مدري ( تفو ) هي مدح ولاّ شتيمـة

[مها المري]

البارحة جاني مـن الحـب مرسـال

من عقب ما بينـي وبينـه خصيمـة


وانا ترى في الحـب مانيـب فعّـال

ولا بعـد ولّـع بقلبـي هشيـمـه



ولا بعد غنّيت فـي ساعـة وصـال

ولا بعد ذقـت الفـراق وجحيمـه



ولا جرى دمعي على الخـد همّـال

ولابعـد جربـت مــرّ الهزيـمـة



حتى وردنـي تالـي الليـل جـوال

وانا على شاهي وبسكـوت ديمـة



الرقم بايخ لكـن الصـوت قتـال

كنه مثل صـوت المذيعـة حليمـة



قالت مساء الخير يـا طيّـب الفـال

قلـت ارحبـي ترحيبـةٍ مستديمـة



بالعود والصفـري ودلـة وفنجـال

واجبك يا بنت الأصـول الكريمـة



ردت بضحكة ثم قالت وش الحـال؟

قلت اشهد إن الحال عقبك سقيمـة



قالت وهي تضحك بعد مثل الأطفال

وانـا بعـد كنـي بدونـك يتيمـة



من يـوم قالتهـا تزلزلـت زلـزال

من فجعتي كنـي مسـوي جريمـة



قلت ارفعي صوتك ترى مابه ارسال

كـذاب لكـنّ المصيبـة عظيمـة



قالت أقول اسمع ترى هرجنـا طـال

ممكـن تصاحبنـي ترانـي وسيمـة



واسمي الحقيقي أول حروفـه الـدال

لكـن يسمّونـي البنـات الزعيمـة



صحيح أحب الفخفخة واعشق المال

لكـن ترانـي طاهـرة مستقيـمـة



ما عندي امغازل ولا (لعب يهّــال)

ما عندي إلا في الشرف والحشيمـة



بس الصراحة قلبي لشوفتـك مـال

واصبحت وحدك جالسٍ في صميمه



فكّر بعقلك واترك القيـل والقـال

واحذر تطيع اهل العقـول العقيمـة



وارسل علي الحين خمسميـة ريـال

أشحن بهـا جـوال أختـي غنيمـة



أو طقم غالي فيه خاتـم وسلسـال

أروح به فـي عـرس ولاّ عزيمـة



قلت الحقيقة مانيب رجـل أعمـال

ولانـي بتاجـر والمـوارد عديـمـة



أنا الصراحة شبـه عطّـال بطّـال

وعلاقتـي بالفقـر جـداً حميـمـة



والراتب الله يرحم الحـال مـا زال

محـدود والمصـروف ربـي عليمـه



والدين بـالآلاف والبنـك شغّـال

ياكـل فلوسـي بالربـا والظليمـة



والسوق طايح والغلا ضيّـق البـال

والموت والله صايـر اكبـر غنيمـة



قالت تحمّل بـس والحمـل ينشـال

خلك شديد الباس صلـب العزيمـة



ياخي تصرّف جعلك اتصيـر نشّـال

أهـم شـي إن النوايـا سليـمـة



لابد تفهمني علـى كـل الأحـوال

ما دمت من أهل العقـول الفهيمـة



قلت إيه والله فاهم اللي على البـال

لكن تـرى هـذي علينـا قديمـة



يا بنت هـذا صايـر اليـوم مـوال

للي تبي تلعب علـى ابـن اللئيمـة



يا بنت ما تدرين كـم فيـه محتـال

يلعب على الحبلين وانتـي غشيمـة



يا بنت كم من جاهلة دمعها سـال

من عقب ما جات العواقب وخيمـة



والبنت لا اقفى عرضها بيد الأنـذال

والله مـا يبقـى لهـا أي قيـمـة



قالت تبي ولاّ فخلّك علـى جـال

مهوب ناقصـني نصايـح حكيمـة



عز الله إنك للأسف منـت رجّـال

وانك قليل الذوق ما فيـك شيمـة



يا لعنبو اللي مـا يسطّـرك بنعـال

حتـى يعلمـك الغـزل يـا بهيمـة



( تفو ) عليك وصكّت الخط في الحال

مدري ( تفو ) هي مدح ولاّ شتيمـة .

منقووووووووول

[قرناس العازمي]

صح السآنك وطآب منقولكـ

[شيخة قبيلتها]

السلام عليكم ورحمة الله وبركاته

تسلمين فديت قلبج ع النقل الطيب للابيات

وصح الله لسانج ولسان شاعرها في النظم الطيب للقصيدة ...

