والله اني مابديت الهجـر ودروب الخطيـه = لين هي اللي بدت بالهجر ودروب الخطايـا
جادلٍ تخطي علي وتقول لا تخطـي عليـه= اشهد انها بالخطا المقصود سوت بي سوايـا
صابرٍ من شان طيبتهـا وضحكتهـا شويـه = والله اني صابـر ٍ والـرب عالـم بالخفايـا
والله ان كنها توردني على حـوض المنيـه = لغمزت لي بالعيون ولضحكت لي بالشفايـا
كن بشفاها كلام يقول شـوف النـار حيـه = وان بغيت الثلج شوف الثلج في ذيك الثنايـا
عيدها لاقلت بعلى الصوت( وينـش يابنيـه) = كن حرف الشين مكتوبٍ على كـل الزوايـا
يوم قلت الها الحذيه قالـت ابشـر بالعطيـه = قلت جوزي من عنادك قالت كلي لك عطايا
قلت يعني صادقه قامت تبسـم قالـت ايـه = قلت وش يثبت كلامك قالـت ورب البرايـا
انك اغلى من مشى في الارض من بد البريه = وان حبك مسكنه موجود مـن بيـن الحنايـا
قلت طيب ويـش حـدك فالعلـوم الاوليـه = يوم قلتي لي علـومٍ كلهـا سهـوم ومنايـا
يوم قلتي لي نويت الهجـر والنيـه مطيـه = يـوم بدلتـي النوايـا يـوم بدلتـي النوايـا
قالت انك تعرف اني بالعمـر تـوي صبيـه = والدلع دايم تعرفه طبع من (طبـع الصبايـا)
بس انا بطلبك طلبـه انـك اتحـل القضيـه = وانت من ناسٍ تعتق ارقاب وتحل القضايـا
قلت تدرين انتهى الموضوع( وينش يابنيـه) =كن خليها كتبت الشيـن فـي كـل الزوايـا
للشاعر الرائع
سالم بن جخير
17-12-2008, 11:40 AM
العرض العادي
