سؤال واحد

[سالم آل رشيد]

سؤال واحد مدوخني على حله=اشلون اصارح بحبه ماعرف مدري

اطوي السهر مع طيوف الترف وا فله=واحاول اقول احبه واكتم ابصدري

حطيت كفي بكفه والخجل شله=عطره بيدي وباقي في يده عطري

لو كان طال اللقا ساعات ما مله=كان اللقا ساعتين وشيدت قبري

كلم وقال العطر في الكف ما افطن له=او قلت له ليش كن الزين ما يدري

انفاسك اللي تنفس في اللقا كله=هي عطرك اللي بكفك يابعد عمري

الحال من بعد حب الزين منسله=الله يا وصلها يا حبها العذري

اتوه انا مع رموش(ن)كن لها ظله=واضيع انا لي لحظت اعيونه الخدري

ولا جديل(ن)على الامتان لي فله=اليا انتثر كنه ايرحب به الخصري

ولا اخشيم(ن)بوصف السيف لي سله=من ضامه الوقت بالحيلات والغدري

مع مشية الغنج كن الروح منتله=احس انا كن لرض اتقول له بدري

حرام من محزمي لا اصله اصله=واقول له شوف حبك ساكن(ن)صدري

[عبدالله الفروان]

صح الله لسانك

ولاهنت على القثيدة الرائعه

وتقبل مروري

[فهيد بن صبيح]

اخي سالم

قصيده فيها من الابداااااع شي لا يوصف

وانت رجال جزل جعك تحيااء

والوصف في القصيده لم يخرج عن حدوده

لك فاائق اعجابي يا الشاعر

[محمد بن صبحان]

صح لسان ولا هنت يا الشاعر الجزل###