## فتى البزابيز تحت المجهر ##

[الباشا]

نلتقي من جديد معكم ومع

ضيفنا هذا الاسبوع

الاخ الفاضل
فــتــى الــبزابـيـز


اخي الكريم

سعيدين بإن تكون في ضيافتنا هذا الاسبوع فمرحبا بك

ونتمنى ان نتعرف عليك اكثر من خلال هذا اللقاء

وبداية لقائنا

اسمح لي بسؤالك عن البطاقة الشخصية


والآن

سأترك المجال لاخوتنا الافاضل لطرح اسئلتهم

ولكن قبل ذلك احببت تقديم شكري الخاص

للأخ القدير
فيصل بن حجرف


على اختياره الجميل


كل الامنيات ان يكون اللقاء ممتع وجميل


تقبلوا أجمل تحية

[™ عبد الله ™]

السلام عليكم
ومسـّـاك الله بالخيـر اخوي الفاضل (البــاشـــا) ..

في البــدايـــه .. أحب ان اتوجـّـه بالشكـّــر لشخصك الكريــم على كل ما تبذله من جــهــد

واشكــر الاســتــاذ والأخ العزيز (فيصل ابو عبدالله) على اختيــاره لـــي وتمنـّـيت انه تأخـّـر اشوي في
اختياري .. لأنــّـي مالي وجــود شبه دائم الا في قسم الترفيهي ويمكن اكثر الاخوان الاعضاء مابعد
شاف ايـّـة مواضيع او تعليق لـ فتى البزابيز علشان تكون عنده خلفيـّـه عن هالشخص وبالتالي يقدر

يطرح اي تساؤل او استفسار

واتمنـّـى انـّـي اكون واضــح من خلال الأجابــه على اســئــله الأخوه الأعضــاء ..

وقبل ما ابدأ في الاجابه على ســـؤالك المعهـــود .. ابي انوّه على شغله

اللي هي .. ان الهــدف من طرح هذا الموضــوع هو التعرّف على افكــار و رؤى كل شخص يكون

تحت المجهر .. وليس التعرف على لبــاقته فالكلام والاسلوب و.. الخ الخ

عشان كذا وعشان انا ما اقدر اجمـّـع واحط كلام حلــو الا لين اشرب زقاره مع فنجال قهوه فغنسيـّـه ..

وعشان انا ناوي اقطع الزقاير (لاحظ كلمه "ناوي" اللي لها اربع سنين ) عشان هذا كله راح اجاوب بكلّ عفــويـّـه

وان كانكم مصــرّين على الاسلوب ترى مافيه مانع
<< بيروح يقرى ردود مليحان ويسرق من كلامه

---

نرجع لســـؤال الأخ (البــاشـــا) ..

البطاقه الشخصيـّـه

الأســم : عبـدالله

العمر : قاعد اطقطق بــيــبــان الثلاثيــنات

المهنه : مــوظــّـف

الجنسيـّـه : كويتي (بالتأســيــس) << يرحم ايّـام الغوص

اللون : قمحــي

الوزن : 70

الطول : 181 << ماعرفه الا من طول الثوب لا جيت افصـّـل

اعتقــد هذا كــــــافي بالنسبه للبطاقه الشخصيـّـه ..

وكلّ الشكر لك اخوي الباشا وفي انتــظـــار اسئله واستفسارات الاخوه الاعضاء

[سراااااااااااااااب]

هلااا فتى منور الكرسييي

يااويييييييييييييييلك منييييييييي بذبح بالاسئله >>والله مو انا الجامحه الله يعينك

لا تخااف اتغشمر هههههههههههههههههههههههههه

يلاا نبلششش مع بعض ....................

1- صف شخصيتك بثلاث كلمات ؟؟

2- مؤهلك العلمي ؟

4- شنو الشي المميز بشخصيتك والعيب الي تتمنى تتخلص منه ؟

5- حلم تتمنى تحققه في المستقبل ؟

6- منو اهو الانسان اللي حسيته فاهمك ؟؟

7-من اهو الانسان اللي ودك تتقرب له ؟؟

8- هل انت مع حقوق المرأة السياسية او لا ؟؟ وليش؟ >>>شكو ههههههههههه

9- منو الانسان اللي تثق فيه ثقة عمياااء ؟؟

ولي رجعه بس خلني افكر باسئله بعد
اختك
سروووووووووب

[المسك الاذفر]

يعطيكم العافية على اختيار الفتى لمجهركم الدقيييييييق لنسلط النظر عليه عن كثب




الاسئلة الثااااااقبة لمشرفنا الموقر...


