&& تدريـن وادري &&

[ابو خالد]

تدرين وادري بنفترق
تدرين قلبي بيحترق
حنا اتفقنا في كل شي الا الزمن
عيى الزمن لا نتفق
ولاتزعلي لو نفترق
قلبك خلي
وقلبي انا اللي بيحترق
ياوردة في كل الفصول
يافرح عيى لايطول
قولي واقول
ان كان عندك لي حلول
يافرحة القلب الحزين
الوقت يمر ..
ومالك عذر
كانك تبين ننسى العمر ..
ننسى السنين
وانذوب في حب وحنين
تدرين وش سر الحكاية
الوقت يمر .. ولكل شي لابد نهاية
وحنا قربنا من النهاية
ومالك عذر
يابسمة الثغر الخجول
ان كان عندك لي حلول
وان كان ودك نتفق
والا ترانا بنفترق
ولاتزعلي لو نفترق
قلبك خلي
وقلبي انا اللي بيحترق
ياحب .. يادنيا جديدة
يا احلى ابيات القصيدة
ان كان جرحي ما كفى
انزفلك جروحٍ جديدة
وان كان شعري ماوفى
انسى الحكي وانسى القصيدة
يا احلى ايام العمر
كثر الحكي وش بيفيد
ومابقى عندي صبر
والجرح في قلبي يزيد
مالك عذر
يابسمة الثغر الخجول
ما اظن عندك لي حلول
وما اظن ودك نتفق
واحنا ترانا بنفترق
ولاتزعلي لو نفترق
قلبك خلي
وقلبي انا اللي بيحترق

عبدالرحمن بن مساعد

[العماني]

صح لسانك يا بوخالد وصح لسان ابن مساعد

لاهنت على المشاركة الطيبه.

تقبل تحياتي،،

[ابو خالد]

هلا وغلا بالعمانـي

ولا أنــت

أشكرك طويل العمر على التواصل

[قبلةالعجمان]

صححححححححح لسانك يا بو خالد .....


ولاهنت على هالقصيدة .........

[ابو خالد]

مرحبا ألـف بقبلة العجمان

ولا أنتي

وصح السان الشاعر عبدالرحمن بن مساعد

أسعدني مرورك

[بخـــــــــــوت]

صح لسانك ولسان الشااعر ابو خااالد

ذوووق حلوووو با الاختيار


بخــــــــوت

[ابو خالد]

هلا وغلا بخوت

الله يسلمك

اذا أنا ذويـق فأنتي منبع الذوق طويلة العمر

لاهنتـي على المرور والاطراء الذي أسعدت به