مناسبة القصيده:
قالها الشاعر عندما ارسل له صديق عزيز عليه ( عبيان)من وادي العجمان هديه الي نجران وعندما اوصى الركب قالو لانعرف من جرمان لكبر سنه وأنه اصبح خرف,فقال اذا وصلتم الحي فاسألو عن الشايب الأعمى فعندما علم جرمان أن صديقه لم يصفه الا بالعمى ولم يذكر بطولاته غضب وأحرق الهديه وقال هذه الأبيات.
ياراكـب مـن عندنـا عيدهيـه = حايل ثلاث سنين واليـوم حايـل
ملفاك عبيان حما دقلـةالفـلا = لـي قلطـو لباتهـن الشلايـل
ظفر الى غطـا السبايـا كـراره= ثم صار دم الخيل مثل الوشايـل
قليل هدات الضحى وسط مجلس = لي قطع الفزعات ثوب المفايـل
صديقي عبيان دفع لـي هديـه = ولا وصف جرمان وافي الخصايل
اشـوف دنيانـا علينـا تغيـرت = عذرى تدور في بعلهـا البدايـل
عشنا بها يـوم تلينـا زمامهـا = ويوم تلتنـا واسعفـت للمخايـل
يامـا غلبناهـم نهـار بوكـره = يصبح دمي الخيل منهـا همايـل
ياسعود ابااوصيك منـي وصيـه = والاجود ماتنسا وصـاة الاوايـل
اوصيـك باربـع خـل غيرهـا = فيها على عبيـان تاخـذ نفايـل
اوصيك لاتصلح وربعك تحـارب = ولاتتبع الهونا تحوش الفشايـل
والثالثه بالظيف في ليلة الدجـا = لي خلو الظيفان بعض الهزايـل
والرابعه بالجـار لـي وزيبكـم = ولو قعد عامين فلا بـد شايـل
ومن طق كلب الجار قد حس باله = وبكوة غرير الجار تمحى الجمايل
09-01-2005, 07:58 AM
العرض العادي
