قصيده :: اعجبتني للشاعر :: سلطان بن بتلاء الحربي وحبيت انقلها لكم:
يـاخــي لـــي اســبــوع واخــلاقــي تـجـاريــه=مـيــد ان تشـيـنـا مــاهــي مــيــد ان جـابـانــي
ظـاقــت عـلـيّــه ومــــع كــبــر الـسـعـوديـه=اقـــول يـاصـغـرهـا مــــن هــاجــسٍ جــانــي
يــاخــوي مــافــي بــنــات الــيــوم حـنـيّــه=والـحــب بـالـوقــت هــــذا لــعــب بــزرانــي
حـبـيـت لـــي بـنــت واحسـبـهـا عـلــى الـنـيـه=واقـــــول ياحـلـيـلـهـا هـالـبـنــت تـهــوانــي
بـبــدايــة الـمـسـألــه كـــانـــت مـثـالــيــه=ولاعــلــى لـسـانـهـا الا ذكـــــر (سـلـطـانــي)
حـبـيّـبــه صــادقـــه حــلـــوه رومـنـســيــه=لــو قـالــت ابـغــى عـيـونـك تـرخــص اعـيـانـي
وفـــي لـيـلــة ٍ مـظـلـمـه مـاهـيــب ورديــــه=نـايــم عـقــب مـاقـضـيـت الـلـيــل سـهـرانــي
جــوالـــي بــحـــروة الـثـنـتـيـن فــجــريــه=نـسـيـت احـطــه عـلــى (الـصـامـت ) وصـحّـانـي
رديـــت واوحـيــت صـــوتٍ مـااخـبــر زيّــــه=فــيــه الــدلــع والـغـنــج والـثـقــل ربــانــي
قـلــت ارحـبــي قـالــت ابـقــه قـلــت يـابـنـيّـه=مـــن انـتــي؟ ووش عـلــى هـالـفـجـر طــرانــي
قــالـــت حـبـيـبـتـك يـاسـلـطــان هـــاذيّـــه=صديـقـتـي مـــن زمــانــي وشـانـهــا شــانــي
لـكـنـهــا خـانــتــك مــاهــيــب جـــديّـــه=واصـبـح مـعــك فـــي هـواهــا واحـــدن ثـانــي
حــاولـــت ابـخــلــي الاوضـــــاع ســريّـــه=لـكــن جــــرح الــغــدر والـصـمــت عـنـاّنــي
تـمـشـي عـلــى مـبــدأ (الـغـيـر الـولــد مـيّــه)=واقـــول حـتــى الـبـنــات اشــكــال وألــوانــي
مــانــي بــزعـــلان والــدعـــوى طـبـيـعـيـه=بالـعـكـس تـــوّي صـحـيـت وربــــي انـجـانــي
والـنـفــس مــاهـــي بـهـالاشـكــال مـشـقـيّــه=قـولــي لــهــا تـمـســح ارقــامــي وتـنـسـانـي
مـاعــاد لـــي فــــي دروب الــحــب مـولـيّــه=وشــولــه اخــلــص واذوق الــمـــر واعــانـــي؟
مــــدام هــــذي هــــي افــعــال الـهـواويــه=الـبـعـد خــيــره عــــن الـلـجــه والاحــزانــي
لابـــــوه لابـــــو الـعــلاقــات الـغـرامــيــه=الــلــي بــهــا مـخـاشــره بــفــلان وفــلانــي
ترقبو مني كل جديد باذن الله
وهذا جديدي
واتمنى ان ينال اعجابكم
وكما قلت في المره الي فاتت
اللهم اني صاايم
تقبلو احترامي
اخيكم
سماوي بن نجم
21-09-2007, 04:05 PM
العرض العادي
