فهد بن جطلي+منصور بن محمد(البركان الثائر)

[سماوي بن نجم]

السلام عليكم ورحمة الله وبركاته

ارسل والدي فهد بن جطلي بن ورده هذه الابيات
الى الشاعر منصور بن محمد بن منيخر ((البركان الثائر))

بالله يامنصور قلي وش الحل=فالخمه اللي كل شراً تثيره
لسابة العرقوب في هجعة الكل=دوارة الناموس كذب وخشيره
فقلوبهم كرهاً وفصدورهم غل=لهل العلوم الكايدات العسيره
مافيهم اللي يكرم الضيف لا حل=من عقب غيبات السنين المريره
ومافيهم اللي لانخيته تمزهل=ياهملالي يارجال(ن) شهيره
وراعي النمايم والحكي ياعسى وعل=تنصك في وجهه ابواب(ن) كثيره
ارسلت لك مكتوب شطره على ال=والشطر الأخر يالسنافي بغيره
لاشاكي(ن) جوعاً ولا شاكي(ن) ذل=بس الليالي يابن الأخي مغيره

وهذا هو رد ابومحمد

يا فهد بن جطلي ترفق بمن زل=وايامنا مثل الرحى المستديره
والناس هذا الوقت تطلع وتنزل=والله يستر فالسنين الاخيره
لو قلت كلمة حق لاخيك قم صل=كنك مولع وسط صدره سعيره
والنذل لو تفرش له الشايكه زل=يبقى السواد المجتمع في ضميره
يرضى عليك شوي وشوي يزعل=وهذي سوات اللي يدينه قصيره
ولا كل من هام المراجل تمرجل=ولا كل رجال(ن) يحفظ السريره
اصبر على حكي الضعوف وتحمل=وحسناك في بعض الهلايم بريره
وانا ادري انك تعرف الدرب وتدل=وبعدك عن الانذال يالقرم خيره
جاوبت لك يلي عن الحل تسأل=لو كان في صدري علوم(ن) كثيره

وسلامتكم

نقلت لكم هذه الابيات بعد أخذ الاذن من كلا الشخصين من باب الادب

هذا واتمنى ان تحوز على اعجابكم

[مناحي الصميل]

السلام عليكم ورحمة الله وبركاته



رديّه رائعه


جزاله وإبداع



صح الله لسانك يابن جطلي وصح الله لسانك يا منصور بن محمد


والله لا يهينك على الموضوع .

[محمد بن فهد.]

صح لسانك يابوجطلي وصح لسانك يابومحمد
رديه رائعه وجميله


ولاهنت ياجطلي على النقل

[وسيع البنايد1]

السلام عليكم ورحمة الله وبركاته


فقلوبهم كرهـاً وفصدورهـم غـل
لهـل العلـوم الكايـدات العسيـره
مافيهم اللي يكرم الضيـف لا حـل
من عقب غيبات السنيـن المريـره
ومافيهـم اللـي لانخيتـه تمزهـل
ياهملالـي يارجـال(ن) شهـيـره
وراعي النمايم والحكي ياعسى وعل
تنصك في وجهه ابواب(ن) كثيره



لو قلت كلمة حق لاخيك قم صـل
كنك مولع وسط صـدره سعيـره
والنذل لو تفرش له الشايكـه زل
يبقى السواد المجتمع في ضميـره
يرضى عليك شوي وشوي يزعل
وهذي سوات اللي يدينه قصيـره
ولا كل من هام المراجل تمرجـل
ولا كل رجال(ن) يحفظ السريـره



ابداع ابداع

صح لسانك يابوجطلي وصح لسانك يابومحمد ولاهنتوا

وبيض الله وجهك ياجطلي على النقل

[نويصر]

لسابة العرقوب في هجعـة الكـل
دوارة النامـوس كـذب وخشيـره
فقلوبهم كرهـاً وفصدورهـم غـل
لهـل العلـوم الكايـدات العسيـره


صح السانك يابو جطلي ابيات جزله من رجل جزل برجولته وكرمه واخلاقه .



يا فهد بن جطلي ترفق بمـن زل
وايامنا مثل الرحـى المستديـره
والناس هذا الوقت تطلـع وتنـزل
والله يستـر فالسنيـن الاخـيـره
لو قلت كلمة حق لاخيك قم صـل
كنك مولع وسط صـدره سعيـره
والنذل لو تفرش له الشايكـه زل
يبقى السواد المجتمع في ضميـره




صح السانك يابو محمد شاعر وابن شاعر وماهما حكيت ماوفيت والله يكثر من جنسك يابو محمد .




واشكرك جطلي بن فهد علي النقل

[سالم العظيمان]

صح الله السنتهم جميع

وقصايدٍ طيبه ومن روس طيبه

وبيض الله وجهك يا جطلي على النقل الرائع

ونتمنى ان لا تبخل علينا بكل ماهو جديد

لهؤلاء الشاعرين وغيرهم من ما بحوزتك من جميل

ودي و تقديري لمقام شخصك الكريم

أخيك / سالم آلعظيمان

[دغري]

الله لايهينك على النقل الرائع يابوفهد

والشكر موصول للشاعرين والله لايهينهم على القصيده

[جطلي بن فهد]

الله الله


صح لسان ابوجطلي ملايين وصح لسان شاعر ال سفران ملايين

ولاهنت ياجطلي على النقل

[فيصل بن حجرف]

السلام عليكم ورحمة الله وبركاته

صح لسان ابو جطلي على هذه الابيات الرائعه
وصح لسان الشاعر منصور بن محمد على الرد الرائع

تميز وابداع من الشاعرين
وبيض الله وجهك يا جطلي على نقلها لنا في المنتدى