أحدى روائع أبن عمارة

[عبلان]

لقد أعجبتني هذه المعلقه التي سمعتها للشاعر الشاب \عبدالله بن عماره
نرجوا له كل التوفيق وهذه القصيده قالها في ال عرجا ويستاهلون خيالة السمرى



الله الله خير مبـدا ببتـدي بـه وانحنـي لـه
بطلبـه ربـي يبـدل سيئـاتـي بالحسـانـي
وان لقيت ابليس لللـذات يومـي لـي شليلـه
ماتبعتـه يـوم يومـي للطريـق المشبهـانـي
عزتي ليه ضاع وقته يوم يومـي عزتـي لـه
ماغواني دون عمري دون عمـري ماغوانـي
للطريق اللـي بداياتـه علـى جمـر المليلـه
والنهايه في جهنم..0(كان ربـي مـا هدانـي)
والقصايـد ماتجيـب المرجلـه قولـه وقيلـه
كم وكم من شاعرٍ قد قال: انـا عنتـر زمانـي
وإن نشدته وين فعلك؟وش طلع ناتج حصيلـه؟
قال :مدري ما مداني هاه؟! مـدري مامدانـي
ناتـج افعالـه (غثـاء السيل)مايربـح زميلـه
شغلته فالمردحـه لاطـال عمـر المردحانـي
والذيابـه مـن مخالبهاعشاهـا تحتـدي لــه
والحصانـي دوم دناعـه واسميهـا حصانـي
يوم ابو نافل صحيب الطيـب كسـاب النفيلـه
كثّر الترحيب من طيبه ومـن جـوده دعانـي
كيف ما سج القدم حامي على حامي واجي لـه
دامه الغالي وابن غالي واعـده مـن خوانـي
طول الله عمر نافـل بـان بيـن قـروم جيلـه
فاح صيته بين ربعه ريـح مسـك وزعفرانـي
في محلـه يـوم زان الكيـف بنـه زاد هيلـه
مرحبا لان المكـان اللـي جمعكـم ذا مكانـي
ماعليه اخـلاف مـن رد الجميلـه بالجميلـه
دامها طيب وجمالـه صـدق يستاهـل عيانـي
موجز النشره قضـا لكـن بعـد باقـي بديلـه
باقي التفصيـل والتحليـل ثـم اعلـن بيانـي
.
.
.
راكب اللي كنها الخفـاق فـي راس الطويلـه
من بنـات الريـح خمريـه حوافرهـا متانـي
فـي مقبلهـا سماحـه وانشراحـه وتهليـلـه
معجزه سبحان من نـزل لنـا سبـع المثانـي
الاذانـي بذرتين..ارمـوش عينيهـا ظليـلـه
كن مناخرها حجول الترف عـود الخيزرانـي
والشدوق اشبر وضيع من مزاياهـا الاصيلـه
لجـة اللجـه معـا لحيانهـا ملقـى العنانـي
عنقها عنق الفريـد اللـي يجفـل مـن مقيلـه
في نحرها نحتت الفرعـون تبغـى ترجمانـي
والعداله ليّحـت ذرعانهـا مـن غيـر ميلـه
زاويـة سبعيـن فـي سيقانهـا رسـمّ بيانـي
والسماحيـق الملايـا مستطيلـه ..مستطيـلـه
ظهرها يجذب متون اعضودها عـزلا مثانـي
اللحـم ينصـى فقاحتهـا وخـلاهـا جليـلـه
ما تطبق فوق عرض جنوبها احبـال الموانـي
لا ادبرت كن ذيلها شختور من حـق المخيلـه
نابثات اسدوسها سفـاح مـن فـوق الاذانـي
تنـزوي بشقاقهـا بشقاقهـا الاخـر بخيـلـه
في نهار العيد عيد ضحيـه وعيـد رمضانـي
فرقها عن بنـت راع الطايلـه برقـع وشيلـه
غير ربـي عاضهـا ملبوسهـا زل اصفهانـي
لا استفزوها وفـزت مـن مواطيهـا الثقيلـه
فزت الملقوص لانّـس حـر سـم العقربانـي
فوقها لاشـاش مزبـان الدخيـل يشـد حيلـه
هزت جيوش وعروش وهزت كبـار المبانـي
لاتراخـا كنـهـا قالت:ويـامـال الهشيـلـه
اسهج ..اسهج لين اخلي النجم والمزنه وزاني!!
بالفرج بشـر دخيلـه بالفـرج بشـر دخيلـه
لو عليه الدم يطبق طبقـت السحـر العمانـي
بين جمعين وبحر دربه خضر..تخلـي سبيلـه
