الصـوره اللـي ( بجوالـي ) تعذبـنـي ^^^^^ ياكثـر ماجيـت ابمسحهـا ! واخليـهـا

[نـــواف العازمي]

[]

السلام عليكم ورحمه الله وبركاته

حبيت انقل لكم قصيييده حازت على اعجابي وعسى ان تنال على رضاكم


الصـوره اللـي ( بجوالـي ) تعذبـنـي
ياكثـر ماجيـت ابمسحهـا ! واخليـهـا

ياللي جفيت وجفـاك المـر .. ذابحنـي
عقبك وجيـه البشـر .. مانـي بدانيهـا

من يوم حبك .. غزى القلـب وتملكنـي
قطعـت كـل العـلاقـات وطواريـهـا

اقـرى رسايلـك ودموعـي تسابقـنـي
وارد ! واقرى الرسايل .. واحتفظ فيهـا

انت آخر انسـان هاقـي منـه يصدمنـي.
والظاهـر ان هقوتـي بانـت مواريـهـا

لـو الوصايـا ليـا احتديـت ! تنفعنـي
ياكثـر نـاس ٍ علـى ذودي بوصيـهـا

ليت الفـرح ( بنـك ) لاجيتـه يسلفنـي
واقاصده ( راحتـي ) وحقوقـه اوفيهـا

من كثر ماكنـت ! جارحنـي وظالمنـي
قمت اعزل جروحـك بقلبـي واسميهـا

تـدري وش اللـي يبكينـي ويضحكنـي
انـك محـامـي قضيتـنـا وقاضيـهـا

تدري متاك ؟ تعـرف قـدري وتفقدنـي
لارخصت نفسك ,, لشخص ٍ مايراعيهـا

بكـره الا هملـوك الـنـاس تذكـرنـي
وتقول عـزاه : عينـي مـن يداريهـا ؟

مدام غيـري ؟ علـى قلبـك مشاركنـي
وش هـو لـه ؟ اعلـق الأمـال وابنيهـا

يكفينـي انـك رحلـت ومنـت عايفنـي
هذا عـزا النفـس مـن كثـرة بلاويهـا

اهديتك : دمـوع مـن طعنتـك تحرقنـي
وانـت اللـي تستاهـل الدنيـا ومافيهـا

واهديتني جرح .. موجعني ؟ وعاجبني ؟
لــن الهـدايـا عـلـى مقدار مهديـهـا

صحيح ! ( حنا انتهينا ) .. بس صدقني !!
والله ان تبقى ( هوى روحـي ) وغاليهـا

مفضوح ؟ راع الهيام .. ونظرته !! تغني
ملامحه واضحه ! , في وجهـه راعيهـا

لكـل داء ٍ دوا .. لـو هــو متعبـنـي
إلا محبتـك ؟ .. أعيـت مـن يداويـهـا

ان قلـت : علمنـي انسـى ؟ لاتعلمنـي
دنيـاي لامـن نسيتـك ويــش تاليـهـا

فارقتنـي وضحكتـك عيـت تفارقـنـي
والله يلعـن ابــو الفـرقـا وطاريـهـا

مقدر !! أفكر بغيرك ؟ .. وانت عارفنـي
عشان حاجه ؟ بقلبي .. مقدر !! أخفيهـا

اخاف لاحبنـي غيـرك ؟ .. وعاشرنـي
يشوف صورتـك فـي عينـي ويوحيهـا

نشدت عنك ؟ وسمعـت اللـي يفرحنـي
وارتاح صـدري مـن همـوم ٍ يحاتيهـا

تبي تعرف ! وش ؟ على الفرقا مصبرني
انـك بخيـر .. وحياتـك مهتنـي فيهـا

مـن يـوم ماغبـت ! والوحـده تعذبنـي
اقرى ( رسايلك ) في حرقـه والاحيهـا

اشوف ( صورتك ) .. ودموعي تسابقني
وياكثـر ماجيـت أبمسحهـا ؟ وأخليها




وسلامتكم....


تقبلو تحيااتي

>نــــــواف الــعــازمـي<

[النقال]

الصـوره اللـي ( بجوالـي ) تعذبـنـي
ياكثـر ماجيـت ابمسحهـا ! واخليـهـا


المشكلة أللي مسح الصورة وراح صاحبها


يمال فرقا العين


تقبل مروري

[شّيهـًــانُـــهً~]

تبي تعرف ! وش ؟ على الفرقا مصبرني
انـك بخيـر .. وحياتـك مهتنـي فيهـا

أختيار روعه

تسلم يمناك

تقبل مروري

[101 بنت العجمان 101]

تسلم يمنااااك ع ذا النقل ~~~~ لاهنت ,,,

[مرتاح أحبك]

صح لسان شاعرها وناقلها

لاهنت على النقل المميز

[نـــواف العازمي]

صح الله ابدانكم جميعا

شكرا على مروركم الذي انار صفحتي وعطر معاني حروفها

تقبلوو مني فائق الاحترام والتقدير

[+^سلـ ـطان العجمي+*]

صح ألسانك يا الذيب

علا ذى الجزله

تقبل مروري

[نـــواف العازمي]

المشاركة الأصلية كتبت بواسطة +^سلـ ـطان العجمي+*

صح ألسانك يا الذيب

علا ذى الجزله

تقبل مروري

صح الله ابدانك اخوووي سلطان

لاهنت على مرورك وتواصلك الطيب

لاتحرمنا من تواجدك الدائم

تقبل احترامي وتحياتي