"بيـاض اشتيــاقي لـــك يغــلفني"

جابر بن قادرة · #1 28-04-2010, 06:48 PM

بسم الله الرحمن الرحيم

من ساحل الشرق, موج الشوق يجرفنـي=طول المسافـة يهـون لخاطـر عيونـك
حظي وقف, يوم فـي مرسـاك وقفنـي=وغيري ملايين يقصـر حظهـم دونـك
جيت أعترف بالخطا, وأرجوك تنصفنـي=ومن قبل تحكم علي, فكر علـى هونـك
زماني, أجبرني أخطي وأنـت تعرفنـي!=قل لي, وش علاج وقتك لأخلف ظنونك؟!
زمانـي اللـي بمـا لاطيـق كلفـنـي=من حر رمضاه جيـت" لفيـة جفونـك"
مليت بعدك , و "ناي" الضيـق يعزفنـي=خذنـي بقربـك, وقسمنـي بـ"قانونـك"
أحس حزني, لأجـل ترضـى يكتفنـي=تكفيك عامين حزن بعمـر مسجونـك؟!!
أطلـق سراحـي, ورتبنـي, وصنفنـي=واغسل ذنوبي بعد مـا تبـت بمزونـك
حظـي بعـد غيبتـك مايـوم حالفـنـي=معقول, يكبر معاك ويرجـع يخونـك؟!!
حتى خفوقـي, رحـل يمـك وخالفنـي=أتلى العهد به, بعد مـا شـدت ظعونـك
جيتك, وجـرح الغيـاب المـر ينزفنـي=ماظـن, تبخـل بترياقـك, لمطعـونـك
جيت, وبيـاض اشتياقـي لـك يغلفنـي=أبيك تعطي حياتي شـي مـن " لونـك"
مـادام الآمـال مالـت يمـك, أقطفنـي=هرج العـواذل "شتـاه" أتعبنـي بدونـك
ومـادام وقتـي بفـن الحـزن ثقفـنـي=أوعـدك ماخلـي أحـزانـك يدلـونـك
"="
"="
أخاف تبكـي, مـن الضيقـه, وتذرفنـي=وأنـا مـلاذي الأخيـر" بفيـة جفونـك"

جـــــابر بن صــــــغير بن قـــــادرة