كرّها مـع فرّهـا تقبـل بعـد تدبـر رزانـي
كنها جلمود صخـرٍ هـد مـن علـويّ سيلـه
ماتقايش عندها قحص الرمـك مثـل السوانـي
غاية الشيخـان والفرسـان لـو انهـا وسيلـه
منوه اصبح دونهـا منيـه ماجابتهـا الامانـي
شافها شقـران وابـدى الاهتمامـات الجميلـه
ساق خيله في طلبهـا كلهـا قاصـي ودانـي
واعتذرنا دون قاصـر يذكـر بهـدات خيلـه
والقناعه عشـر مـا ترجـع لراعيهـا ثمانـي
الهديـه ماتبـاع وكـيـف تعطى؟مستحيـلـه!
يـوم عيينـا عليهـا صفـوة الجـل البدانـي
حافظين اعلومها قبل الـف ليلـه والـف ليلـه
مدهـا ولـد الخليفـه جعـل يفـداه الهدانـي
شدها عبـلان مـن بـدع التماثيـل الجزيلـه
وامها ركابهـا صقـر الجزيـره مـا يوانـي
ينطح الجمع الغفير بجمعه اللـي يرتكـي لـه
واختها فاول جمـوعٍ قادهـا شيـخ آل ثانـي
واختها الاخرى معا زايـد وسماهـا الكحيلـه
درب اخيها جرّته جل الولـي مثـل المحانـي
احتمى له بن صباح ان فز لز..ويحتمـي لـه
سرج ابيها لابرا للكـوم مـن فوقـه ضمانـي
طوعه راع العضيبـا طوعـه هـادي عميلـه
المسيحير المسمى (قال:واللي لـه حصانـي)
ماعسفها غير شيـخ ونفخـر ان قلنـا مثيلـه
شيخنا راكـان فعلـه ماغبـا وسـط البيانـي
يوم زعزع دولة المسقوف وادقـم كـل عيلـه
قـام فاسطنبـول تمثالـه وهـز الصربيـانـي
عسفهـا قــوى قوايمهاولامنـهـا فشيـلـه
من طمان ليا رفاع ومـن رفـاع ليـا طمانـي
فوقهـا يامقطـع الفرجـان شغمـوم ودليـلـه
سجها لعيـون بـراق النحـر والعمـر فانـي
نصهـا (خيالـة السمـرا) مقابيـس الفتيـلـه
بزرهم يسوى عقيـد ويعتبـر مزبـان جانـي
من (قنيبر) من (صلاح) الدم من نفس الفصيله
(آل عرجا) كسوة العاري ليـا غـاب الفهانـي
للصحيب ارقـا سنـود وللحريـب الحنظليلـه
حاربوا فعل الخنـا بالطيـب طلقيـن اليمانـي
فعلهم بالصلـب والصمـان مـا يخفـا دليلـه
عـزوةٍ منـا وفينـا مـن قديمـات الزمانـي
لاتعصبنـا القنـازع نقطـع اكـبـادٍ غليـلـه
في حمانا ما يحل اللـي بـلا مقـلاط عانـي
مايحـل..ان حـل بالغـارات حققنـا جفيلـه
قلتها نايب عن (المصرا)وفيهـا شـرح ثانـي
من حمد مسعود ..مسعود انتمي له وانتمي لـه
احتمي(للشامري)و(الضاعني)فيـهـم مـدانـي
محزمي (مرزوق) والا من على المتنين اشيلـه
تاج راسي واعتـزي بـه لاحدانـي ماحدانـي
ياعوال (عجيـم) ششت!!ولابقـا فاليـد حيلـه
ارقبوا لي لين اعلّي واقطـف سهيـل اليمانـي
ياعوال(هشـام) مرويـن الرهيفـات الصقيلـه
الفصاحه من مخيخ المخ صبت فـي لسانـي!!
ياعقايـد(يـام)لارد الـبـرا سـقـم الدبيـلـه
الجنان اللـي لفانـي مـن جنـان الغيهبانـي
بطلـب الله مـا يزيله..ياعسـى الله مايزيلـه
ياشغاميم محلـف يـا كـل يامـي وقحطانـي
دون قاصر فالقبايـل كلهـا واهـل الفضيلـه
اسمعوا وش قالت الحكمه تراها مـن جنانـي
أكثـر المضمـون راح ولا تبقـى الا قليـلـه
ياعزيزي المستمع لحظه معـي ركز..ثوانـي
يمكن القى مودماني..شخص..يسوى له قبيلـه
بـس ماالقالـي قبيله..كاملـه فـي مودمانـي
ماخضع راسي ولايخضع ولا حولـي خميلـه
دام يوجد شخص من ربعي عريبيـن المجانـي


