دره لـ شاعر الكبير \ محمد بن علوش

[(هاوي قصيد)]

مسا الخير

قصيده لشاعر الكبير \ محمد بن علوش

راجي ان تنال اعجاب الجميع ,,,

يا الاجودي والديار موثـــــقه والعرب=تذري اللي من الدنيا تذرّابها

أطباعهم من قبل الاسلام شيمه وأدب=مكارمٍ جا رسول الله ووصابها

الاّ لآمن الخـبيث أشعل حتات الـحطب=بعلوم يقبل بها وأعلوم قفابها

ثعلب يخطط وهو لاهاب هز الذنب=خصٍ لا شاف السباع تكشر أنيابهـا

فكّر وقال الذكي يغلب ولا ينغلب=ويقدر يحوف الديار اللي تمشابها

وأنا ذكي والزمن فيه الفرص من ذهب=وأن ماتغانمتها قفت على مابها

زمن وفيه الذكي يكسب لآمنّه لعب=وإليا كسبها وصل للعين وأهدابها

حتى لو انها عيونٍ ماكساها هدب=يقدر يقول أنت حدر العين يا حْجابها

أنزل مثل مارقيت سنين وأنت تهذب=شف وش تسوّي القلوب السود بحبابها

مع أن حنّا نعيش بعصر فيه العجب=عصرٍ علومه بعضها صعب يحكابها

وشرايك بخمسة أشنابٍ تسد الندب=ساقتهم أنثى !! ما معها غير مشعابها

هو يحسب أن الرجال تصدّقه لاكذب=صحيح من يضحك إبـ لآفات يبلابها

من سمع به قال يكذب؟ ويخسي؟ويعقب=ذي جـرّته فالدروب اللي تلوّابها

خطّط على نكبةٍ منها وفيها أنتكب=يبغا يضر السباع وراح بـسبابها

مايعسف الاّ الذلول وقبل تعسف صَعَب=واليا عسفها بخيصٍ لآنت أعصابها

لو كل رامي يصيب اللي يبي لاضرب=مازلّ الاهداف يومه زان مضرابها

ولو كل راعي شنب يدرآ حقوق الشنب=شفت اللحا تفتخر لآ طالت أشنابها

ولو كل من قال أنا الحلاّل حلّ النشب=تساوت الناس طالبها وطلاّبها

مهوب دايم شجاع اللي لآ ركبوا؟ ركب=كـــم عزوةٍ ماتجمّل من تعزوابها

ذل.؟ و نجتبه ذلوله ياعساها الجرب=بعض الاصايل حسوفه تحت ركـّابها

ولو كل ضامي لآورد أيـّات مشرب شرب=كان المشارب تساوت عند شرّابها

والبلّ لو أنها لا شِعْيَت مالحقـها طلب=كان العرب من لقاله ذود قفـّابها

كم سربةٍ فاللقا يثنون أهلها الركب=ومن المكاسيب لحق الطق فـأرقابها

لو كل من جا يدوّر للمكاسب كسب=شفت القلآيع تحت من لآ تسموابها

البل لو أن مالها من صلب أهلها جنب=يمدي هل الهند في مدراس ترعابها

هذا ولا كل من غنّى يغنّي طرب=كم واحدن عبرته تقرع ولا أفضابها

حتى ولو من حمول الوقت لَحقه تعب=كنّه يقول الحمول تشلّها ركابها

له خاطرٍ كل ماضاقت فجوجه قنـب=يرقابها غصب والا طيب يرقابها

ماينثني لين يوصل طيب والا غصب=الاّ أن سود الليالي تطوي كتابها

عزمه قويّ والبنآدم لاصبر وأحتسب=يمكن يحقق لـ مور اللي تهقوابها

الآدمي لاعرف يقرا الكتابه كتب=واليا جهل يكسب الخبره من أصحابها

((الرجل مبدأ ولامنّه تهاون خرب=وأن خرب ضحىّ بأمورٍ مايضحّابها))

