رســــالـــة واقـــعـــيــــة"خــاصة درس للـجــميــع"

[هيبه ابدويه]

انتهى درب الوفـا مـع عالـمٍ ماهـي وفيـه
وانتهى صبري على راع الخطاء و السد باحـي
و احتزمت بمحزمي للحرب و اسرجت العبيـه
ما بقى من دون حقي غير وقفه فـي سلاحـي
جعل رجلٍ مابراسـه مـن ورى ربعـه حميـه
عن ظهر كل البسيطه ياعسى يمحـاه ماحـي
ياعميلي وش بـلاك تجـازي الحسنـه بسيـه
غرتك ضحكة زمانك ياعميلي ما انت صاحي
ويـن مـردود الجمالـه و العلـوم الاوليـه
صرت تطعن بقـفايـا مروي علـط الرماحـي
بس انا من دون ربعي لو على حـوض المنيـه
بشاية الله غير تجرع جرعة السـم الذحاحـي
العلاقة عنـد مثلـك تتضـح لـي موسميـه
تبتدي عند الغروب و تنتهي عنـد الصباحـي
صايـر المختـار بمسلسـل ليـال الصالحيـه
تلعب الممنوع بالمذهب تقـول انـه المباحـي
لو تطوف بقم مع حضـرة زعيـم المرجعيـه
ممكن ان يعينونـك عندهـم سيّـد سياحـي
من فعولك ما بقى لك في ضميـري مقدريـه
و الأمل بالطيب عندك راح ضحضاحٍ بضاحي
بس انـا مانـي مغفّـل لجـل تلعبهـا عليّـه
ضاربٍ لك حسبة الموضوع من كل النواحـي
كان تبغاهـا نعيـمٍ بيـن روض و بيـن فيـه
طيع شوري و استعذ و عن الخطا صك اللواحي
و كان تبغاها عـنــاد و حد سيـف و حضرميـه
والله اني غير اورّدك الهمـاج عـن القراحـي
لا ابو اللـي مـا يمشيهـا بعكـس الجاذبيـه
دام طير العز عندي قـام يكفـخ بالجناحـي
شاعرٍ و اسخّـر الطـاروق و اعالـج قضيـه
و شاهرٍ سيفي ورى حد الحمـاء مايستباحـي
اكوي اللي يعترض بالدرب كيه فـوق كيـه
لين يبصم في رسوبه قبل يبصـم فـي نجاحـي
قلتهـا و انتـه مخيّـر و الرسالـه واقعـيـه
مسرجٍ ظهر الاصيل و محتزم لك في سلاحـي