][ ما هيب تنفع قطـرة العين للعين .. مـا دام فالخـافق ضـِـويّ المواجع ][

[ركايز]

السلام عليكم ورحمه الله وبركاته



أمنية في حقيبة سفر .. ونزف موجع !
لشاعره / هُجوس

ما هيب تنفع قطـرة العين للـعين=مـا دام فــ الخـافق ضـِـويّ المواجع !

ضو ٍ تسلسل لك على فوق مترين=وتـْـرد لك مترين عـكس بْـتـراجــع !

والثانيـه تُــوقَـد لَـيّ على ضلعيـن=مـا آظنّ أحصّـل وصفهـا فـ المـراجع !

والثالثه .. والرابعه .. ألف .. ألفين=سوّن ورى هدْف الضلـوع المضاجع !

هم ٍ تحمّـلته من سْنيــن وسْنين=غــدا طبيعــي لـو طبيعَتْه فـاجع !

غيّر مفاهيم ٍ و قـلّب مــوازيـن=وآحسّني من سطوته في تراجـع !

مرّات ما أواجع على شيّ هُب زين=ومرّات من غير أيّة أسباب أواجع !!

كنّي غديت المدهَل الزيـن للبــين= وإلا عيــاده .. والهمــوم المُـراجع !

أسري مع السارين من غير سارين=واسحــب ملـفّات الحنـايـا و اراجـع !

وانذاب كنّي دمعة الشمع و آلين= يوم انّ خالي البال مبْـرِد وهـاجع !

لينَة كسير ٍ فـ العـمر مالـه مْعين =وان جـرّ ونّـاتـه قهـر قيـل : ساجع !

يا سجعة اللي قِصّ عنْه الجناحين=وين النهوض وكل الأنحا مفاجع ؟؟

يالليّ مسافر بسّ مدري على وين=باللـه هات لْنـا فـرَح و أنت راجــع !

[الباشا]

صح السان الشاعرة هجوس قصيدة رائعه

الأخت الكريمة
ركايز

اختيار جميل رائع
والله لا يعطيك العافيه

[الجوود]

أسري مع السارين من غير سارين
واسحب ملفّات الحنايـا و اراجـع !

وانذاب كنّي دمعة الشمـع و آليـن
يوم انّ خالي البال مبْـرِد وهاجـع

قصيدة رائعة يا ركايز طبتي وطاب نقلك

صح السان الشاعره هجوس

[موكب]

كنّي غديت المدهَـل الزيـن للبيـن=وإلا عياده .. والهمـوم المُراجـع !
أسري مع السارين من غير سارين=واسحب ملفّات الحنايـا و اراجـع !

ما شأ الله تبارك الرحمن

قصيده في قمة الابداع والروعه

صح لسان الشاعره هجوس

وسلمت يداك بما خطت لنا من ذوق جميل

ودام قلمك اختي العزيزه ركايز

تقبلي تحيتي وتقديري لروحك العطره

[سهوم بقعهـ]

:
يالليّ مسافر بسّ مدري على ويـن
بالله هات لْنا فرَح و أنـت راجـع !
:

صح لسآن الشاعره "هجوس" .. ويعطيشّ العافيه اختي "ركايز"

[الفيـــافي]

صح لسانش وصح لسان الشاعرة هجوس
اللة لايهينك يا حبيبتي على القصيدة الاكثر من رائعة

تقبلي مروري وخالص احترامي

اختك النـــــــــــــايلة

[صـــبـــــــــا]

هم ٍ تحمّلتـه مـن سْنيـن وسْنيـن=غدا طبيعـي لـو طبيعَتْـه فاجـع !

صـــح لسان الشاعره هجوس
وصح نقلك اخوي ركايز على القصيده الجزله
لاهنت

[Najla]

أسري مع السارين من غير ساريـن//واسحب ملفّات الحنايـا و اراجـع !

وانذاب كنّي دمعة الشمـع و آليـن//يوم انّ خالي البال مبْرِد وهاجـع !

صـح لساان الشااعرهـ / هجـوس ..
وصـح نقلـش يا ركاايـز ..

تحيآتىي لش ّ!

[ركايز]

المشاركة الأصلية كتبت بواسطة الباشا

صح السان الشاعرة هجوس قصيدة رائعه

الأخت الكريمة
ركايز

اختيار جميل رائع
والله لا يعطيك العافيه

الباشا

يعويناه .. الله لا يعطينا العافيه ؟!



تسلم وما عليك زوود ع الخطفه الطيبه
احترامي لشخصك الكريم

[ركايز]

المشاركة الأصلية كتبت بواسطة الجوود

أسري مع السارين من غير سارين
واسحب ملفّات الحنايـا و اراجـع !

وانذاب كنّي دمعة الشمـع و آليـن
يوم انّ خالي البال مبْـرِد وهاجـع

قصيدة رائعة يا ركايز طبتي وطاب نقلك

صح السان الشاعره هجوس

الجوود

وطاب ممشاك والأورع حضورك العطر
لا هنت يالقرم