معركة عروى بين شمر وعتيبه

[الحاتمي]

معركة عروى
قال هذه القصيدة حمود العبيد الرشيد بمناسبة معركة عروى بين محمد العبدلله الرشيد أمير حايل سابقا وقبيلة عتيبة بفرعيها برقا وروق ، وكما هو معروف أن محمد العبدلله الرشيد لم يذكر التاريخ أنه قد خسر معركة واحدة في حياته ، قال هذه القصيدة بمناسبة المعركة المذكورة ، وكان وفد من قبيلة العجمان حاضرين المعركة وهم ليل الملتقم شيخ فخذ ال هادي من العجمان وحزام وفاران ، يقول حمود العبيد الرشيد :

يا ليل سلم لي على الشيخ راكـان=سلم على زيـزوم يامـن وميـره
وقل فعلنا شافـه حـزام وفـاران=يوم على عـروى تقطـع غثيـرة
يوم ان ابن هندي نوانـا ابـرزان=حنا على عروى قصرنـا مسيـرة
واللي تمنى حربنا مـع غـازالان=ما حربنـا باللـي تمنـاه خيـره
والحرب ما يحسب طراد بميـدان=الحرب سل الصيرمي من جفيـرة
هرج بـلا فعـل خـراط بقيعـان=وقول بـلا فعـل علينـا معيـرة
عاداتنا من مبطيا فـرق الأقـران=نفرق عشير من ملامـى عشيـرة
واللي تمنى حربنـا يـم بـرزان=ناتيه نقصر عنوتـة عـن مسيـرة
وان كان هو من غارة العام زعلان=من الزعل والغيـظ حنـا نجيـرة
برقطا لها مع فجة الصبح دنـدان=نتبـع ملازيمـه عقـاب المغيـرة
حصان الصميد اللي يسمى صنيتان=هرجه بلا فعـل قليـل البصيـرة
أغواه عرضات الشيابيـن وفـلان=وتجديعهـم لهدومهـم بالسعيـرة

وعندما وصلت القصيدة إلى الأمير / راكان رد علية قائلا

علـم لفانـي بـه حـزامٍ وفـاران=يا سر قلبـي يـوم جانـي بشيـره
ومن حد نجران إلى قصـر بـرزان=ما هوب أنا يا الضيغمي أنت أميـره
سعدٍ لخوك مساعـده سـر واعـلان=ودبـوس راس لا دوابـه مشـيـره
وان قلت جيران فلا حـن بجيـران=في جيرة اللـي مـا يذيـر جويـره
جويرنـا خيـلٍ تنـازى بصبـيـان=كـل أبلـجٍ ينظـر بظلـة عشيـره
ومن زان حنا له على الزين خـلان=وضر إلـى حـرك تزايـد سعيـره
والاحسان يا بن عبيد يجزى بالاحسان=والشر نعبـي لـه وجيـهٍ شريـره
ولولا (حسن) نوخ بذربيـن الايمـان=راحت عليكم يا بـو ماجـد كسيـره
أولاد علـي مطوعـة كـل فسقـان=وعاداتهـم نطـح الوجيـه الظهيـره
وما قل دل وزبـدة الهـرج نيشـان=والهرج يكفي صاملـه عـن كثيـره

(حسن) يقصد الشيخ حسن بن مهنا أبا الخيل أمير بريده واولاد علي هم أهل القصيم جماعة الشيخ حسن أبا الخيل .