الأدوار النهائيه... ((القدس)).

[ناصر البرغش]

السلام عليكم ورحمة الله وبركاته

قصيده أتمنى أن تكون معبره لما يجول في خاطري

اللهم انصر الاسلام والمسلمين على أعداء الدين (ولا عزة إلا بالأسلام )

أضحك ولا أبكي ليا من قيل قوميه=وأسجل أحلا البطولات الخياليه
وأشوت شوته وإلى من جات فالمرمى=ضاق النصر..يالجماهير الهلاليه
مابين فتح وحماس وراعي الغاره=علاقةٍ ما نقول إنها طبيعيه
لا شبت النار كلٍ جمع أتباعه=ومد الحونشي يدينه للحونشيه
يالله نجي نشجب ونستنكر الغاره=والبث عبر القنوات الفضائيه
في كل غاره نبي نشجب ونستنكر=والشعب بالشمس والأحزاب بالفيه
باراك يحصد من الغارات قتلانا=ويقول هذي على ما قيل وديه
تو الوعد ياهل التشجيع والدوره=العلم أجيبه بالأدوار النهائيه
تاريخ الاسلام يزهمنا ويبكبنا=والكل منا وضع يده بأذانيه
(الضعف ماحطه الطيّب سبيلٍ له)=وأستسمحك يا (خلف) لا حل طاريه
الشطر هذا أبا جره وأغني به=حتى تشيش الجموع شويه شويه
ما اقول واجد لأني عارف وداري=إن المصيبه بالأفكار الشيوعيه
مابين بعثي..وماسوني..وليبرالي=ماعاد للعز يا أهل العز ماريه
دام إبتعدنا عن الدين ومضامينه=بنصير صفحه من التاريخ منسيه
بلا عروبه وقوميه على الفاضي=بالأول ألغوا السفارات اليهوديه
يبني سفارة يهود ويطلب الثوره=ما يقتدي بالكويت وبالسعوديه
يد اليهودي مع الثنتين مبتوره=على جميع القيادات السياسيه
ماطبّعوا يوم كلٍ زان تطبيعه=مع اليهودي على سر وعلانيه
أبكي على القدس يوم إسلامنا يبكي=لكني أضحك ليامن قيل قوميه

وسلامتكم

[فديتني]

الله الله الله ياشاعرنا
يبني سفارة يهود ويطلـب الثـوره
ما يقتـدي بالكويـت وبالسعوديـه
ابوس راسك ياشاعر ابوس راسك
وصح لسانك
والله يعين اخوانا في فلطسين

[ناصر البرغش]

المشاركة الأصلية كتبت بواسطة فديتني

الله الله الله ياشاعرنا
يبني سفارة يهود ويطلـب الثـوره
ما يقتـدي بالكويـت وبالسعوديـه
ابوس راسك ياشاعر ابوس راسك
وصح لسانك
والله يعين اخوانا في فلطسين

فديتني


صح لسانك ولاهنت


على المرور الطيب والاطراء الجميل جعلك تحيها


وتبوس الكعبه إن شاء الله


تحياتي وتقديري

[مبارك بن مجروب]

أبكي على القدس يوم إسلامنا يبكي
لكني أضحك ليامـن قيـل قوميـه

صح لسانك ياناصر

ابداع غير مستغرب

تقبل مروري المتواضع

[مريغان]

لا هنت ياناصر وصح الله لسانك
والله ينصر غزه والمسلمين

[مناحي الصميل]

يا سلام



ناصر


صح الله لسانك مليار



وبيض الله وجهك على ذا الجزلــه



والله يرحم الحال ويفك عوق أخواننا بـ غزّه


والله يجعلها في ميزان أعمالك



دمت بخير .

[فــلاح]

حجز يابو سعد



لله درر القريحه المتعنصّره

[بـــارود]

الله الله

صح السانك يا ناصر

عز الله انها مؤثره

الله ينصرنا على اليهود ويفك عوقهم يا رب العالمين

لاهنت

[مـحمـد]

السلام عليكم ورحمة الله وبركاته

صح لسانك يابو سعد على الجزله ولاهنت

قصيده مميزه وفي وقتها حقيقه والزين ما يجيب الا الزين

[هيا]

هلا والله اخوي ناصر
تسلم عالى ذي الجزله الروعه

أضحك ولا أبكي ليا من قيل قوميه
وأسجل أحلا البطـولات الخياليـه

يعطيك العافيه