,,,,,,,,,والبنت ماتسوى جناح الذبابــــــــــه ,,,,,,,,,

[جطلي بن فهد]

هذا واحد راح يخطب من عمه والقصيده بصراحه تتكلم عن امر بجد يحتاج للنقاش وهو غلاء المهور مهر البنت وفيها نوع من الفكاهه
وهذه القصيده بين ايديكم

سبحان من يرزق بتوع الملاييـن =الرازق اللي ما يخيب الرجـا بـه

لي عم عنده معـرضٍ للصواليـن =أموت واعرف بس من وين جابـه

وإذا سألته قـال بعـت الدكاكيـن =ما يدري إني ما هضمت الإجابـه

الشاهد إني رحت له قبـل يوميـن =في قصره العامـر ودقيـت بابـه

قال ارحب ارحب عدّ ورد البساتين =يا مرحبا باللـي لفـا يـا هلابـه

قلت البقا عـدّ النفـل والرياحيـن =يا شيخ شمل اهل الكرم والذرابـه

قال اسلم الله يحفظك لي من العين =وآمر أوامر حضرتـك مستجابـه

قلت الصراحة طالبٍ قرب غاليـن =ودي تزوجنـي كريمتـك يـابـه

ثنّى وقال اهليـن والله وسهليـن =والكون ترخص لجل عينك رقابـه

لكن ترا عندي شـروط وقوانيـن =قلت اشرط اشرط يا حبيب الغلابـه

قال أولاً مهر العروسـة ثمانيـن =غير الرسوم وغير حق العصابـه

والثانية عمك يبي منـك سبعيـن =رسم الأبـوّة والنسـب والقرابـه

وام العروسة حقها منـك ستيـن =عشانها ست الحسـن والمهابـه

واخوانها كلن يبي منـك خمسيـن =عداً ونقـداً تنـدرج فـي حسابـه

وخواتها الخمس اعطهن من ثلاثين =عشان تتوثـق عـروق النسابـه

وتجيب طقم عيار واحد وعشريـن =وخاتم من الماس المصفى ترابـه

واكياس متروسة كعوب وفساتيـن =ألوانهـا واشكالهـا مـا تشابـه

وموتر بسواقـه وفيـلا بدوريـن =أثاثهـا مـن بطرتـه ينحكـابـه

واحجز لنا قاعة بقصر السلاطيـن =واحجز بهـا رقاصتيـن وربابـه

هذي الشروط اللي على بالي الحين =وذكرني اللي ما حسبنـا حسابـه

قلت اذكر الله يا عـدو المساكيـن =واستغفـره لا يبتلـيـك بعـذابـه

الظاهر إنك منت عارف أنا ميـن =أنا لو ارقا فـوق متـن السحابـه

ما جبت حتى نص درزن مواعيـن =واضحك بكيفك واعتبرهـا دعابـه

شروطكم هذي شـروط المجانيـن =شروطكم شغـل ابتـزاز ونهابـه

شروطكم تقصم ظهـور البعاريـن =شروطكـم همّـن وغـم وكآبـه

شروطكم والله سيوف وسكاكيـن =تذبح بنات المجتمع مـع شبابـه

وين الرضا والعطف واليسر واللين =اللي ذكرهـا الله بمحكـم كتابـه

وين الصفات اللي أمرنا بها الديـن =وين اختفى نهج النبي والصحابـه

يا عم جعل اللي خلقنا من الطيـن =يرد عقلك مـن خطـاه لصوابـه

ويجعل نصيبي عند غيرك قل آمين =ويحسن عزا الصابر ويجزل ثوابه

قال انت لو فكرت تفكير صاحيـن =ما شفت في مجمل شروطي غرابه

حنا بعصـر العولمـة والمزاييـن =ماهوب عصر الفلسفة والخطابـه

الناس تسعى للرتـب والنياشيـن =وانت اهتمامك بالشعـر والكتابـه

والشعر ما ينفعك لو هو دواويـن =ما دام جيبك مثـل بيـت الخرابـه

يا بوك لا تسمع كلام المصاخيـن =واسأل مجرب عاش في وسط غابه

قلت الله اكبر يا محـرر فلسطيـن =من يسمعك يحسبك ذيـب الذيابـه

تراك شايب راس مالـك رياليـن =والبنت ما تسوى جنـاح الذبابـه

قال انقلع مالت على وجهك الشين =لا عاد اشوفـك عندنـا يالزلابـه

قلت ابشر ابشر لكن الباب من وين =واقفيت من عنده على صوت بابـه

خربها الصبي مع النسيب جعلهم الفرقه



اتمنى تعجبكم

[فهد بن مطلق]

حجز اول

[al5nsaa]

تسلم سماوي
وهو يقدر مايخربها العم طلباته مستحيله ولا من يقدر يجيبها


تقبل تحياتي وتقديري

[عزوف]

ذكرتنـــــــــــي بسالفة واحد راح يخطب له وحده وابوها كان رافضه بالمره بس نشب بحلجه الرجال جاهيات وسوالف ماكو فايده !


آخــــــــــر مره راح الرجال بروحه لأبو البنت قال انا ما خذها ماخذها !!! << والله هذي البلشه


طبعا الشايب وصل حده كلمه منه كلمه من الرجال جان يقول الشايب " لاحبيــــــــــت كوعك زوجتها لك !! ""

طبعا الولد ما صدق خبـــــــــــر

وبلحظه لف يده بسرعه "" كسرها "" وحب كوعه !! قال يالله زوجني !!

وعطاه البنت !!

بــــــــــــس راح وجبر ايده عقب الكسر


سوري عالاطاله

سماوي بن نجم

يعطيك العافيه على هالاختيار

[موكب]

اخي الغالي سماوي بن نجم

صح لسانك ولسان شاعرها المفلس

وسلمت يداك بما خطت لنا من ذوق دائمآ بنظري راقي

واشكرك جزيل الشكر على نقلك هذه القصيده الشامخه

ولا تبخل علينا في جديدك يالامير

تقبل تحيتي وتقديري لروحك العطره

[جطلي بن فهد]

المشاركة الأصلية كتبت بواسطة العود

حجز اول

اررررررررررررررررررررحب
يشرفني انك الاول ومرحبا ومسهلا
ولاهنت لاهنت على المرور وبيض الله وجهك
وجعلك دايم راعي الاوله

[جطلي بن فهد]

المشاركة الأصلية كتبت بواسطة al5nsaa

تسلم سماوي
وهو يقدر مايخربها العم طلباته مستحيله ولا من يقدر يجيبها


تقبل تحياتي وتقديري

حياك الله

الله يسلمك من كل مكروه ومرحبا بك
واشكرك كل الشكر على مرورك الجميل وتعقيبك الاجمل
والله لايهينك

[غـزلان]

تراك شايب راس مالـك رياليـن=والبنت ما تسوى جنـاح الذبابـه

قال انقلع مالت على وجهك الشيـن=لا عاد اشوفـك عندنـا يالزلابـه

قلت ابشر ابشر لكن الباب من وين=واقفيت من عنده على صوت بابـه

وقصة لن تنتهي !!


سماوي بن نجم


القصيدة مسلسل للمضحك المبكي

شكرا للبسمة التي زرعتها

[سهوم بقعهـ]

:

ويجعل نصيبي عند غيرك قل آمين ويحسن عزا الصابر ويجزل ثوابه

:

الله يعوضه خير

.. /و/ يعطيكـ' العافيه سمــــــــــــاوي~

[الجلمود]

لاهنت اخي سماوي