الــصــبــر عــيــا على الــحــلم يــاسـلـطـانـهـا...!

[محمد المجول]

للتواصل

عسى أن تحوز هذه المتواضعه على إستحسانكم

يابلد سلطانك اليوم ماليه الغضب=والصبر عيا..على الحلم ياسلطانها.
والمعاني مالها غير منطوق الأدب=برمي ثياب اللباقه على قيفانها.
برفع أقلام التباهي على حرف إنكتب=تارك/ن هاجوسها كاره/ن شيطانها.
جامع أفكاري وأنا جالس/ن حول المشب=ماعصاني حبكها ولاشكيت ألحانها.
والمآثب مالها غير رجال/ن أثب=يوم بعض الناس صكت على بيبانها.
وإن عرفت أصل السبب لاتردد ياعجب=وأطلب الرحمن يكفيك شر أزمانها.
وقف الحكي المنمق على جور العتب=وإختلط عج القصايد مع دخانها.
يامزامير الطرب..!( في وسط حي الطرب)=أوزني لي وزنها وإعدلي ميزانها.
شوشت فكر الحكيم وغدى فكره أشب=إن بغاها خانها...وإن تركها صانها.
هب هب إلكل فوج/ن وصوت/ن له ألب=لا غزى شبانها...صفقت شيبانها.
طب طب ومن سعى لطبب يلقى الطبب=ماتضيع النفس لو كل رجل/نن عانها.
بين رغبات التمني وتقدير الطلب=أكتب حروفي لهب وأحتوي بركانها.
ياجموع الجمهره ماتفكون النشب..!=إشتكت فرسانها من جهل غلمانها.
المآذن ماحجب صوتها كبر القبب=والفرس خيالها من يشد عنانها.
الفروض الخمس والحج وإثبات النسب=من يعلي ركنها يعتلي بأركانها.
من بداها بلا سبب..ينتهيها بلا سبب=ومن شعل نيرانها..يحتمل نيرانها.
اللغب ماهو سماتي وغيري قد لغب=شاعر/ن ذلل حروف الأدب ثم زانها.
كم فقير/ن طامع/ن بالذهب ياهل الذهب=لكن أطماعي أدب لين أعلي شانها.

[صـــبـــــــــا]

حجز

[سالم العظيمان]

الله الله

صح اللسانك يامحمد


روووعه !!


تسلم على ذا القصيده


تحياتي واحترامي !!

[محسن بن خميّس]

محمد المجول


^
|


الله الله عليك
وصح الله لسانك

وافيه وجزله من وافي وجزل
لاهنت ولا تحرمنا جديدك



/\


/|

[فلاح بن ملبز]

لي عودة

[الوضحه]

كم فقير/ن طامع/ن بالذهب ياهل الذهـب=لكن أطماعـي أدب ليـن أعلـي شانهـا

صــــح ح ح لســآنك

[%قبلة العجمان%]

كما عودتنا يامحمد من ابداع إلى إبداااااااع..

صح لسانكـ ولاهنت حققت من الشاعريه والنجومية في وقت قياسي ماعجز أن يصل له غيرك في سنوات!!

قصيدتك تدل على كم هائل من الثقافة والأدب في جعبتك يامحمد.

أتمنى لك التوفيق والله يكفيك شر حسادكـ.

[فلاح بن جمل]

لآ هنـــ ت يــآ محمـــــ د وصــــ ح اللســـآنــــــ ك ع ذآ الجزلـــــه .. !

لـكـ خــآلــــــ ص التقديـــــــ رر ..

[صـــبـــــــــا]

وقف الحكي المنمق علـى جـور العتـب=وإختلـط عـج القصايـد مـع دخانهـا

محمد المجــول

صــح فكرك على النص الفريد

دمت بهذا الزخم الشاعري

تقبل مروري لاعدمتك

صــبــــــآ

[محمد بن دسمه]

تستاهل الحجز لبا كبدك