البارحة جاني مـن الحـب مرسـال=من عقب ما بينـي وبينـه خصيمـة
وانا ترى في الحـب مانيـب فعّـال=ولا بعـد ولّـع بقلبـي هشيـمـه
ولا بعد غنّيت فـي ساعـة وصـال=ولا بعد ذقـت الفـراق وجحيمـه
ولا جرى دمعي على الخـد همّـال=ولابعـد جربـت مــرّ الهزيـمـة
حتى وردنـي تالـي الليـل جـوال=وانا على شاهي وبسكـوت ديمـة
الرقم بايخ لكـن الصـوت قتـال=كنه مثل صـوت المذيعـة حليمـة
قالت مساء الخير يـا طيّـب الفـال=قلـت ارحبـي ترحيبـةٍ مستديمـة
بالعود والصفـري ودلـة وفنجـال=واجبك يا بنت الأصـول الكريمـة
ردت بضحكة ثم قالت وش الحـال؟=قلت اشهد إن الحال عقبك سقيمـة
قالت وهي تضحك بعد مثل الأطفال=وانـا بعـد كنـي بدونـك يتيمـة
من يـوم قالتهـا تزلزلـت زلـزال=من فجعتي كنـي مسـوي جريمـة
قلت ارفعي صوتك ترى مابه ارسال=كـذاب لكـنّ المصيبـة عظيمـة
قالت أقول اسمع ترى هرجنـا طـال=ممكـن تصاحبنـي ترانـي وسيمـة
واسمي الحقيقي أول حروفـه الـدال=لكـن يسمّونـي البنـات الزعيمـة
صحيح أحب الفخفخة واعشق المال=لكـن ترانـي طاهـرة مستقيـمـة
ما عندي امغازل ولا (لعب يهّــال)=ما عندي إلا في الشرف والحشيمـة
بس الصراحة قلبي لشوفتـك مـال=واصبحت وحدك جالسٍ في صميمه
فكّر بعقلك واترك القيـل والقـال=واحذر تطيع اهل العقـول العقيمـة
وارسل علي الحين خمسميـة ريـال=أشحن بهـا جـوال أختـي غنيمـة
أو طقم غالي فيه خاتـم وسلسـال=أروح به فـي عـرس ولاّ عزيمـة
قلت الحقيقة مانيب رجـل أعمـال=ولانـي بتاجـر والمـوارد عديـمـة
أنا الصراحة شبـه عطّـال بطّـال=وعلاقتـي بالفقـر جـداً حميـمـة
والراتب الله يرحم الحـال مـا زال=محـدود والمصـروف ربـي عليمـه
والدين بـالآلاف والبنـك شغّـال=ياكـل فلوسـي بالربـا والظليمـة
والسوق طايح والغلا ضيّـق البـال=والموت والله صايـر اكبـر غنيمـة
قالت تحمّل بـس والحمـل ينشـال=خلك شديد الباس صلـب العزيمـة
ياخي تصرّف جعلك اتصيـر نشّـال=أهـم شـي إن النوايـا سليـمـة
لابد تفهمني علـى كـل الأحـوال=ما دمت من أهل العقـول الفهيمـة
قلت إيه والله فاهم اللي على البـال=لكن تـرى هـذي علينـا قديمـة
يا بنت هـذا صايـر اليـوم مـوال=للي تبي تلعب علـى ابـن اللئيمـة
يا بنت ما تدرين كـم فيـه محتـال=يلعب على الحبلين وانتـي غشيمـة
يا بنت كم من جاهلة دمعها سـال=من عقب ما جات العواقب وخيمـة
والبنت لا اقفى عرضها بيد الأنـذال=والله مـا يبقـى لهـا أي قيـمـة
قالت تبي ولاّ فخلّك علـى جـال=مهوب ناقصـني نصايـح حكيمـة
عز الله إنك للأسف منـت رجّـال=وانك قليل الذوق ما فيـك شيمـة
يا لعنبو اللي مـا يسطّـرك بنعـال=حتـى يعلمـك الغـزل يـا بهيمـة
( تفو ) عليك وصكّت الخط في الحال=مدري ( تفو ) هي مدح ولاّ شتيمـة

دمتي بود يالغاليه ...
.

[تركي الميموني]

صح لسان شاعرها


قصيده معبره


تسلم ايدك مها على النقل الرائع

والشكر موصول

لشيخة قبيلتها على نقل + التنسيق


وبانتظار القادم من الروائع والابداعات

تقبلي مروري

[مـزعـّلـة ـآلـنـسآـآ]

صح الله لسان شاعرها

وتسلم يمين من نقلها

وتسلم يمينش يا شيخه ع التعديل

::


دمتـِ بهذا العطااء


مودتي

[العرااب]

يعطيك العافيه اختي مها ع القصيده الي اكثر من رائعه

[العرااب]

ويعطيك العاافيه ياشيخه قبيلتهاع القصيده الجميله

[درب وحسافة .. !]

مها المري .. !



أرويتنـي شعـراً

[ناصر بوجما]

صح آلله إلــسآنـش ؤ إلــسآنـه ..

أبــدعتي فـي آلــنقل يـ آلآمــيره ,


وآلــشكر موصول لآخـتنتآ [ شـيخة قـبيلتـهآ ] عـلى آلـتنسيق .


إخــيش : نآصر بوجمآ