(تمتعـــــــــــــــوا...)
وجودي يابومشعل على وارد الطرطوس
ابو تندة(ن)بيضاء على شغل طرطوسه
ابي وان نهمته ليلة يبعد الهاجوس
عن القلب لايقضي على القلب هاجوسه
اليا دق سلفه كن بالقلب دق جروس
ولولاه قلبي كان مادقت جروســــه
امدالقدم للبنص وان زدت له بالدوس
يجيب اخر الطبلون عند اول الدوسه
يشكل سحاب بالسماء والنظر معكوس
اليا افترّ ويله والمرايات معكوسه
اليا شل عزمه وانتهض والثنين انكوس
على شف بالي يوم الاثنين منكوســـه
يعيش الخواجه حط للجمس خمس تروس
اليا خمه السواق ماصرّت تروســـه
ورد من امريكا جمـــس ماوردته الروس
على الفحص مايحتاج يكشف على روسه
وله مركب(ن) يهنا لمن عدّ فيه فلوس
ومركبه مايهيــــا لمن شح بفلوسه
يسوقه شجاع يرفع الراس بالناموس
اليا جاء مجاله يرفع الراس ناموسه
يكيّف عليه الياانحنىالخط مثل القوس
وهو كل خط منحني عارف(ن) قوســه
على قول ابوسلطان قال الجموس جموس
على الدور الاول يوطا الاخطار بجموسه
خطوطه على قطع الخرايم جدد ودروس
ولايمشي الا خطة الفكــــر مدروسه
وانا كن قلبي فوق جمر الغضا محموس
وكبدي بمحماس(ن)على النار محموسه
على ادعج غنج هايف حشا زاهي الملبوس
حسين الدلال اللي زهى حسن ملبوســـه
الشاعر / محمد هويج اليامي
17-06-2008, 04:31 AM
العرض العادي
