الله اقـوى يـا ظـروفٍ تحتويـني .!!!!!!

محمد بن سعود · #1 08-04-2008, 02:40 AM

انقل لكم هذه الراائعه وأتمني إن تعجبـكم (:

شيب عينـي كـل مـا لدّيـت عينـي=كن ضلع طويق راسي فوق راسـي !!
وان طرالي ما مضالـي مـن سنينـي=واصطفـق وجـه الليالـي بالمآسـي
مالـي الا الله قبـل يـنـدا جبيـنـي=ليـن اميّـز فاقتباسـي واختـلاسـي
الله اقـوى يـا ظـروفٍ تحتويـنـي=لين صار الهم عنـدي شـي اساسـي
والبلا ان الحـظ مـن بينـه وبينـي=مثل مـا بيـن السياسـه والسياسـي
لا خسر ثم قال انا وش فيْ ادينـي !!=فاز من يرقص علـى لعـب الكراسـي
وانت يا قلبـي ويـا مصـدر حنينـي=لا تحمّسنـي وانـا شاعـر حماسـي
تحسـب انّـي لا بغيـت الفرقديـنـي=انحنى راسي .. وشص الوقت ساسي !
ما يهـم انّـك تبينـي .. مـا تبينـي=المهـم انّـك تذكّـر كــان نـاسـي
انّـك اللـي كنـت ثالـث والديـنـي=وكنت اليّن لجـل عينـك كـل قاسـي
وكنت اجيك وفرحتـي بـك فرحتينـي=بيـن شوقـي واندفـاعٍ دبلومـاسـي
وكنت دايـم مـن يسـاري لا يمينـي=لين عفت مجالـس ربوعـي وناسـي
والنتيجـه ..! أكتبينـي وامسحيـنـي=يا حروفي .. وانهي العـام الدراسـي
ما بقى الا مـن رصـاص المارتينـي=طلقـةٍ تِجلـى ولا تجلـى عمـاسـي

Najla · #2 08-04-2008, 03:37 AM

ما يهـم انّـك تبينـي .. مـا تبينـي
المهـم انّـك تذكّـر كـان نـاسـي

انّـك اللـي كنـت ثالـث والديـنـي
وكنت اليّن لجل عينـك كـل قاسـي

صـح لساان شااعرها ..

وصـح نقـلكّ يا بن سعـود..