لو ما العوارف يجيدون أمتلاك الغضب=ماجوك برياء يموت الخبل ماجابها

أرياء عقولٍ وهبها الله بعض ماوهب=بحلول بين العباد تخلّص أنشابها

وهآيب تحلّ بأمر الله عسير الكرب=وبأمر الله الناس تقبلهاوترضابها

لله حكمه لآحطّ إلـ كل شيٍ سبب=عطا وأخذ،،وأخذ وأعطا،،وأكمل أنصابها

لو كل من شاف له زلّه وغرّه شذب=كان العرب ماسترها لبسها ثـيابها

ولو كل رجلٍ لامِنه أخطا كفو للعتب=هان العتب من رجالٍ يصعب عتابها

ولو ما بعيد النظر ياخذ عبر ويحسب=ماعاد تلقى رجالٍ يحسب حسابها

ولو أن شيخ الحرم دينه رديّ ماخطب=ولا تيمّم بخلق الله وصلاّبها

وسلامتكم

[فلاح بن ملبز]

حجز 1

[بــ ــــــــرق]

حجز 2

لي عوده انشألله

[ناصر بن فالح]

وشرايك بخمسة أشنـابٍ تسـد النـدب=ساقتهم أنثى !! ما معها غير مشعابهـا

مشاهدهم حرام

مهوب دايم شجاع اللي لآ ركبوا؟ ركب=كـم عـزوةٍ ماتجمّـل مـن تعزوابهـا

الله الله

صح لساان ابو جابر ولساانك

لاهنت يالهاجري على نقل ذالفاخره

[(هاوي قصيد)]

فلاح ابن ملبز ,,,

مرحبا ومسهلا

حجزك مزبوط

بنتظارك

[(هاوي قصيد)]

برق ,,,

مرحبا بك

حجزك اوكي

بنتظارك

[سعد بن سريّع]

الهاجري قصيـــدة عز الله قمه قمه

ابيات تزدحم بالحكمه والاراء والافكار

بعضها مسلم فيه وبعض يخرج عن المالوف حسب رؤية الشاعر

لاهنت على النقل المتميز والرائع ..


دمت في حفظ الله ورعايته

الغناوي

[الاطخم]

ال علوش عمالقة

قصيدة محمد من الشعر اللي نفتقده في وقتنا الحالي

صح لسانه ولا هنت على النقل اخي العزيز


تقبل تحياتي

[فهد بن مطلق]

الهاااااااااااجري


ياسلام ياسلام على قولة ارسطووو

وشرايك بخمسة أشنابٍ تسد النـدب=ساقتهم أنثى !! ما معها غير مشعابها

مشاهدهم حرام



صح الله نقلك

لاهنت على الفاخره

لك تحياااااتي

[فــلاح]

مايعسف الاّ الذلول وقبل تعسف صَعَـب=واليا عسفها بخيصٍ لآنـت أعصابهـا

لو كل رامي يصيب اللي يبي لاضـرب=مازلّ الاهـداف يومـه زان مضرابهـا

ولو كل راعي شنب يدرآ حقوق الشنب=شفت اللحا تفتخـر لآ طالـت أشنابهـا

ولو كل من قال أنا الحلاّل حلّ النشـب=تسـاوت النـاس طالبهـا وطلاّبـهـا

مهوب دايم شجاع اللي لآ ركبوا؟ ركب=كـم عـزوةٍ ماتجمّـل مـن تعزوابهـا

ذل.؟ و نجتبه ذلوله ياعساهـا الجـرب=بعض الاصايل حسوفه تحـت ركّابهـا

تعملـــق تعملــق

مافيــه حيــله

قصيــده من العيـار الثقيــل

ونهـج مرغــوب ومحـبب لــي

صــح ألســان شااعرهاا عدد وبلا مدد

لاهنت يالهــاجري على ( العقـد المرصع بالجزالـه )

أحتــرامي وتقـديري
طويــــق