( سم الذي خلف...المحاجي تفافيق )

ثواب بن زيد الحارثي · #1 28-05-2008, 01:41 AM

قصيده ورساله شعريه لسيدي خادم الحرمين الشريفين الملك \ عبدالله بن عبدالعزيز حفظه الله ورعاه.

يسعدني أن اصافح بها شبكة العجمان والتي يشرفني التواصل معها...والقصيده نشرت يوم امس الأثنين

الموافق21 \ 5 \1429بجريدة الرياض..وللأطلاع عليها على الرابط التالي \

http://thawabzaid.com/king.htm

-------------------------------------------------------

اليا نوا لـي والـي العـرش توفيـق=بابن من الرحمـن شفـت انفجاجـه.
اللـي خلـق كـل المـلا دون تفريـق=ويلقى التقي عند الحسـاب انبهاجـه.
قالو شدايد...قلت من دونهـا طويـق=عبـدالله الكـايـد...ذراه وسيـاجـه.
أنت المليـك اللـي ملكـت المخاليـق=فايض وفاكـم والعـدل مـن نتاجـه.
في نظرتك حكمـة زعامـه وتدقيـق=بعد المـدا فيهـا صـواب انتهاجـه.
نظرة تأني... فـي مداهـا التوافيـق=ولا هنت ياعدلن رفضـت ازدواجـه.
فضايـل الرحمـن فـي ذاتـك اتليـق=الحق طبعـك... والتصنـع سماجـه.
شمس الوفا منكـم شعـاع ومشاريـق=تغنيك عـن ليلـن شعاعـه سراجـه.
الكـايـدات المبهـمـات المغالـيـق=اللي بهـا العـارف يزيـد انزعاجـه.
تمسي مماليكـن... وتصبـح معاتيـق=وردت قراح الما... وعافـت هماجـه.
يغسـل عناهـا وابلـن نـوه امويـق=تسمع وحيف السيل.. قبـل اندراجـه.
هـذاك ابومتعـب زبـون المطالـيـق=طب الجريح... اللـي تعـذر علاجـه.
سم الـذي خلـف المحاجـي تفافيـق=قومن تبي تنزع عـن الـراس تاجـه.
وانت الملك عز الخوي... ساعة الضيق=ولايرسم اوسوم الجفا فـي حجاجـه.
ترجح موازينك على الصدق....تصديق=والصادق اليا جـاك عنـدك خراجـه.
القلب مـن دونـه ضلـوع ومعاليـق=والنور مـا غـط السحـاب انبلاجـه.
وانـا بعـد طوقنـي الحمـل تطويـق=منصاي من يصمـل نهـار المواجـه.
أمظلل المشـراف....راس الشواهيـق=أتعب محيطـه مـن مشابـه وداجـه.
امشـرع ابـواب الحظـوظ المواثيـق=ومن شاف عبدالله يشـوف انفراجـه.

-----------------------------------------------

شعر \ ثواب بن زيد بن نجا الحارثي.