للشاعرين ضيدان وسعد من قبيله العجمان

[الجـــــــــادل]

زار ضيدان صديقة سعد فتأخر علية في تقديم القهوة والقدووع أنتظر طويلا فأنشد يقووووول :
جاك المسير ملقى منك ترحيب
لا جبت له قهوة ولا من قدوعي
ياليتني دورت غيرك معازيب
جيتك جويع ورحت منك بجوعي
الظاهر انك ماتعرف المواجيب
لا طـبعك يختـلف عن طبـوعي
حنا لا جانا الضيف ننفض له الجيب
ونجيب له من كل شكل ونوعي
عادتنا والرزق من عالم الغيب
هذا وأنا أنخل واحد من ربوعي

سعد سمع هذه الأبيات فقام وأحضر القدوع فرد على ضيدان بهذة الابيات:

إقدع عسى يقدع على رأسك الذيب
في خايع مابة من الناس دوعي
متعطل في البـر قبلي تنـاقيب
من ليلة الجمعـة ليـوم الربـوعي
ومروك ناس غايب عنهم الطيب
وخلوك وحدك في مكان يروعي
ثم جاك ذيب ماسنونه بتركيب
ذيب ولد ذيب وشرس قطوعي
سوى بك سواة على غير ترتيب
يجزع لها قلب الشجاع البتوعي
مرحوم ياعود كسا راسك الشيب
هنديتة تذرف علية الدموعي


اتمنى ان تحووز على رضاكم



تحياتي



مثل النخل انخلقت انا وهامتي فوق"="ما اعتدت انا احني هامتي الا في صلاتي

[الدافور]

اختيار موفق ونقل مبدعة ياالجادل

[الجـــــــــادل]

اشكر مرووورك الكريم

تحياتي

[بدر بن سفر]

قصيده وسالفه رائعه
لاهنتي يا الجادل ويعطيش العافيه

المحفوظي

[الجـــــــــادل]

اشكر مرووورك الكريم

[فيصل بن حجرف]

السلام عليكم ورحمة الله وبركاتة..

- تـم نقـل الموضـوع إلـى ديـوان

---

قصـه وقصيـده

---

- تقبـلـوا تحيـاتــي.

[الجـــــــــادل]

مشكووووووور على نقل الموضوووع

يا بو عبدالله

[خميس سحمي]

لاهنت وعندي كم سؤال (هذى وانا انخل واحد من ربوعي )هل هي انخل او ابخل والسؤال الثاني ماقرابة محمد بن صبحان ابو مشعل بضيدان وشكرا لك على هذا الموضوع واذا عندك سوالف وقصيد لهم اتمنا انك ترسلها

[سعـود]

مساكم وصبحكم الله بالخير

هذي اول مشاركة لي في المنتدى

واشكر القائمين على الموقع لما يبذلون من جهود جباره لأنجاح منتدانا

واشكر الاعضاء والمشرفين والمراقبين على المشاركات المتميزة

ومشكورة يالجادل على القصيده

والصح هي كلمة ابخل مو انخل وكانت غلطة مطبعيه غير مقصوده

وبالنسبه لسؤالك ياخميس عن صلة القرابه بين ضيدان ومحمد بن صبحان الاثنين اخوان وهم من اللزيز

وتقبلوا تحياتي

[بخـــــــــــوت]

تسلمين الجاادل ع النقل الحلووو


تحياتي