ياذيب انا بوصيك لاتاكـل الذيـب=كم ليلة ٍ عشاك عقـب المجاعـه
كم ليلة ٍ عشاك حـرش العراقيـب=وكم شيخ قوم ٍ كزته لـك ذراعـه
كفه بعدوانـه شنيـع المضاريـب=ويسقي عدوه بالوغى سم ساعـه
ويضحك ليا صكت عليه المغاليـب=ويلكد على جمع العـدو باندفاعـه
جرحي عطيب ولابقالي مقاضيـب=وافخت حبل الوصل عقب انقطاعه
كنّي بعد فقـده بحامـي لواهيـب=وكنّي غريب الدار مالـي جماعـه
قالوا تطيب وقلت وشلون ابا طيب=وطلبت من عند الكريم الشفاعـه
ابا انذر اللي من ربوعي يبا الطيب=لاياخذ الا مـن بيـوت الشجاعـه
يجي ولدها مـذرّب ٍ كنّـه الذيـب=عز ٍ لابـوه وكـل ماقـال طاعـه
وبنت الردي ياتي ولدها كما الهيب=غبن ٍ لابـوه وفاشلـه بالجماعـه
ياكبر زوله عند بيـت المعازيـب=متحـرّي ٍ متـى يقـدّم متـاعـه
شعر الشيخ/ شالح بن هدلان يرثي ابنه ذيب
10-11-2008, 01:55 PM
العرض المتطور
