قصيده في الشيخ \مانع بن جمعه (الارفح) اطال الله

محمدالمنصوري · #1 11-08-2009, 11:16 PM

( عقال الرياجيل )
الشيخ \مانع بن جمعه اطال الله في عمره وابقاه ذخر وعزوه

يارجم جيتك والعنى يسوقني سـوق=وخابـر مكانـك مدهلـن للذيـابـه
صدرك وسيع وتحتمل قلـة الـذوق=شرَعـت بابـك للمعنـى ابرحابـه
جيتك يارجم ايدفني حـر طـاروق=ذيبك يارجم اليـوم مكسـور نابـه
قامت تراغا داخلـي رغيـة النـوق=بين الضلوع العوج شبـت حرابـه
ماجيت اغني في تواصيف غرنـوق=ولا طرب للحون صـوت الربابـه
قبلي علوك طيور ماردهـا سبـوق=احرار غار الوقـت مالـه صحابـه
بندر رقاك من العنى حـزة شـروق=وراكـان لامنـه تضايـق لجـابـه
وابن السدارى فارس الشعر والشوق=ياما صفـق بالكـف يـاس وندابـه
يحدنـي ماسيـل لشالـح الـمـوق=عزيز قـوم وغـدر الايـام صابـه
من حرها صار الحشى كله افتـوق=والجسـم ماعـاد ايتحمـل ثيـابـه
غدى لميسمها على كبـدي اطـروق=كنها وسوم خـدود زيـدي تشابـه
انصد عن مرزوق ونضحك لمرزوق=واللي ورى الاضلاع محد ٍ درابـه
لو انها عتـق ارقبـه ديَـه وسـوق=انشهد ان لي فـي اللوازيـم لابـه
مخيلة ٍ جاتك لهـا رزف وبـروق=ولا امطرت الا على ارض اللهابـه
اروت اشدوق ومنها يبست شـدوق=ولا في ذكـر الماضـي الا عذابـه
المشكله يارجم فوق الحكـي فـوق=يعجز عن التفسيـر سطـر الكتابـه
ماتبغي الا واحـد ٍ يفـرق فـروق=عن باقـي العربـان مالـه مشابـه
غرسة ثرى وفوق السحابه له اعذوق=راوي من عـدود الشكالـه شرابـه
ياراكب اللي لا نتهض كنه زملـوق=عليه وسـم السايـر خـلاف بابـه
اسرد طويل ومقدم الـراس مفهـوق=كنه كبير القـوم راعـي العصابـه
لا من نطحته قلـت لبيـه ياشـوق=من قلب منهو شاف غـرو وغدابـه
وليا قفيته من ورى شفت ملصـوق=اربع سنين امضمن ٍ عـن خرابـه
منوة غريب الدار لا حـده الشـوق=لديـار ربعـه عزوتـه والقـرابـه
تله من الوادي وتوكل مـع شـروق=وعبه من الواحـه وشيـك زهابـه
واقصد رياض المجد لاناشك العوق=وادخل لغرناطه من اوسـط رحابـه
بتشوف بيت امزيـن بقبَـه وطـوق=وسوره كبير ومابعـد صـك بابـه
بيت الشرف مابني ساسـه بطابـوق=مبني على ساس الفخـر والذرابـه
كن الدلال بمجلسه صـف طـاروق=ومستـور يشعلهـا بحفلـة اعتابـه
واقلط على شيخ ٍ ليا قـال موثـوق=لا شـاف زولـك قـال يامرحبابـه
وهل العلوم اللي لها الكبد محـروق=وكلن يثمـن موقفـه مـن جوابـه
هذاك ابو خالد كما السيـف فـاروق=مـن سلتـه كــل الاوادم تهـابـه
سيف الفخر بيديـن اولاد مـرزوق=والسيف يعرف منسبه مـن نصابـه
لا من نخيتـه يحتبـس دم العـروق=قامت تقـادح فـي عيونـه شهابـه
ماهو بخفي لا عدوا انساب وعروق=فانه ولد راعـي الفعـل والمهابـه
ياجعل قبـر العـود هيفيـة حقـوق=لا نشنش الوسمـي وزبَـر سحابـه
وينبت على جاله زهور ٍ ورقـروق=ويجعلـه باليمنـى يـقـدم كتـابـه
بو خالد اللي لا غدى الصدر مخنوق=فوق الحمول يشيل حملـي ومشابـه
لاقال راقت فاعرف انها تبي تـروق=بامر الولي لا قال شي ٍ وفـى بـه
تكفى يابوخالد ترى الوقت سـاروق=يفداك قاصى الناس وادنى القرابـه
ناس ٍ تمَدح بالحكي وحلو منطـوق=من سمعها قال الاسد وسـط غابـه
كنها القصيمي لا دخل ساحة السوق=يشري ويبيع الناس منطـق خطابـه
لا ناطح ٍ قاله ولا مصلـح ٍ عـوق=يعني حضوره مـع غيابـه تشابـه
ولا انت يعقال الرياجيـل مخلـوق=للمرجله.. والطيب تحيـي خضابـه
مواقفـك وثقهـم الوقـت بـوثـوق=تعطي مثل عن وقت عصر الصحابه
لو انشد جبال السراوات مـن فـوق=الساحـل الشرقـي تباهـا بجوابـه
من حد حايل لي شروره والعـروق=وجبال نجران اشهدت مـع هضابـه
لو المراجل سلعةٍ في بطـن سـوق=فالارفح وكيـل المرجلـه ويقتـدابـه
يامحزمي لالحقني من العنى الحوق=ماتسل سيفـك الا تـروي خضابـه