جديد (الكــــايد)

[الكــــايد]

الله من هم بصدري بدا يجيش............يزفر كما البركان بصدري ليا جاش
لو يضرب جبال الهدا طيره ريش ........ ...وخلى الوطا من تحت الاقدام تنخاش
وفكرت في دنيا به الخلق ماتعيش..... ...وخذت أنا في بحر الافكار مطراش
يقطعك يادنيا تزعمبه الديش....... .بوقت تغير واصبح الراس منداش
ولد الحموله ذل وزمر حتيريش..... ...وقامت تمخشنا سلق طاش ماطاش
ناس مثل وصف الهلايم قرافيش.. ....ولو جبتهم للبيع عيفو بلياش
ولو قمت افتشهم عن الطيب تفتيش..... ....للقا دواخلهم حثاريب وقشاش
لا قام يمدحلك بنفسه بدا يطيش.... ....ماكنه الا اللي يسمون هتاش
وحثال من حثايل دراويــــــــــش..... ....عايش مع الطيب سوى مثل ماعايش
أحب أنا الطيب ولو ماعطانيش........ ..ولا الردي لو يملك المال حتاش
يارايح يم القصبجي وابا الخيش..... ...وزميله السدحان للكذب حواش
قله عليكم من هاللفكر تفتيش....... ..وبين خطاكم ماعلى الناس ياخفاش
تمثيلكم كله سبايب وتمخيش...... ..تجار هرج مابكم عز واعراش
الهزو في شيباننا واللغلط ليش...... .وش الهدف واللي تريدون ياخياش
اما تركتو سب عماش وعميش.,... ..والله لاشرشحكم مثل شغل مخلاش
واحذركم الكهرب شبكناه بالفيش..... ..وانتم بزارين تحدون بفلاش
وان كان عندك رد هاته وتلطيش..... ....دونك مطوع عسر الامثال عفاش
المرجله بينك وبينه لواء جيش ..... ....مالت على خطو الحثاله وما حاش
حقرانكم للناس مايجيب لكم عيش.. ....ومعيبةٍ في منطق العقل والجاش
الهزو في شيباننا فيه تغشيش........ .وغشيتو المشاهد بتزييف ابو شاش
أذناب ناس بالحكايا مطاريش...... ..نافخكم المدحول والريح تنفاش
انكان طموحاتك بعيشتك تب تعيش... ......فانتم وانا وفلان ولدنا مامعناش
وانكان طموحاتك لكسب المعاويش ..... ...فال...... في دنياه عايش ومعتاش
ماينفع الطماع أكل البخاشيش..... ...ومن لا يتنومس خاب حضه ولو عاش
ومن صار عنده مال وبيده عراميش... ....حبوه كل الناس لو كان حشاش
لوهو رزيل وسط رجل تقل خيش...... ...يصدق كلامه لاتكلم وهو ماش
ولا كريم الشهم من فطر الريش... .....اللي يكرم الضيف لاجاه طراش
قرم يشب النار ملفا المداغيش...... ...اليا أدبرة دنياه سموه هلاش
المال والدرهم وزين المعاويش... .....أصبح بدين العجز والخمع والاش
يوم الشنب بالوجه يفتل على ويش. .......ماهو لاكل الرز ولبس الاقماش
يفتل ليا جن الركايب معاطيش.... ...وجلبة عصي المرجله يشريه كاش
ياعل رجلٍ مابراسه نغاميش..... ...ياعل تبكيه الحليله وتنحاش
لاصار مابه خير والطيب مافيش.. ....ماغير يجمع مال والصيت مهناش
ماهو لايقنص ولاله مطاريش..... ..ماهمه إلا عيشته مثل الادباش
الكـلب عايش والنمل والخفافيش.... ....ماهو كثير كل بدنياه معتاش
مير الحكي لاجا المحطات تشويش... ....يبين فعل الطيب بعايش وعياش
تمت وصلى الله على صفوة قريش... ..على النبي ماتبصر العين برماش

منقولة للشاعر (ابو علي القصيمي)

تحياتي

الكــــايد

[عيد بن شدقان]

صح السان الشاعر/ابو علي القصيمي

ولاهنت يالكايد
اختيار رائع
الله يعطيك العافيه

[فلاح بن ملبز]

صح لسانك يا الكايد ولسان شاعرها (ابو علي القصيمي)

ولاهنت على النقل والاختيار الرائع

ولاتحرمنا من جديدك

[الكــــايد]

ذياب

فلاح

يا مرحبابكم وحياكم الله

وشاكر لكم تواصلكم وتشريفكم

تحياتي لكم

الكــــايد

[المارد الشعري]

صح السان الشاعر والله لايهينك يالكايد على الاختيار الرائع

[جمرة غضى]

صح السانك يالكايد ولسان شاعرهاا



قصيده رائعه



تحياتي لك


جمرة غضى

[الكــــايد]

مرحبا والله ومسهلا

(المارد الشعري)

و

(جمرة غضى)

أعجابكم بالقصيدة يدل على ذوقكم الراقي

تحياتي لكم

الكـــايد

[شاوييش]

لاهنت يالكايد على نقل القصيده الجميله
وصح لسان شاعرها

تقبل تحياتي

[الكــــايد]

ولا هنت

حياك الله (شاوييش)

وشاكر مرورك الكريم

أخوك

الكــــايد