|
قـيـس المـلـوّح لــو بوقـتـه مـوبـايـل ماكـان جــاه هـبـال مــن حــب ليلا
/
\
جتـنـي بـخـد ٍ فـوقــه الـدمــع سـايــل = تـبـغـانـي لـقـيــس الـمـلــوّح مـثــيــلا
تـقـول هـجـرك عـامـل ٍ بــي عـمـايـل = ولاعــاد لــي بمسـاهـر اللـيـل حـيــلا
ابــي عـلــى جـنـونـك بـحـبـي دلايـــل = وتهـيـم بــي فــي كــل صـبـح ٍ ولـيــلا
قلـت اسمعـي قيـس انفضـح بالقبايـل = مـانـي بصـايـر عـقـب عقـلـي هـبـيـلا
قـيـس المـلـوّح لــو بوقـتـه مـوبـايـل = ماكـان جــاه هـبـال مــن حــب ليـلا
هاكـالـمـلّـوح راح صــايــل وجــايــل = فـــي كـــل دار ٍ لـــه مـبـيـت ومـقـيـلا
ولا لـقـا مــن طــول صـبـره حصـايـل = واصبـح مـن فـراق الحبـايـب علـيـلا
دقـــي عـلــي وتسـمـعـيـن الـهـوايــل = اسـمـعــك حــكــيٍ لـطـيــف ٍ جـمـيــلا
رنـه واجـي باشـواق الاحبـاب مـايـل = واشرح لـك اسبـاب الفـراق الطويـلا
وال ( call me ) تالي الليال القلايل = حــلــت مـعـانــاة الـرصـيــد الـقـلـيـلا
اوراسلـيـنـي وازعـجــك بـالـرسـايـل = رســايــل ٍ مـابــيــن خـــــل وخـلــيــلا
مـتـعـدده هـالـحـيـن كــــل الـوسـايــل = والـلــي يـبــي خـلــه بـيـلـقـا سـبـيــلا
لاتشتـكـيـن الـبـعــد يــــاام الـجـدايــل = مــــدام بـيـديــك الـسـنــع والـدلــيــلا
كــم للحـيـا مـابـيـن الاحـبــاب حـايــل = وكم لي وانـا اطـا منـك جمـر المليـلا
جـيـتـك ولاحـطـيــت عـقـبــك بــدايــل = لـــو راودونـــي عـنــك مـيــة بــديــلا
ولاقـلـت ويـنـك قلـتـي الـشـك زايـــل = لاوالله الــلــي زال جــســـم ٍ نـحــيــلا
امــا ارحـمـي قلـبـي بـرنــة مـوبـايـل = والا ابـعـدي عـنـي وصـبــراً جـمـيـلا
سلطان بن بتلاء
اتمنى ان تنال اعجابكم
__________________
اللي يخاويني على الطيب اخاويه=ماعدّه الاّ واحدٍ مـن اخوانـي
ولا الردي لا راح مانيب باكيه=وياجعل ابيه النار كانه بكانـي
التعديل الأخير تم بواسطة جطلي بن فهد ; 04-12-2007 الساعة 07:47 PM
|
04-12-2007, 12:04 PM
العرض العادي
