|
يا كليب ... للشاعر : دغيم الظلماوي >>>>>
الشاعر : دغيم الظلماوي شاعر غني عن التعريف وله قصائد كثيره وجميله
ومن أجملها يا كليب
(( يا كليب ))
ياكليب شب النار ياكليب شبـــــه
عليك شبه والحطب لك يجابي
وعلي أنا ياكليب هيله وحبــــــــــه
وعليك تقليط الدلال العذابـــــــي
وادغث لها يا كليب من سمر جبه
وشبه إلى منه غفا كل هابــــــــي
باغ ٍ إلى شبيتها بالمشبــــــــــــه
تجذب لنا ربع سراة ٍ غيابي
بنسرية ياكليب صلف مهبـــــــــه
متكتفين وسوقهم بالعقابــــــي
سراة ليل وناطحين مهبــــــــــــه
لا نسنست يا كن به سم دابي
خطو الولد لو به زبون وجبــــــه
يأتي عليهم من حساب الزهابي
لا باطن الهلباج خطو الجلبـــــــه
ياحلو خبط اعصيهم بالركابي
اطمر لهم وابدي سلام المحبـــه
لاجو على هجن يديهم خرابـــــي
مع كبش مصلاخ لك الله نجبه
لادبر الهين متين العلابـــــــــــــي
والوالمه ياكليب عجل بصبه
والرزق عند اللي ينش السحابي
وسلامتكم ويارب تحوووز على رضاكم وإعجابكم
غــــــــــنــــــــــوى تـــــــلـــــــي كـــــــــــم 
__________________
إنكان كشّر قاسي الوقت وأدبر ....
لا تستضيق من الدهر وإنص ابن فردوس
فعل الرجال كبار لاكنه أكبر ....
رآس (ن) شمخ بالعز ما تنطحه روس
كبار الهموم بفزعته ترجع أصغر ....
للطيب عنوان وللمجد قامووس
أحــــمـــد بــن نــاصــر آل فــردوس الـعــجـــمـــي
|
05-07-2004, 02:31 AM
العرض العادي
