ترى الذبايح و أهلها ما تسليني...أنا أدري إن المرض لا يمكن علاجه

[الخيال الحر]

ترى الذبايح و أهلها ما تسليني
أنا أدري إن المرض لا يمكن علاجه


أدري تبي راحتي لايا بعد عيني
حرام ما قصرت يديك في حاجه


أخذ وصاتي وأمانه لا تبكيني
لو كان لك خاطرٍ ما ودي إزعاجه


أبيك في يديك تشهدني وتسقيني
أمانتك لا يجي جسمي بثلاجه


لف الكفن في يديك وضف رجليني
ما غيرك أحدٍ كشف حسناه واحراجه


أبيك بالخير تذكرني وتطريني
يجيرني خالقي من نار وهاجه


سامح على اللي جرى ما بينك iوبيني
أيام نمشي عدل وأيام منعاجه


همي عيالي وأنا اللي فيْ كافيني
علمهم الدين تفسيره ومنهاجه

الشاعره المرحومه ....عابرة سبيـــــل رحمه الله

[حضريه عمها بدوي]

الله يرحمها رحمه وسيعه



تسلم يمينك يالخيال





ذوووووووووووووق

[الخيال الحر]

اشكرك اختي الحضــــريه على مرورك
الكريم بالموضوع الذي يستحق
كل عضويقوم بمرور بسيط عليه

[السيف الصقيل]

قصيده قووويه وقصايدك اللي تجيبها دايما قوويه


وهذا يدل انك شاااعر


ولك مني كل الشكر والاحتراااام

[bomeshal12]

الخيال الحر
لاهنت على الاختيار الرائع
وصح لسان الشاعره

[الخيال الحر]

اخوى السيف الصقيل
اشكرك كل الشكر على
ها المرور
الذي يعتبر منك
شي جميل وبيض الله
وجهـــــــــــــــــك

[الخيال الحر]

اشكرك اخوووي ابو مشعل
على ها المرور اللى يشرفني
فى جميع المواضيع
اشكرك كل الشكر

[الـنايفه]

أ

خذ وصاتي وأمانه لا تبكيني
لو كان لك خاطرٍ ما ودي إزعاجه


أبيك في يديك تشهدني وتسقيني
أمانتك لا يجي جسمي بثلاجه..


بصراحه كلمات مؤثره حييييل...
الله يرحم من كتبها...ولاهنت ولاهنت وعساك سالم على النقل اخوي

خالص الود

ام خالد

[الخيال الحر]

اشكرك اختي ام خـــــالد على
ها المرور اللى يشرفني الحقيقه ....
والله يعطيك الف عافيه

[الاطخم]

الله يرحمها
ماظن ان فيه شاعره بوقتنا هذا بمستوى عابرة سبيل