خيبت ظني فيك ياطيب الراس ,, ارخيت نفسك وانت عالي مكانه ..

[سـحـآيب]

خيبت ظني فيك يا طيب الرأس
ارخيت نفسك وانت عالي مكانه

اقول لك لاباس لكن على باس
اشوف في عينك مواري الاهانه

انا عرفت السالفة وانت حساس
لكن وين الحس وين الذهانه

من يوم مادوجت في سوق الافلاس
راحت عليك اللي تسمى حصانه

ترى مرافق كل حاسد وبلاس
يشررررره الرجال ويقل شانه

وترى الاوادم كتلة شعور واحساس
واكبر خطأ جرح الشعور وكيانه

والكلمة اللي فرقت اكثر الناس
يسعى بها الشمات بأسم الميانه

بعض العلوم اللي ما تبنى على ساس
ما تنقبل في العرف ولا الديانه

والحر في هرجة لسانة له قياس
يقيسها له قبل يسرج حصانه

والي جعل من كلمة الحق نبراس
ما هوب مثل اللي على ليل دانه

جاك الكلام وحطها بين الاقواس
يطيح الرجال عثرة لسانه

وان كان ما حسيت يا طيب الراس
مانت بعلى خبري ولا انت بتكانه

مماراق لي

[مطلق الخالدي]

صح لسانك ولسان شاعرها
ولاهنتي ع النقل الرائع
يا الشيخه
تحياتي,,

[سـحـآيب]

^

ارررحب يـآلذيب ..

صح بدنك ..

ومن قآل مايهوون ..

مرحبآآآ ومسهلآآ ..

[الفريض]

ماراق لك راق لي
صح لسانك ولسان شاعرها
ولاهنتي يالمبدعه ع النقل الرائع
تحيــــــــــــــــــــــــــاتي،،

[سـحـآيب]

^

ارررحب يـآكحيلآن ..

صح بدنك ..

ولآ أنت ..

مرحبــآآآ بك ..