ياقلبها

[محمدالعمار]

مليت وظروف الزمان اتعبتني=غديت لرماح النكاده نياشين
دعيتها الفرحه ولا عبرتني=اثر الفرح مع غيبتك سدد الدين
عشت بغيابك حسرة اذهلتني=منها تشب اضلاع مغليك نارين
يا فرقه يعلم بها الله بلتني=احساسها اقسي من ممات العزيزين
شامخ قوي غيبتك حطمتني=وانا اذكرك دون انكساري تموتين
خذتك عني غفلةٍ غَربتني=اجهل سببها من خبرتي لهااا الحين
والناس ما ترحم ومستنقدتني=ومن همي بعيوني نهاري نهارين
تسرف بي العالم حكي لا يمتني= وهذا الذي زود بي الماء على الطين
محد عرف حب نما تحت متني=يوم الغلا زلزل قلوب السلاطين
ايام هجرك ياغناتي برتني=بري السنين الحال بعض المساجين
ذنبي بري وسطوتك ظالمتني= ظلم اليهودي باستباحة فلسطين
ومهابتي بين الجماعه نستني=من عقب ماحزت احترام الموالين
كن المهابه بنتهااا مجوزتني=واليوم كنهاا طالق بالثلاثين
وساوس الشيطان منك احرمتني=وخلت محبينك بعينك عدوين
يا قلبهاا عجل بهااا مسامحتني=تري الولع ما هوب لعبة وراعين
ان كان من كاس الوصل ما سقتني=ولا بلاش من الدواء والمداوين

[محمد بن دسمه]

ومهابتي بيـن الجماعـه نستنـي من عقب ماحزت احترام المواليـن
كـن المهابـه بنتهـااا مجوزتنـي واليـوم كنهـاا طالـق بالثلاثيـن




الله

صح الله لسانك ولاهنت يامحمد

[نااايف الشمري]

صح لسانك على القصيده الرائعه يعطيك العافيه





تقبل مروري

[الـ ـشـ ـقـ ـا ويـ ـه]

صح لسانك



قصيده رائعه



تحياتي لك

[محمد المجول]

الله الله

صح الله لسااانك يالعمار

قصيده جزله من راس جزل

مبدع وراائع

تقبل مروري المتواضع

في صفحتك لكريمه

أخوك

[فلاح بن ملبز]

ارحب يا محمد

وصح لسانك

ولاهنت

[شموخ العجمية]

صح لسانك
يعطيك العافية