أنــا لاهاضت اشجوني

[الجويّر]

أنا لاهاضت اشجوني تهيض بداخلي لشعار=واقوم اجزل معانيها واصفـّيها وانقـّيها

اسايسها وابنـّيها واشطبها سـواة الدار=وأثثها من المعنى وازيــنــها واحلّـيــها

أحضّر سبعة ابحوري على بالي واقوم اختار=اشوف اللي يوافقني وألحـّـقها قوافــيــهـا

احبّكها واسبّكها وانظمها نظــام ادوار=مثل نظم العماير. لا تعالت فــي مبانيــهـا

اغمضّها وافتـّحها واسويها على ماصار=اغمّض في معانيها وافتـّح في معــانـــيـهــا

اسويها على كيفي واوضحها وضوح النار=واصعّبها واوعّرها بنفس الوقت واخفيــهــا

وانا لاهاضت اشجوني نخيت بداخلي لشعار=تجي مــع مطلع انفاســي تلـبّي من يناديها

تلبّي بالطلب نفس ٍ عليله من كثر ماأتغار=من اللي تشهده عيــنــي بـكـت لجله للياليها

بكت يوم القبايل . بعضها ضيـّع سلوم الدار=من اسلوم الشكاله لرّدا سبحان والــيــهـــا

غدت مع خايب الموضه كـما قلص ٍ رديف حمار=قليص ٍ تتبع اجحوش ٍ على الخيبه توديــهــــا

وانا من يوم شفت الجار على هـم ٍ على ذالجار=وشفت خشوف ٍ امعفـّه مع اردا من مواطيها

وشفت الوصل بالأخوه عـديم وكل منهم بــــار =غسلت ايدي من الدنيا بقاصيها ودانيـــهـــا

الشـــــــــاعر /ســــــــعود رتيبان ال جويّر

[عـزام]

الجويّر

يا سلالالالالام

ابدااااااااااااع

وحبك للمعانى

صح الله لسانك مليووووون تردف مثلها

وتسلم يمناك يالسنافى

[فيصل بن حجرف]

السلام عليكم
صح لساانك يابن جوير
ولاهنت على القصيدة الرائعة
ننتظر جديدك اخي الكريم

[قبلةالعجمان]

صح لسااااااااااانك ...

[الجويّر]

صح ابدانكم

[بحوور]

الجــويــّر


دائمـــا مبــــدع ,,

صـــح كــلك مليــــــوون

ولاهنــــــــت ,,




أختـــــكـ

[الجويّر]

صح بدنش بحور والله يعطيش العافيه على المتابعه المتواصله



تحياتي / الجوير