السلام عليكم ورحمه الله وبركاته
دون مقدمات / صلاح العرجاني
صلوا على النبي
.
.
.
.
.
والله ما طاب لي خاطر ولا راق بال=ولا سهر في عنا ليلي نجوم .. وقمر
الا همومي ثقيله والمدامع ثقال=واول خبر في السعاده صار آخر خبر
البارحه يوم ضاق الصدر .. والليل طال=والنوم ما مر في "بال العيون" وعبر
هبت جنوب وهبوب الريح قالت : تعال=وحلفت ما عاد انام الا وانا في قطر
قالوا : وش العلم قلت : العلم صوب الخوال=راعي ظفر .. ما قلطت الا على اهل الظفر
ما هانت الدار في صدري وانا اخو العيال=الا فراق الكويت ايام .. كسرة ظهر
خلك من السالفة ترا السوالف طوال=عساك من قبل لا تزعل تلاقي عذر
شفت الفناجيل قبل اشوف .. صفر الدلال=ودريت بان "الدلال تفوح" دون النظر
وغيري نظرها وقال الا عساه الزوال=جاب الفناجيل من قبل .. الدلال الصفر
فالله يجير اليمين من الفعول الهزال =والله يجير الفعول امن انحطاط البشر
ما كل كلمه تمر القلب عادي .. تقال=ولا كل زلة تعدي عقب .. حذف الغتر
والكذبه اللي يغطيها ظلام الليال=وش يستر أصحابها لا بان نور الفجر
الفقر -يا خايفين الفقر- قل الرجال=والضيق -يا مدعين الضيق- ضيق القبر
أهل الطوايل تطول .. وما تشوف الحثال=وأهل الفشايل تموت .. وما تطاول شبر
إن كانها بالمعاني .. ما ذخرت الجزال=وان كانها بالمراجل .. ما ذخرت العمر
شف كيف مر الزمن شف كيف طال المطال=وانا ادعي الله لا يحرمني امن الصبر
ما احاتي شلون راح ارقى متون الطوال ..=احاتي لا من عثرت منين بلقى عذر ؟!
"ما هو قهر" .. ما تعرف تطول روس الجبال=من فوق روس الجبال تطيح .. "هذا القهر" !!
13-10-2008, 04:50 AM
ما هو قهر .. ما تعرف تطول روس الجبال // من فوق روس الجبال تطيح .. هذا القهر.!!
العرض المتطور
