اقرب شاااعر

[المنفرد]

يا سلامي عليكم والبدايا...نشعل النار ونزود حطبها
عد مالاح براق ورعودي...يا سلامي عليكم والبدايا


كل شاعر بسوقه (ك) المطايا...عند لابه عريبه في نسبها
دام هالقاف قدحه من زنودي...كل شاعر بسوقه (ك) المطايا

[مستشار الخير]

مرحبا بالحلاحيل الدهايا=واحذر النار تحرقك بلهبها
والتحية عدد رمل النفودي=مرحبا بالحلاحيل الدهايا


كل غازي نعديه الرعايا=عند قومن يقفي من حربها
لا تكلم بعد وسمت ذودي=كل غازي نعديه الرعايا

[المنفرد]

ارحب

ضربتً فالعيون(ن) والحنايا...جعل ربي يبطل في عطبها
صحصحو يالقعود ويالرقودي...ضربتً فالعيون(ن) والحنايا

نبغي نفتح ملفات القضايا...ناقة الله وسقياها حلبها
بين نصب المقابر واللحودي...نبي نفتح ملفات القضايا

[مستشار الخير]

البقا يا ذيبان
ليش سويت بي هذي السوايا=نعرف القصدرينه من ذهبها
وانت في سوق واسعاره تزودي=ليش سويت بي هذي السوايا

وانت مسلم بلا ذنب وخطايا=كلمتي قلنها لك واحتسبها
دمك اااحل من دم اليهودي=وانت مسلم بلا ذنب وخطايا

[المنفرد]

انت بينا السلامه والمنايا...حنا قوم(ن) ولا احد(ن) سلبها
انتبه لا تزل ابك الحدودي...انت بينا السلامه والمنايا

ياعرب يا قليلين الحلايا...كل حاجه تفرق من طلبها
اطلب الله يزيدك فالسجودي...يا عرب يا قليلين الحلايا

[مستشار الخير]

جاتك الناس من كل النحايا=وانت نفسك لا تغضب من غضبها
احتزم بالبنادق والفرودي=جاتك الناس من كل النحايا

والله اللي عليمن بالنوايا=بنت ابو زيد جاها من خطبها
وانت زيدي ومن عرض الزيودي=والله اللي عليمن بالنوايا

[المنفرد]

منته ابنجمةً فوق بسمايا...انت وجهً منتف في شنبها
اكثر الناس ناقصها بزودي...منته ابنجمةً فوق بسمايا

بشهد انك علا راسك خلايا...حيت(ن) والبلا فيه مذبذبها
افهمو وش في غاية قصودي...بشهد انك علا راسك خلايا

[مستشار الخير]

روح من بعد كثرت الحكايا=انت جربا وتعدي في جربها
صحت يا قرد من خلفك قرودي=روح من بعد كثرت الحكايا

ميسمي حط في راسك كوايا=والعمامه علي راسك عصبها
وادخل ايديك من تحت الحيودي=ميسمي حط في راسك كوايا

[مستشار الخير]

تصبحون علي خير

[المنفرد]

وانت من اهله

ولاهنت وصح لساانك