ويــــن أنــــــــت.......؟

[حمدان المري]

السلام عليكم ورحمة الله وبركاته

مصافحه أولى وأتمنى أن تحوز على رضاكم..

يكبر قسى جـرح السنيـن ويعنـي = رجل الحزين اللي علـى حـد الإدراك
هذا أنا يـوم أخلـف الوقـت ظنـي = الحزن حزنـي والسوايـا سوايـاك
بكيـت وأبكيـت العيـون وبكـنـي = تعال شفني كـل مـا حـان ذكـراك
كـم واحـدٍ جانـي بعـدك وسألنـي = شخبار من حبيت وأقفـى وخـلاك؟
وأصـد والحـزن الخفـي ممتحنـي = وأن قلت منهو قيل ماهـوب يخفـاك
قيل العوض قلت العوض ما شحنـي = والله لا هــــــذا ولا ذا ولا ذاك
يا مـا بعضهـم مرنـي مـا فتنـي = يا جعل ماهم بالعوض فـي محيـاك
الله لا يجبـر عـزا مـن عذلـنـي = ما جاه ما جاني ولا جاه مـا جـاك
واللي عذل ويقول (لو و لـو أنـي) = جعل يعشق لـه واحـدٍ كنـه إيـاك
ما فيـه شـيٍ فـي حياتـي غبنـي = الا نهار أقفيت وأنـا أسمـع إبكـاك
الله مـن جــرحٍ قـديـمٍ مكـنـي = أمداك نزفه لكـن ادواه مـا أمـداك
علـيّ كـم جـار الزمـان وطعنـي = أسمع صدى صوت المعاليق تنخـاك
وين أنت ياللي كل مـا غبـت كنـي = واقف على بـاب الأمـل وأتحـراك
ليتك تعـرف تخـون وأقـول خنـي = على الأقـل القـى سبـب وأتنسـاك
وليت الزمن فـمحبتك مـا خذلنـي = وليت الهجر من طيب خاطرك ورضاك
لـو أن قربـك والوصـل بالتمنـي = ما غبت عن عيني كثر مـا اتمنـاك
خايف يطـول البعـد وتسـج منـي = وياخذ مكانك شخص ماهوب يسـواك
وش عاد أسوي يومك أقفيـت عنـي = لا أنا أتبع المقفي ولا أحـب فرقـاك

...........................


............



.....

[محمد بن دسمه]

حــجــز مع كابينه الكابتن

حــجـــز


حــجــز

[خالد بن رمثان]

يا مرحبا بك بين أخوانك يا حمدان

وصح الله لسانك وعزلله إنها قصيده

من الخاطر صدق ...

وتقبـــ ل ــــــــمروري ..

[البليهي]

وش عاد أسوي يومـك أقفيـت عنـي
لا أنا أتبع المقفـي ولا أحـب فرقـاك



الله الله


حمدان صح لسانك واعتلى شانك


وشرفت المنتدى بقصيدتك الاكثر من رائعه


جزله والجزاله ماهي غريبه عليك



وحياك الله بين اخوانك وبني عمك


.

[سعد بن بصيص ال فنيس]

الله الله


صح السانك



قلت ابي اقتبس منها ابيات لقيتها قلها تستاهل للاقتباس

بسم الله ماشاء الله عليك يابو راشد والله لايهينك

[سالم الرتيبان]

صح لسانك ياحمدان والساعه المباركه الي شرفتنا فيها
ولاتحرمنا جديدك وتواصلك
ودعتك الله

[@ فــهــد @]

اللـــــــــــه...اللـــــــــــــه..اللــــــــــ ـــه..اللـــــــــــــه..اللــــــــــه

دايم انراهن عليك يا حمدان المري

لانك دائما متفرد في طرحك

وموضوعيتك .

عالعموم صح السانك وطالبينك لا تحرمنا من جديدك.

ونقول كما قال بن دسمه:: مررررررررحبا في منتداك وفي محلك

ويشرف الجميع انك احد من شاركو فيه.

تقبل مروري.

اخيك::

الــــــــــــظــــــــــــــامــــــــــــــــــي

[مناحي الصميل]

ارحب ارحب ارحب مليون يابو راشد

شرفتنا في محلك


وصح الله لسانك على ذا الجزله

[فلاح بن ملبز]

ارحب مليون

وصح لسانك

ولاهنت

[سمان الهرج]

شاعر لايختلف عليك اثنان..


[move=right]يـا مـا بعضهـم مرنـي مـا فتنـي
.................ياجعل ماهم بالعـوض فـي محيـاك[/move]


قد قريتها اقسم بالله ابدااااع..

صــــــــــــــح لســــــــانك وبوحـــــــــك

ولاهنت..

استمر معنا بابداعاتك المتميزه..