

وكنه مع ذعذاعه يقـول بالزيـن
نبغا قصيده قلـت عنـدي قصيـده

ياشاربين الوسكي 0الوسكي الزين
هي دلة وخلاصهـا مـن جريـده

في نخلة مابيـن نخـل البساتيـن
تقطف ثمرها بنـت شيـخ عنيـده

ماتعشق الا واحد مـن ال حثليـن
والاانت وانت الكايـده والاكيـده

ويابو فهد والناس ماهـم بداريـن
ان الحميـد مواصفاتـه حمـيـده

ويااهل البشوت اللي ثلاثه ومترين
لمجـاد ورث للرجـال المجيـده

روس الرجال اللي ماهم بالكراعين
لو ان صورهم ماتجي فالجريـده

وياناشد ان ابو فهد مين ابن ميـن
اسم على لاسمـاء تقـدم بجيـده

جواله امن ايسار ماهو من ايميـن
خمسات صفـر وستتيـن وحيـده

اخاف اكمـل وابلشـه فالمزاييـن
ماكـل عذراءعاشقـه يازبـيـده

ابو فهدفي لارض ياعالـم اثنيـن
والله يكرم من يشـاء مـن عبيـده

عبد العزيز ابن فهـد فالحرميـن
وعبدالله بن فهـد والقصـد ميـده

مانفقد اللي مات من ذا السلاطيـن
لكن لامـن مـات كبـر الفقيـده

لو انه حاكم عربي يـا مساكيـن
غصبا علـى حكـام لارض 000

علي الحرام ان قد تحرر فلسطين
ويرد مجد اهـل القيـم والعقيـده

ينفق على كتف الرجال الملاييـن
من الكرم كن الولي خـارق ايـده

ماهوب مثلك لاصرف له رياليـن
يقعد يحسب كم بقى في رصيـده

[جطلي بن فهد]

انا لوزع على الناس ابتساماتي =ياميتين المشاعر ويش يحييها
حقك علي مادسملي شنباتي=وفعايل الناس ماتشبه مباديها
والفرصه امواتيه والطاري امواتي=والشعر حاجه تعنيني وعنيها
لاكن ماهو يعبر عن معاناتي =الا اتعبر عن الدنيا ضواحيها
ولى تحرش هجوسي في بونياتي=تطابخت روس عجميها وياميها
ومن تجربت ربع قرن عاشها ذاتي=مكل فرقن يهز القلب طاريها
والا أمبرطورة الخافق ومشهاتي=اطربخ فبركت الخفاق رجليها
ياول محطة غرامن من محطاتي =ليالن جمعتني فيش يسقيها
أجيش وانا كبيراتن طموحاتي =وروح وانا محثلها ومعطيها
وان كان حبش من اوسوء الاحتمالاتي=كل الاحتمالات فيها اشوف لبيها
وعليش قلبي ورا لضلاع ماباتي=ولا يقرب لديارش يوم انويها
يكود جمسن ماترهبه المسافاتي=أملكعن باول الدنيا وتاليها
منحره لقبل مع خشم الطويلاتي =منحر ذلولن تزول بكبد راعيها
ومرايتينه دون كبوته عريضاتي =كفوف ايمامن معه دعوه ويدعيها
والهولي يبخ وبلوفه بلوفاتي =ايولع النار والا مايطفيها
مابينه وبين اهل نجدن علاقاتي =لاهي أدانيه ولا هو يدانيها
وصوته لاريح بنمره عقب زتاتي=تنهيتت اللي صدوق العشق كاويها
اتناحي هل المحبه بتنهاتي =ولالقت فالمحبه من يناحيها
ورفارفه يوم يصفق فالمطباتي=أردوف بنت ٍ من النعمه أدربيها
الى نطحها هوى هيفيتن عاتي =تحسبنه من الزود أمتقفيها
ومساحتينه لاقامت تقبل وتاتي=أصبع عجوزن كثيراتن دعاويها
عليه الاحياء تدخل جو الامواتي=وعليه الاموات مدري وين اوديها
يوم اتفلت على الطرقه تفلاتي=ضعاف لنفس على الفتنه يجريها
الجكور اكبر اعياله والبنياتي=الكزس والبرش وال بي ام وأخيها
وان قلت يا الجيب خاوه قال ماحاتي=لاكن ديره يواليها ماوليها
يشرب فناجيلي ويكسر أبيالاتي=ويمد رجله على دربي ويثنيها
وان قلت يا الفرت قال الفرت سكاتي=بعض الطواريق ماودك تلاحيها
الجمس ابداع من كل أ تجاهاتي=كنه قصيدتك هذي اللي على أيها
امصدرن للفجيره بسم كرواتي=يدرس علوم الطبيعه في نواحيها
وشراه واحد سعودي من أماراتي=وباعه على حضرمين رايحن فيها
والحضرمي كل ماخزن أمن القاتي=الحاجه اللي على باله يسويها
الى بغا يرهب كبار الحكوماتي=رجله على قطعة الفرجه أمضريها
والا خواطر خفوقي واخر أبياتي=قصايدي كل أبيها قد سمعتيها
اي والله اني عشقت أرضاش بذاتي=مابه مساحه بقلبي مامشيتيها
يهنيلي العذب يادجلاي يفراتي=ياديرة الحب شارعها وكبريها
يبلغ قصيده عليها من حركاتي=مايجذب الدهشه لعي ني قاريها
الى أنتثر دمع عينش سوي أسواتي=قولي بكمش كذيا ثم مشيها
الحزن يوم المفارق عاملن ذاتي=فطره فالانسان مايقدر يخليها