وش طرى عليك نك""فتى البزابيز""؟؟


منو العضو اللي تحرص انك تقرا مواضيعه وتتشرف برده على مواضيعك؟؟؟


من وين تجيب اجوة لاسئلة آل عجمي؟؟>>>>اغسلي ايدك


كم رسالة بصندوقك؟؟؟


منو العضو اللي تستمتع لمن تدخله السجن؟؟؟


ولي عوده يا بزبزلي

[زبون كيمو]

الطول : 181 << ماعرفه الا من طول الثوب لا جيت افصـّـل

هههههههههههههههههههه
يحليلك ،، هجل راسك مهب داش في الحسبة

على العموم عندي سؤال واحد

كيف حالك؟

[™ عبد الله ™]

المشاركة الأصلية كتبت بواسطة سراااااااااااااااب

هلااا فتى منور الكرسييي
منــوّر بـويـودش طال عمرش ..

يااويييييييييييييييلك منييييييييي بذبح بالاسئله >>والله مو انا الجامحه الله يعينك
^
^
ما فهمت الا الجامحه
بس يالله نستفتح بأسئلتش

لا تخااف اتغشمر هههههههههههههههههههههههههه

يلاا نبلششش مع بعض ....................

<< مدري ليه تذكرت ايام امتحانات الثنويه

1- صف شخصيتك بثلاث كلمات ؟؟

- انسان عادي جــدّا ولا يغرّش البشت الازرق متقلـّـب المزاج احيانا

2- مؤهلك العلمي ؟

- جامعي

4- شنو الشي المميز بشخصيتك والعيب الي تتمنى تتخلص منه ؟

- بصراحه ماعمري فكـّـرت ادرس نفسي واعرف ميزاتي لكن اعتقد القبول الاجتماعي لله الحمد
وبالنسبه للعيب فـ اعتقد اني اتجلـّـد بالصـّـبر اكثر من اللازم على اخطاء الآخــرين .. مدري احس ذالشيء غاثــّني

5- حلم تتمنى تحققه في المستقبل ؟

- بصراحه مافيه احلام .. لكن الطموح موجود و في اطار المهنه
6- منو اهو الانسان اللي حسيته فاهمك ؟؟

- فيه اكثر من شخص .. لكن فيه اشياء محد يقدر يفهمني فيها .
7-من اهو الانسان اللي ودك تتقرب له ؟؟

- كل شخص يخاف الله .. ويقــدّر الأخــوّه والصــداقه

8- هل انت مع حقوق المرأة السياسية او لا ؟؟ وليش؟ >>>شكو ههههههههههه

- انا مع تصويت المرأه لكن ضــدّ ترشيحها لأسباب ديـنــيـــّـه واجتمــاعيــه

9- منو الانسان اللي تثق فيه ثقة عمياااء ؟؟

- الثقه موجوده ولله الحمد لكن مافيه افراط بالثقه
ولي رجعه بس خلني افكر باسئله بعد
اختك
سروووووووووب

حيـّــاش الله اخــت ســـرااااب .. واتمنى اني جاوبت على اسئلــتــش .. بس تراش ناسيه سؤال رقم (3) طمرتي على طول لـ اربعه ههههههههههه

[™ عبد الله ™]

المشاركة الأصلية كتبت بواسطة مطرطشه

يعطيكم العافية على اختيار الفتى لمجهركم الدقيييييييق لنسلط النظر عليه عن كثب

<< بعــوضه . . الله يهداش ؟!!

والله يعافيش نيــابــه عنــهم




الاسئلة الثااااااقبة لمشرفنا الموقر...

مــوقــّـر حــتــّــه وحــده << مدري ليه ما اذكر ذالكلمه الا في الكتب والمعاريض لا جينا نعطيها اعضاء مجلس الامه بأسماء الوزراء