وســـــلامـــــتـــــكـــــم

[فيصل بن حجرف]

السلام عليكم
لاهنت ياعبلان على النقل

وصح لسان ابن عماره وبيض الله وجهه
وعزالله انها روعه
وياليت لو نشووف المزيد من قصايده
ولك مني كل التحيه

[عبلان]

الاخ العزيز Alaiman شكرا على الرد الجميل ومايرد الكريم الا البخيل

أبشر بالمزيد أنشالله

[زبون كيمو]

يعطيك العافية

[عبلان]

زبون كيمو هههههههههههههههه

ذكرتني بالشبح وأوربت ومكس ,,,,,,

تحياتي

[cool]

السلاااام عليكم ورحمة الله وبركاااته

ومن قاااال ساااالم عبلاااان وصح لساااان الشااااعر عبد الله بن عماااره .

الله يعطيك العااافيه ولا هنت .


كـووول

[ابن مفــلح]

صح الله لساانك ولسانه
ولاهنت على النقله الطيبه

وتقبل تحياتي

[عبلان]

شكرا يا كول وابن مفلح على هذا التواصل .. وقد سعدت بوجودكم في متصفحي

شكرا مره أخرى ,,,

[shadow-man]

لاهنت أخوي عبلان على النقل الطيب من وجه طيب

وصح لسان شاعرنا عبدالله بن عماره


بصراحة قصيدة رائعه ونتمنى نشوف المزيد من قصائده



ولنا طلب أخوي عبلان ان الي نعرفه ان عبلان هو شاعر العجمان ولما مات وبلغوا ركان فيه قال طريقه ذبح العجمان بمعنى ان قصائده كانت سبب لمعارك العجمان وطبعا كان قصد ركان انه شاعر ويفتخر به العجمان لان قصائده مسموعه

وياليت أخوي عبلان تزودنا بقصائد عبلان إذا كانت عندك


وجزاك الله خير ياعبلان

[عبلان]

الاخ شادو سعدت جدا بتواجدك واستفسارك

أما بالنسبه لبعلان الي أعرفه أن أقرب شخص له هو شايب من شيبان المصرا ويقال له حمد بن ماطان وأعرف أنه يحفظ قصيده عبلان وروايات كثره تكفل الزمن بطمسها ...