الذيب يوم إنه عوى يشكي البين **عشوه ربعي من سنينٍ عتيه

[طبــ ع ــي كــذآ.. }~]

السلام عليكم ورحمة الله وبركاته

مــصــافـحــه اولــــــــــــى


قال رسول الله صلى الله عليه وسلم((لافرق بين عربي ولا اعجمي الا بالتقوى))


انا كتبت هذه الابيات ردا على احدى الطالبات التي استهزءت بطريقة كلام البدو وخاصتا العجمان

كتبتها لمجرد الرد ولا اقصد اي اهانه لها واتمنى ان ردي عليها كان في محله

ياهيه ياللي على حكانا تضحكين =هذا شرف ماهيب بحقنا رديه

حنا بدو وان كان ما انتي بتفطنين = اصل العرب هرج البدو يابنيه

حنا هل التاريخ وحنا هل الدين =كانك جهلتي من أنا ياغبية

ياجاهلة ادري مع من تتكلمين =حنا هل الفزعات والنار حيه

حنّا عوال عجيم حنا عريبين = حنا مثال للشرف والحمية

حنا الذي لامن قعدنا سلاطين= حنا الخوي اللي مايخلي خويه

الذيب يوم إنه عوى يشكي البين =عشوه ربعي من سنينٍ عتيه

يوم إن جدك فاصخ العقل والدين =حنا على السنه راكبين المطيه

للضيف ريف للمعادين سيفين =نرد الحياض ولانهاب المنية

يابنت لو بكتب حروف وملايين =قيفان شعري ماتوفي شويه

اللعب خلي اللعب للبزارين =لاتدخلين السيل وانتي ندية

جاك الحكي من بنت ناس ٍعريبين=فزعاتهم عجله ولاهي مديه

وســــــــــــــــــــــــلامــــــــــــــتــــــ ــــــكـــــــــم


انتظر ملاحظاتكم عليها وتقييمكم لها


تقبلو تحياتي

اختكم القصيد الصعب

[فهد بن مطلق]

حجز(1)

مقدم

ولي عوده


لــ/تعليق على القصيده

[شخص عادي]

اختي القصيد الصعب صح السانش ملاييييييييييييييييييين
ولاهنتي على القصيده

تقبلي مروري

[طبــ ع ــي كــذآ.. }~]

هلابك يالعود وانتظر عودتك طال عمرك

هلا بك يافووعاان

وصح ابدانك ملاااااااااييييييييييييين

ومرورك دائما يسعدني ويشرفني يالامير

لكم تحياتي

[الناس ماتدري]

حجز (2)
ولي عوده انشا الله

[DUNHILL]

صح لسانش يالقصيد وقصيده كلماتها حلوه وصادقه

لكن يعيب اكثر بيوتها افتقارها للوزن ولاهنتي

[طبــ ع ــي كــذآ.. }~]

الناس ماتدري هلا بك وانتظر عودتك للتعليق على القصيده

Dunhill


صح ابدانك ولاهنت على مرورك

ومشكور على الملاحظه وانشالله احاول اتخطى مرحلة الوزن

وتقبل تحياتي

[الناس ماتدري]

القصيد الصعب

يعطيج العافيه على ماقدمتي

شي جميل صراحه

القصيده مكونه من 12بيت

معانيها جيده وكلها تصب في نفس الموضوع

من ناحية الوزن في عندج 3بيوت الوزن فيها مختل بالكامل اللي هي البيت رقم 1و2و6

اما البيوت رقم4و5و9 و11فالاختلال في الشطر الاول فقط والبيت رقم 8 فالاختلال في

الشطر 2

اما البيوت رقم 3و7و12 فهي موزونه 100%

وراح اعطيج مثال اللي في البيت رقم 8 فلو كتبتي (نحد) بدل (راكبين) كان اصبح البيت
موزون100%

بالنسبه للايجابيات كونج تكتبين 12 بيت مقفى في موضوع واحد هذا انا اعتبره قوه وتمكن

وايضا البيوت الموزونه الثلاثه تبشر بالشيء الكثير

الجو النفسي يمشي بتدرج جميل والافكار مترابطه

انت تمشين على الطريق الصحيح نصيحتي لج اكتبي الشعر.. العمليه تبي ممارسه وجهد

خاصه بالوزن وهو شي موصعب .. وايضا اذا كتبتي قصيده لا تتوقفي حتى تكملينها 7 بيوت

على الاقل وهذي نصيحه اخذتها من شعار كبار واستفدت منها ولا تنسين حفظ الشعر تراه مهم

وكان بودي ان اعيد كتابة القصيده لكن هذا ابداعج وما يحق لي ان اغير فيه شي

ارجو اني اشوف محاولاتج الجديده... واللي انا متاكد منه انج راح تكونين شاعره

وموب هينه بعد .... هذا رايي وانا انسان معرض للخطا وجل من لا يخطئ

تقبلي مروري

[الناس ماتدري]

هذا رايي وانا انسان معرض للخطا وجل من لا يخطئ

انا قايل اني راح اخطئ:
البيت رقم 10 موزون 100%
اذا عندج اربع بيوت موزونه
الله يوفقج

[طبــ ع ــي كــذآ.. }~]

اخي العزيز الناس ماتدري


هلا بك ملاااااايييييين ولايسدن


ومشكور على الملاحظات كلها فادتني واسفه على الرد المتاخر

واثلج صدري تعقيبك على القصيده وشهادتك اعتز فيها بس العين ماتعلى على الحاجب

انت شاعر وحنا انتعلم منك طال عمرك واشكرك مليون مره

تقبل تحياتي واحترامي لشخصك الكريم