الولد وابيه

[عيد بن شدقان]

السلام عليكم رحمةالله وبركاته
وشلونكم كلن باسمه

عندي سالفه وقصيدتها وحبيت اني انقلها لكم وانشالله انها ترضيكم

هذا
رجال اعرس وابطى ماجاه نمى وعقب اسنين ارزقه الله بولد وسمى الولد (عرفان)
وعقب ولادة عرفان بسنه فقد امه توفت وعوضه الاب بحنان الام وكان هو اللي مسنعه هو اللي يلبسه ويسبحه وهو اللي يسهر على راحته
وكان هو الصديق والام والاب
ومدلعه اخر دلع وكان الاب مايروح مكان الا وولده معه مايفارقه ابد

وكبر الولد وتوظف واعرس
وسكن ببيت الحاله هو ومرته وقام مايجي ابيه الا اربعا وخميس
وشوي شوي
عقبه قام يجيه كل اسبوعين
وكتب الشايب القصيده هذي بولده

عرفان وا قلبن شكى حر فرقاك=عرفان لا تنسى خوين امخاويك
كم مرتن بالبر ناديته اياك=والبر بفراشي عن البرد ادفيك
وانكان عندك شك طالع الماطاك=اقدام رجلي يشبهن المواطيك
واقصر خطا رجلي علا شان اباريك=وكم مرتن تطلب وانا اقولك هاك
ناخذ من الراتب لزومك ونعطيك=عرفان لا تنسى زمانن تعداك
يوم انت فوق المتن لاصحت اراضيك=اسهر اليا قالو ترا النوم ماجاك
واليا رقدت احلم وبالحلم اناديك=واراجع الدكتور واخذ لك ادواك
واخذ اقياس الملعقه منه واعطيك=وكم مرتن حبيت خشمك وعيناك
واظحك على ظحكك ويبكيني ابكاك=وهذا كلام اللي سهر لجل يرعاك

وسلامتكم

[غيفارا]

رباه وعوضه حنان امه وخلاه بعيشه نعيم

بس طلع الولد مهو بكفو ولا يستاهل وهدي نتيجه الدلع الزايد

الله يعوض على الشايب.


لاهنت يالركد...

[العماني]

لاهنت أخوي راكد على المشاركة الطيبة وسعيدين بمشاركاتك في قسمنا.

والشايب غلطان لو أنه معرس من عقب وفاة مرته عشان تقوم بولده ابرك

تقبل تحياتي،،

[فالح علي]

الاخ الراكد القصه هذه غير حقيقيه مع احترامي

القصه والقصيده بالكامل موجوده في شريط امجاد من الصحراء وهو شريط اسلامي

والقصه هي على كلام الشاعر ابو عرفان

ان ولده كان لايفارقه عندما كان صغير ولكن عندما اصبح مراهق قام يخاوي ربعن من جماعته والوالد ابو عرفان قال هذه القصيده كي يذكر ابنه بحق ولده وليس قصده يهجوه
وسلامتكم

[عـزام]

واظحك على ظحكك ويبكيني ابكـاك
وهذا كلام اللي سهر لجـل يرعـاك

والله بيت يحزّن سود الله وجه ولده وهذى تحصل كثير .

اخوى الراكد لا هنت على القصيده وسالفتها

تحياتى:

الولــــهــــان

[ابوتركى]

عرفان وا قلبن شكـى حـر فرقـاك
عرفان لا تنسـى خويـن امخاويـك
كـم مرتـن بالبـر ناديتـه ايــاك


حتى القصيده حرام تنكتب فيه

تحياتى لك

[عيد بن شدقان]

غيفارا
ولا انت
واشكرك على المرور والمشاركه

[عيد بن شدقان]

العماني
لا هنت
واشكرك على المرور والمشاركه

[عيد بن شدقان]

فالح علي


اقول هذي القصيده سامعها من واحد كبير في السن ويعرف العلوم
وهو اللي معلمني بالسالفه والقصيده

على العموم لاهنت على المرور والمشاركه

[عيد بن شدقان]

الولهان
لا هنت
واشكرك على المرور والمشاركه