السلام عليكم ورحمة الله وبركاته
هذى رديه بينى وبين الشاعر راشد الفهيد واتمنى ان تنال على اعجابكم
قال الشاعر طلال بندر الهاجرى
راشد لفاك الجواب ورد تفسيره ... وش حيلتك فى عشير(ن) طال بغيابه
علمى بها العام خلى حسنة السيره ...فى موقعن فى شواطى النيل يلهابه
عند السرايا لمحت اللى زهى الديره ... الجادل اللى نظرنى فزت بعجابه
اسمه سمى الحياه وزاد تقديره...ابيك تعرف غياب الشوق واسبابه
قله حبيبك مريض وزاد تفكيره ... والحال ينحف ونار القلب شبابه
واذا وصلت الغضى عطنى تباشيره ... هوا على العهد ولا بدل اصحابه
افهم معانى كلامه وشوف تعبيره...وان كان مقفى يروح وياخذ احسابه
من ربى اللى خلق حسنه وتدبيره ...من باع قربى ابيعه ماتحيابه
راشد لفاك الجواب ورد تفسيره ... وش حيلتك فى عشير(ن) طال فغيابه
_________________________________________
وهذا رد راشد الفهيد على الشاعر طلال الهاجري
ياقاف قم استعد واجمع طوابيره ...بختار جزل المعانى وارسل كتابه
يم واحد(ن) خصنى يبغى تباشيره ....عندى عزيز(ن) ويسواله بعد لابه
طلال مانى عليك مطول السيره ... اللى جرالك ترى راشد بعد صابـه
ابشر بعزك ولوكثرت مخاسيره ... بروح يمه وبدفع كامل اتعابه
ابتعب الرجل لو طالت مشاويره ... تراى من لابت(ن) للروح جلابـه
اجيب رده واصدر لك تقاريره ... وبشاية الرب تفرحبه وتهنابه
الحب بلوه عظيمه ماهى صغيره ... كم واحد(ن) عاف حلو النوم بسبابه
يسامر الليل عينه دايم سهيره ... يشكى فراق الحبايب مخطر صوابه
الحمد لله عطانا نعمه اكبيره ... النسيان لولاه تلقى الرجل بترابه
بقول كلمه ختاميه وتذكيره ... وخذها نصيحه من اللى فارق احبابه
لاشفت خلك يصد ومنعدم خيره ... ارفع مقامك وفورا سكر حسابه
هذا جوابى وابى تقبل معاذيره ... ان كان قصرت فى شي ٍ سعينابه
وسلامتكــم
وتقبلوا تحياتى
21-05-2009, 05:08 PM
رديه بين الشاعر طلال الهاجري وراشد الفهيد
العرض العادي