وش طرى عليك نك""فتى البزابيز""؟؟

- اممممممم .. اذا تقصدين المعنى فــ كنت بوضــّـحه من البدايه لكن نسـيت .. لأن اكثر الأخوه الاعضاء الله يثــيــبــهم يحسبون معناه فتى المواصير او الحنفيـّـات يعني (سبــّــاك )
لكن الحقيقه البزابيز هذي تــقــع في الــوادي وتحديدا جنــوبي العييـنه والقلـيـّـب واعتقد ان شركة ارامكو السعوديه هي اللي وضعتها بعد عمليـّـات الكشف والتنقيـب لأن الوادي يزخر بكمـّيات ومخزون هائل من النفط .. فـ قامت الشركه بالبحث وحفر آبار المياه بجانبها ومن ثم اغلاقها وتخزين مواقعها .. وكان اصحاب (الحلال) سابقا يــستخدمون تلك البزابيز لتصدير المياه والبعض الاخر يستخدمها للسباحه
<< كنـّـها اجابه على امتحان تاريخ

منو العضو اللي تحرص انك تقرا مواضيعه وتتشرف برده على مواضيعك؟؟؟

- بالنسبه للعضو اللي اقرى مواضيعه .. فــ مافيه عضــو محدد .. لكن نوعيـّـة الموضوع هي اللي تجذبني للقراءه وليس العضو .. وبالنسبه للرد على مواضيعي .. فــ انا مالي مواضيــع ولو كان عندي مواضيع فــ أنا اتشــرّف بـردّ كل من يقــرأ الموضوع


من وين تجيب اجوة لاسئلة آل عجمي؟؟>>>>اغسلي ايدك

- بيني وبيـنش .. (( هو يغشـّـشــني خاص )) بس لا تعلمين احد

كم رسالة بصندوقك؟؟؟

- الحين 49

منو العضو اللي تستمتع لمن تدخله السجن؟؟؟

- والله في اكثر من عضــو طاشّ كبدي .. لكن سابقا كانت طرطشـلي وحمد وحاليا الجامحه وسراااب وتريكي استانس اذا انسجن بس مهوب انا اللي اسجنه
ولي عوده يا بزبزلي

حيـّـــاش الله اختي طرطشــلي .. وفي انتــظـــار العــوده

[محمد بن جنيد]

السلام عليكم ورحمة الله وبركاته

اشكر (( الباشا )) على حسن الاختيار للرائع (( فتى البزابيز ))


الاخ / فتى البزابيز

احب ارحب فيك تحت المجهر وان شاء الله ماراح اتعبك بكثر الاسئله << بس 30

نبدأ بالاسئله

1- موقف صارلك بطفولتك لحد الحين في ذاكرتك ؟؟

2-شي سويته وبعدين تندمة ؟؟

3- في لحظة حزنك إلى اي مكان تلجاً ؟؟





الحين ادخل في مجالي الرياضي


1- ماذا تعني لك الرياضه وهل انت من متابعين لكرة القدم ؟؟

2- من تتوقع ان يحصل على كأس الخليج القادم (( بغض النطر عن الوطنيه )) ؟؟


3- ناديك المفضل (( محلي - عالمي )) ؟؟


بما انك من رواد القسم الترفيهي لازم كم سؤال عن الترفيهي

1- علل : كثرة تواجدك في القسم الترفيهي بالذات ؟؟

2- برأيك لو اختفى القسم الترفيهي لشهر كامل ماذا سيحدث ؟؟

3- موقف طريف صار معاك


انتهى

اتمنى تكون الاسئله خفيفه عليك
ولي عوده باذن الله

[عنايد]

الأخوان الأفاضل : فيصل بن حجرف و الباشا

كل الشكر لكم ويعطيكم العافية على الاختيار الموفق للأخ الكريم : فتى البزابيز





نور المجهر

بفتى البـــــزابيز

والله أنك من الأخوان اللي احترمهم وأقدرهم في هذا المنتدى واستانس حيل لما ادخل قسم الترفية
واشوفك موجود

وبما انك تحت المجهر

اخذ هذه البطاقة من أختك عنايد فيها اسئلتي والله يعينك عليها :

انشالله ما أكون ثقلت عليك باسئلتي

وتقبل

[™ عبد الله ™]

المشاركة الأصلية كتبت بواسطة زبون كيمو

هههههههههههههههههههه
يحليلك ،، هجل راسك مهب داش في الحسبة

اما راسي مهوب داخل في الحسبه .. لاعب سلـّـه

لا طال عمرك بس لا جاء ياخذ مقاس الثوب قلت شف كم طولي كامل

على العموم عندي سؤال واحد

كيف حالك؟

الله يجمـّـل حــــالــك اخوي ومبدعنــا السابق واللي انتمنـّى رجعته نفس أول " زبــون كيـمــو "

وحيـّـاك الله وحيّ اللي ما يكلـّـف على ربــعه وخويـّاه بالاسئله