هاكم قصيدهـ نابعه من وريدي ،،،،، تحكي عن اللي في الضماير خوافي
بقول قول وبكتبه في قصيدي ،،،،، بقول قول اللي له النوم جافي
جافاني النوم وتركني وحيدي ،،،،، سهران وابحث عن جميل القوافي
ادور اللي لا طرحته يفيدي ،،،،، وادور اللي للحرايق مطافي
وادور اللي لاكتبته بإيدي ،،،،،، يقال صح الله لسانك وكافي
والحين جبته لجلكم من بريدي ،،،،، بريد عقلي ينتج القول صافي
صافي مصفى مايصاد ويصيدي ،،،،، كامل مكمل بعدها يقال وافي
مضمون قولي عن حبيب(ن) بليدي ،،،،، وفيت له لكنه اصبح مجافي
جافاني وخلا الحرايق تزيدي ،،،،، وخلا الوجع في وسط عيني يشافي
من زود ما هلت دموعي بديدي ،،،،، من شافني قال انت منت متعافي
زود علي كيدي ولا انزاح كيدي ،،،،،، واصبحت ادور من رجع منه لافي
واسأله راسه لان واللا عنيدي ،،،،، عسى وليفي حن وعلي رافي
لكن جوابه ما يجيني سعيدي ،،،،، ياتي جوابه للسعاده منافي
واروح واتركهم واردد نشيدي ،،،،، واقول يالله منك ستر وعوافي
استر على مكبل فؤادي بحديدي ،،،،، واجمعني بمن كان للقلب شافي
الشافي الله لكن البنت عيدي ،،،،، عيدي وأية عيد عيدن خرافي
يالله زود من لقانا رصيدي ،،،،، ولا تحاسبني على كل قافي
والعذر كان القول ماهو مفيدي ،،،،،، بس العذر منكم وانا اقول كافي
وسلامتكم،، ويالله الجماله والجزاله
اخيكم / محمد بن ظافر الشامري العجمي
01-02-2008, 04:38 AM
العرض العادي
